Ezai 40:30 - NYANMIƐN NDƐ'N 1998

³⁰ Fanngan'n wie gbanflɛn'm be nun-ɔn ɔ yo ye, yɛ be kusu be fɛ wie-ɔ ɔ yo ye. Gbanflɛn nga be ti juejue kpa'n, be tɔ cɛn wie-ɔ ɔ yo ye.

Ezai 40:30 ပူးပေါင်းရင်းမြစ်များ

Jue Mun 33:16

Kɛ famiɛn kun ɔ ´kun alɛ b'ɔ ´fite nun'n, nán sonja kpanngban b'ɔ lɛ i'n be fanngan nun ti-ɔ. Kɛ safunyrɛn'n ɔ ´nyɛn i ti lɛ'n, nán fanngan dan b'ɔ lɛ i'n ti-ɔ.

Jue Mun 34:10

Amun bɔ amun ti Anannganman i sran mun'n, man amun nyin yi i. Afin be bɔ bé nyin yi i'n, bé sa mian-man like fi wun.

Jue Mun 39:5

«Anannganman, kle min blɛ nga min nguan'n ɔ ´wie'n. Kle min kɛ min nguan'n i nyanman'n ɔ ti tɛnndɛn ju'n. Man n si kɛ kannzu n sɔ-man.

Akunndanfuɛ'n 9:11

N wunnin i nyanmiɛn'n bo wa ekun kɛ wanndilɛ i akatua'n ɔ ti-man be nga bé wun kpɛ'n be liɛ titi, kwlalɛ'n kusu ti-man safunyrɛn'm be liɛ titi. Nán cɛn kwlaa yɛ ngwlɛlɛfuɛ'n nyɛn i nuan nun aliɛ di-ɔ. Ngwlɛlɛfuɛ'n yo-man anyanbeunfuɛ cɛn ngba. Nán be nga be si sa'n yɛ be man be kɔmin su cɛn ngba-a. Afin kɛ blɛ'n fa ti bɔ sa'm be fa ju'n, i su like yɛ be wun i-ɔ.

Ezai 13:18

Be ´fa be ta'm be ´to gbanflɛn'm bé wun, be ´gua be ase fɛiin, be su yaci-man ba nɔnman'm be lɛ. Ba kanngan'm be su yo-man be annvɔ.»

Ezai 9:17

Afin sa tɛ'n ɔ jue kɛ sin b'ɔ yra susrɛ mun nin owie mun'n sa. Sin sɔ'n, ɔ man bo'm be sɔ, yɛ sin wɛnsrɛn'n ɔ ´fu nyanmiɛn su lɔ lukuu.

Zeremi 48:15

Moab ɔ'a nunnun. B'a wɔ lɔ klɔ'm be nun. Be su kankan lɔ gbanflɛn mun be ´kɔ be kunlɛ. Famiɛn'n yɛ ɔ kan sɔ-ɔ. Famiɛn sɔ'n i dunman'n yɛlɛ Anannganman b'ɔ sie mɛn wunmuan'n.

Zeremi 6:11

Ya ng'ɔ kun min'n ti-man blɛblɛ. N suɛn i bo-ɔ ɔ suan-man kun. «Yi i nglo guɛ i ba kanngan nga be wlan akpɔ'n su'm be su. Yi i nglo gbanflɛn'n be anyia'm be nun. Be ´fa yasua mun nin bé yi mun, be ´tra sran kpɛnngbɛn mun nin oke kpa mun, be ´fa be kɔ.

Zeremi 9:21

«Zeremi, se kɛ Anannganman'n wan yoo: ‹Fuɛn'm be ´gua asiɛ wun kɛ asiɛ'n i ye yolɛ like yɛ b'a guɛ i fie'n su sa. Be ´gua kɛ be su kpɛ ble nan be nyan-man sran isɛ-mɛn i ja mun nan ɔ tru bé sin'n sa.› »

Amɔs 2:14

Sran nga i wun kpɛ kpa'n bɔbɔ, ɔ su wun-man fiawlɛ. Sran nga be le wunmiɛn kpa'n bɔbɔ, be su kwla-man like fi yo. Be nga be ti alɛ kunfuɛ'n be su fite-man nun.

1 Samiɛl 30:10

Sran nga fɛlɛ'n ti b'a kwla kpɛ-man Bɛzɔr nzue ba'n ndɛndɛ'n, be ti sran ya nnyɔn. David nin be ya nnan nga mun be suli Amalɛkfuɛ'm be su.