Ezai 40:5 - NYANMIƐN NDƐ'N 1998

⁵ Yɛ Anannganman i nyrun b'ɔ ti nyannyan'n ɔ ´fite nglo. Yɛ sran'm be kwlaa be ´wun Anannganman'n .» Anannganman yɛ ɔ kan sɔ-ɔ.

Ezai 40:5 ပူးပေါင်းရင်းမြစ်များ

1 Famiɛn Mun 14:11

Wɔ awlo'n nunfuɛ kwlaa ng'ɔ wu klɔ'n su wa'n, alua'm be ´di i. Nga kusu b'ɔ wu blo'n, anunman'm be ´di i.› Anannganman yɛ ɔ kan sɔ-ɔ.»

Jue Mun 102:16

Man mɛnfuɛ'm be kwlaa be nyin yi Anannganman. Man asiɛ'n su famiɛn'm be wun kɛ i dan'n fa ti ju'n.

Jue Mun 102:17

Anannganman'n ´kplan Siɔn klɔ'n uflɛ, ɔ yi i anyrunnyan'n i nglo.

Jue Mun 72:19

Man e la Nyanmiɛn b'ɔ i dunman'n fu'n i ase tititi. Man i nyrun nyannyan'n yi asiɛ wunmuan'n. Man ɔ yo sɔ!

Jue Mun 96:6

Ɔ ti dan sakpa, ɔ nin sulɛ fata. Kan ɔ tran lɛ'n ɔ ti kpajawa yɛiin, yɛ ɔ yi i fanngan'n i nglo lɛ.

Jue Mun 97:6

Sɛ nyanmiɛn'n b'ɔ la nglo lɔ plaii'n ti sran'n, wuun n ´se kɛ ɔ kɛn i sa b'ɔ yo i nuan su'n i ndɛ. I nyrun nyannyannyan'n yo nvlefuɛ'm be kwlaa be nyɛnmɛn.

Ezipt Lɔ Tulɛ'n 16:7

Ainman nglɛmun kusu amun wa wun Anannganman i nyrun nyannyan'n, afin ɔ tili trikilɛ nga amun trikili i su'n. ?Wan yɛlɛ e bɔ amun triki e su-ɔ?»

Ezai 1:20

Sanngɛ sɛ amun fa-man min nuan ndɛ'n, yɛ sɛ amun yo nyin kekle'n, alɛ'n yɛ ɔ ´di amun-ɔn. Min Anannganman min yɛ n kan sɔ-ɔ.»

Ezai 11:9

Be su yo-man sa tɛ Anannganman i oka'n su, be su saci-man like fi Anannganman i oka'n su. Kɛ jenvie'n i nzue'n ɔ kata i bo lɔ'n su'n ju'n, i kunngba nin-ɔn, asiɛ'n wunmuan'n su sran'm be ´si Anannganman lelele .

Ezai 26:15

Anannganman, wɔ man y'a trɛ, wɔ man y'a sɔn, yɛ w'a nyan nyrun. A trɛli e mɛn'n nun.

Ezai 34:16

Amun `fa Anannganman i fluwa'n be nian nun, amun `kanngan. Be klɛli i nun kɛ: Be wie fi su tu-man nun, be wie fi sa su mlin-man. Afin Anannganman yɛ ɔ sieli i sɔ-ɔ. I wawɛ'n yɛ ɔ yiali nnɛn sɔ'm bé nuan-an.

Ezai 35:2

Ijre nyrɛ'm be tran nun sakpa. I wun kpɛjɛ i, yɛ ɔ ´tu kpɛn, ɔ ´to jue i klun b'ɔ jɔ'n ti. Ɔ ´nyan nyrun kɛ Liban mɛn'n sa. Ɔ ´yo nyɛnmɛn kɛ Karmɛl oka'n sa, Ɔ ´yo klanman kɛ Sarɔn lika kpɛtɛkplɛɛ'n sa. Yɛ be ´wun Anannganman i anyrunnyan b'ɔ lɛ i'n nin i nyɛnmɛn b'ɔ ti'n.

Ezai 40:4

Man be tannintannin kongo'n kwlaa! Man be tutu oka nin kpɔlɛ'm be ngba! Man be trutru lika kolokolo'm be nun nan be ´yo kpɛkplɛkpɛ. Man be trɛ lika fii'm be nun nan be ´yo gbaun.

Ezai 41:20

Kɛ ɔ yo sɔ'n, sran'm be kwlaa be ´wun i. Sran'm be kwlaa be ´si sɔ. Be kwlaa be ´wun i sɔ, yɛ be ´wun i wlɛ kɛ Anannganman yɛ ɔ yoli sa sɔ mun-ɔn nan i b'ɔ ti Izraɛl Nyanmiɛn'n yɛ ɔ yili be-ɔ.

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Ezai 52:10

Anannganman ɔ'a kle nvle-nvle'm be nunfuɛ'm be kwlaa kɛ ɔ ti kpli. Yɛ kɛ ɔ fɛ i lele ´ju mɛn'n i awieliɛ lɔ'n, sran'm be ´wun delɛ nga Nyanmiɛn de sran'n .

Ezai 58:14

i liɛ'n, n wa yo man amun klun ´jɔ lelele, yɛ n wa fa amun n ´wlan-wlan kɛ safunyrɛn sa amún mɛn'n i lika fleiin'm be su, yɛ n ´fa amún si Zakɔb i aja'n ninnge'n wie n ´fa ta amun,» Anannganman i nuan'n ɔ'a kan .

