Ezai 40:8 - NYANMIƐN NDƐ'N 1998

⁸ Ijre'n ɔ wu, yɛ i nyrɛ'n ɔ gua, sanngɛ Nyanmiɛn'n i ndɛ'n ɔ tran lɛ tititi .»

Ezai 40:8 ပူးပေါင်းရင်းမြစ်များ

Jue Mun 111:8

Be ti kpa titi. Be taka nanwlɛ nin sa nuan su yolɛ'n su.

Ezai 59:21

Anannganman kan gua su ekun kɛ: «Min Anannganman min liɛ'n, nda nga n ´ta be'n yɛ: Min Wawɛ'n ɔ ´tran be su, yɛ min ndɛ bɔ n fa wlali bé nuan'n, ɔ su jaso-man bé nuan nun, ɔ su jaso-man be mma'm bé nuan nun, ɔ su jaso-man be anunman'm bé nuan nun. Kɛ ɔ fin ndɛ'n, ɔ ´yo sɔ tititi .»

Zeremi 44:29

Kɛ ɔ ko yo nan amu'an wun kɛ nyrɛnnɛn sɔ'n ɔ ´nyan amun sakpa'n, n wa man amun nzɔliɛ kun. Nzɔliɛ sɔ'n yɛ:

Zakari 1:6

Sanngɛ ndɛ nin mmla nga n fa wlali min sufuɛ nga be ijɔ min nuan'n bé sa nun, kɛ be `fa man amun nannan mun'n, amun nannan'm be wunnin i yɛ be seli kɛ: ‹Sa nga Anannganman b'ɔ sie mɛn wunmuan'n waan sɛ e yo tɛ nan sɛ y'a yaci-man ye aeliɛ tɛtɛ'n ɔ ´fa yo ye'n, yɛ ɔ'a yo i yɛ.› »

Kalɛ 23:19

Nán klɔ sran yɛlɛ Nyanmiɛn nan ɔ'a bua ato. Nán bla yɛ ɔ wuli i nan ɔ'a kaci aniɛn. ?Ndɛ ng'ɔ kan'n, ɔ su yo-mɛn i nuan sa? ?Like nga i waan ɔ ´yo'n, ɔ su yo-man?

Matthieu 24:35

Nyanmiɛn b'ɔ la nglo lɔ plaii'n nin asiɛ'n be ´sin, sanngɛ min ndɛ'n i blɛ'n su sin-man le.»

Matthieu 5:18

Afin nanwlɛ, n kan kle amun kɛ be su nunnun-man mmla'n i nun fluwa mma kaan kun annzɛ i nun ndɛ kaan kun lele san kɛ nglo'n nin asiɛ'n be nun-man lɛ kun'n. San i kwlaa sɔ'n ɔ ´kpɛn su.

Marc 13:31

Nyanmiɛn b'ɔ la nglo lɔ plaii'n nin asiɛ'n be ´sin, sanngɛ min ndɛ'n i blɛ'n su sin-man le.»

Jean 10:35

E si kɛ sran fi kwla nunnun-man Nyanmiɛn ndɛ nga be klɛli'n. Be klɛli i kɛ be nga Nyanmiɛn fɛ i mmla mannin be'n be ti kɛ Nyanmiɛn sa.

Jean 12:34

Sran'm be usɛli i kɛ: «E kɛnngɛn i mmla'n nun kɛ Krist su wu-man mlɔnmlɔn. ?Sɛ ɔ ti sɔ'n, ɔ yo sɛ yɛ man a se kɛ san be ´man i b'ɔ kacili Sran'n i su nin-ɔn? ?Sran b'ɔ kacili sɔ'n yɛlɛ wan ?»

1 Piɛr 1:25

Sanngɛ e Min'n i ndɛ'n wo lɛ tititi .» Ndɛ sɔ'n yɛ kɛ be ´kan jasin fɛ'n be kan kleli amun nin-ɔn.