Ezai 40:4 - NYANMIƐN NDƐ'N 1998

⁴ Man be tannintannin kongo'n kwlaa! Man be tutu oka nin kpɔlɛ'm be ngba! Man be trutru lika kolokolo'm be nun nan be ´yo kpɛkplɛkpɛ. Man be trɛ lika fii'm be nun nan be ´yo gbaun.

Ezai 40:4 ပူးပေါင်းရင်းမြစ်များ

Nyanndra Mun 2:15

be bɔ atin ng'ɔ ti sein'n, be fa-man su'n, bɔ be atin'n ti sa klɛklɛ'n, nán a nin be san nun.

Ezai 40:3

N ti sran kun nɛn, ɔ se kɛ: «Amun `siesie Anannganman i atin'n aawlɛ flɛnnɛn'n nun lɔ. Amun `yi akpɔ kun asiɛ kee'n nun man e Nyanmiɛn'n, amun `treke su .

Ezai 40:5

Yɛ Anannganman i nyrun b'ɔ ti nyannyan'n ɔ ´fite nglo. Yɛ sran'm be kwlaa be ´wun Anannganman'n .» Anannganman yɛ ɔ kan sɔ-ɔ.

Ezai 42:11

Aawlɛ flɛnnɛn'n nun lɔfuɛ mun, yɛ Kedarfuɛ'm bɔ be tran tannin sua'm be nun'n, man be to jue! Man Selafuɛ'm be bo ndɛ! Man be `bo sro oka'm bé ti su lɔ.

Ezai 45:2

«N wa dun mmua ɔ nyrun, n ´yo atin nga b'a saci'n be kpa, n ´saci aaba anuan mun, m ´bubu anuan'm be nun gboklo'm be nun.

Ezai 49:11

Lika nga be ti oka-oka'n, n ´trutru be nun be ´kaci atin, n ´yo atin'm be uflɛ.

Ezai 62:10

Zerizalɛmfuɛ mun, amun `fite, amun `fin klɔ'n nun `fite ndɛndɛ. Amun `siesie atin kun be `man be nga be su sa bé sin be ´ba'n. Amun `kata atin nun buɛbuɛ mun, amun `yiyi i nun yɛbuɛ mun. Yɛ amun `man flanga kun su nvle-nvle'm be nunfuɛ'm bé su.

Ezekiɛl 17:24

Yɛ sɛ n ´kwla se'n, blo lɔ waka'm be kwlaa be wa si jrɛiin kɛ min Anannganman m'an kan waka ng'ɔ nyinnin fleiin'n i ase nan m'an man waka ng'ɔ kan ase'n i su, yɛ be ´si ekun kɛ n yoli man waka mɔnnɛn'n wuli kee yɛ waka kee'n fɛfɛli ekun, min Anannganman Nyanmiɛn'n yɛ n kan sɔ-ɔ. N ´yo i su sa.»

Ezekiɛl 21:26

Afin Babilɔni lɔ famiɛn'n ɔ ko trannin atin nnyɔn be anngɔnda'n su lɛ yili wunnzue, ɔ kejeli cua mun, ɔ usali amuɛn'm be sa, ɔ niannin nnɛn'm be afɔkɔ'n.

Zakari 4:7

?Oka dan, a ti nzu Zorobabɛl nyrun? Zorobabɛl ´trɛtrɛ wɔ nun kpɛtɛɛ. Ɔ nun yɛ be yi yɛbuɛ nga be fa sie i Nyanmiɛn i sua'n i ti nun lɔ nin-ɔn. Be ´yi wuun be ´kpan: Ɔ ti klanman o! Ɔ ti klanman o!› »

JÉSUS-CHRIST I DYASIN FE'N BO LUC KLELI'N 18:14

Nanwlɛ, kɛ gua bo sika defuɛ sɔ'n ´kɔ i awlo'n, Nyanmiɛn nin i be afiɛn a sɛ, sanngɛ ɔ nin kun'n be afiɛn a sɛ-man. Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

JÉSUS-CHRIST I DYASIN FE'N BO LUC KLELI'N 3:5

Be ´tannintannin kongo'n kwlaa. Be ´tutu oka nin kpɔlɛ'm be ngba. Yɛ be ´tinngɛ-tinngɛ atin bɔ be ti klɛklɛ'n. Atin nga b'a saci'n, be ´yo be kpa.

1 Samiɛl 2:8

Nyrɛnnɛnfuɛ ng'ɔ la ndutre nun'n, ɔ nin yalɛfuɛ ng'ɔ o kan be gua wla lɛ'n, ɔ kuku be lɛ, kpɛkuun ɔ man be nin sran dandan'm be tran likawlɛ bia kpakpa'm be su. Afin sɛ n kwla ´se'n, asiɛ'n i ja'm be ti Anannganman'n liɛ. I yɛ ɔ fali mɛn'n takali su-ɔ.