Ezai 6:3

Be kpan be se be wiengu kɛ: «Anannganman b'ɔ sie mɛn wunmuan'n, i nzuɛn'n nin klɔ sran liɛ'n ti'a kun, ɔ ti'a kun, ɔ ti'a kun. I anyrunnyan ɔ'a de asiɛ'n wunmuan'n .»

Ezai 60:1

Zerizalɛm, sɛ a ti sran'n, wuun n ´se kɛ: «Jaso.» Sɛ a ti kannin'n, wuun n ´se kɛ: «Kpaja kpa, afin ɔ lika b'ɔ kpaja weiin'n ɔ su fite, yɛ Anannganman i nyrun nyannyan'n, ɔ su fite nglo ɔ́ su .»

Ezai 66:16

Sin yɛ Anannganman ´fa di sran'm be kwla be jɔlɛ-ɔ, yɛ tokofi yɛ ɔ ´fa bu be fɔ-ɔ. Ɔ ´kun sran kpanngban kpa.

Ezai 66:18

Ɔ si be nyoliɛ mun nin be klun akunndan'n. Anannganman waan: «M ba kɛ n wa yia nvle-nvle nga be kan aniɛn wafa-wafa'n kwlaa'n, nan be ´wun min nyrun bɔ n lɛ i'n.

Ezai 66:23

«Kɛ ɔ yo sɔ'n, anglo le kun kwlakwla nin le mɔcuɛ'n nun wunmiɛn-delɛ-cɛn'n kwlaa nun'n, sran'm be kwlaa be ´ba, be wa koto mín bo.» Anannganman yɛ ɔ se sɔ-ɔ.

Zeremi 32:27

«Nian, min yɛ n ti Anannganman nin-ɔn. Like nga be nyin o su'n be kwlaa be Nyanmiɛn yɛlɛ min. Sa'n wie fi ti-man kekle mín sa nun.

Zeremi 9:12

Anannganman'n waan: «Be yili mmla nga n fa mannin be'n i ase'n ti-ɔ. B'a tie-man min aniɛn'n ti-ɔ. B'a nian-man su b'a nanti-man'n ti-ɔ.

Mise 4:4

Sran'm be ´di vinyi fie nin be olivie fie fɔuun, sran fi su wla-man bé nyin nglo-nglo kun. Anannganman b'ɔ sie mɛn wunmuan'n yɛ ɔ kɛn sɔ kle wɔ-ɔ .

Abakik 2:14

Sran'm be kwlaa be ´wun kɛ Anannganman lɛ nyrun. Afin i anyrunnyan sɔ'n, ɔ wa yi mɛn wunmuan'n kɛ jenvie'n fa yi'n b'ɔ ɔ kɛtɛ i bo lɔ'n su sa .

Zakari 2:13

E nin be e wa yia nun. Be nga be fɛnnin sran'm bé bo ninnge'n, be wa fɛn be liɛ'n wie kusu.» Kɛ ɔ ko yo sɔ'n, i liɛ amun wa wun i wlɛ sakpa sakpa kɛ Anannganman b'ɔ sie mɛn wunmuan'n yɛ ɔ sunmannin min-ɔn.

JÉSUS-CHRIST I DYASIN FE'N BO LUC KLELI'N 2:32

«Ɔ ti kɛ wia'n sa, ɔ wa kpaja nvle bɔ be ti-man Zuif'n be nyrun,» yɛ ɔ ti ɔ sran Izraɛlfuɛ'm be anyrunnyan like .

JÉSUS-CHRIST I DYASIN FE'N BO LUC KLELI'N 3:6

Yɛ sran'm be kwlaa be ´wun delɛ nga Nyanmiɛn ´fa de be'n .»

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 12:41

Ezai kannin sɔ yɛlɛ kɛ ɔ wunnin nyrun nga Jésus lɛ'n, kɛ ɔ wunnin i sɔ'n yɛ man ɔ kannin Jésus i ndɛ nin-ɔn .

Jean 17:2

Afin a fali sran'm be kwlaa wlɛli i sa nun kɛ ɔ `sie be nan ɔ `man be kwlaa nga a fa be mɛnnin i'n be anannganman nguan.

Sa nga bé yôli'n 2:17

‹Nyanmiɛn waan: An `nian, sa nga cɛn wie lele kɛ mɛn'n ɔ ´kɔ i bue nuan'n, m ma yo'n yɛ: N ´fa n Wawɛ'n man sran kwlaa. Amún mma yasua nin amun mma mmla'm be ´ijɔ min nuan, amun mma gbanflɛn'm be ´wun like aolia nun, yɛ amún si ngbɛn-ngbɛn'm be ´cɛn laliɛ.

2 Korɛntfuɛ Mun 3:18

E kwlaa nga Nyanmiɛn a yi e nyrun tannin ng'ɔ kata e nyrun'n, e wun wafa nga e Min'n i dan'n ti'n i kwlaa kɛ niannun nun sa. E ´kaci kɛ i wafa nga e fa wun i'n sa tititi lelele e ´fɛ i kpa. E Min'n i Wawɛ'n yɛ man e yo sɔ-ɔ.

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

Sa nglô yile 21:23

Be su kunndɛ-man wia nin anglo, afin Nyanmiɛn i wun nyannyan'n ɔ kpaja klɔ'n su, yɛ Bua Gbanflɛn'n ti i kannin .