Ezai 40:18 - NYANMIƐN NDƐ'N 1998

¹⁸ ?Wan cɛ yɛ amun ´fa sunnzun Nyanmiɛn-ɔn? ?Nzɔliɛ onin cɛ yɛ amun ´yo b'ɔ ´fa Nyanmiɛn-ɔn ?

Ezai 40:18 ပူးပေါင်းရင်းမြစ်များ

Zɔb I Nyrɛnnɛn Wunlɛ 40:9

?Ɔ kekle nin min sɛ? Min nɛn'n ɔ ti kɛ nyanmiɛn b'ɔ kpla'n sa. ?Ɔ liɛ'n ɔ ju min liɛ nun?

Jue Mun 113:5

?Anannganman e Nyanmiɛn'n bɔ nglo mmua lɔ yɛ ɔ ti i tranwlɛ'n, wan cɛ yɛ ɔ nin i sɛ-ɔ?

Jue Mun 89:6

Anannganman, anz'm be bo flɛ wɔ abonuan sa bɔ a yo be'n ti. Be nga be ti ɔ liɛ'n be anyia nun'n, be yi wɔ ayɛ ɔ nanwlɛ bɔ a di i titi'n ti.

Jue Mun 89:7

?Anannganman, nyanmiɛn su lɔ'n, wan cɛ yɛ ɔ nin wɔ sɛ-ɔ? ?Amuɛn'm be nun'n, onin cɛ yɛ ɔ fɛ i wun sunnzun wɔ-ɔ ɔ yo ye-ɔ?

Jue Mun 89:8

Be nga be o nyanmiɛn su lɔ'n, Nyanmiɛn ti dan tra be ngba. Ɔ wun sran'm be sa ɔ nyan.

Ezipt Lɔ Tulɛ'n 15:11

?Anannganman, amuɛn'm be nun'n, onin yɛ ɔ ti kɛ wɔ sa-a? ?Wan yɛ ɔ ti kɛ wɔ sa b'ɔ yo-man sa tɛ fi mlɔnmlɔn-ɔn, b'ɔ yo sro-ɔ, b'ɔ nin manmanlɛ fata-a, b'ɔ kwla yo abonuan sa mun kɛ wɔ sa-a?

Ezipt Lɔ Tulɛ'n 20:4

Nán yo amuɛn fi, nán yo like wie fi b'ɔ fa nglo lɔ like, annzɛ asiɛ'n su wa like, annzɛ b'ɔ fa nzue b'ɔ o asiɛ'n i bo lɔ'n i nun like.

Ezipt Lɔ Tulɛ'n 8:10

Sran'm be tiantiannin klɛ'm be nuan kwlekwle dandan kpa, yɛ be nvan'n fali mɛn wunmuan'n.

Ezipt Lɔ Tulɛ'n 9:14

Afin siɛn liɛ'n, ɔ wa fa nyrɛnnɛn wafa'n kwlaa ɔ ´fa yi wɔ nin ɔ mantanfuɛ mun, ɔ nin ɔ nvle'n nunfuɛ mun amun kwlaa amún su, kɛ ɔ ´yo nan w'a wun kɛ be kwla fa-man sran fi sunnzun-mɛn i asiɛ wunmuan'n su'n ti.

Ezai 40:25

«?Wan yɛ amun ´fa min sunnzun i bɔ n ´kwla fɛ i-ɔ?» Nyanmiɛn b'ɔ lɛ-man wunsu'n yɛ ɔ usa sɔ-ɔ.

Ezai 44:6

Anannganman b'ɔ ti Izraɛl famiɛn'n, b'ɔ kpɔli Izraɛlfuɛ'm bé ti'n, b'ɔ sie mɛn wunmuan'n, i waan: «Min yɛ n ti ninnge'm be kwlaa be klikli'n nin be kasiɛn nin-ɔn. Nyanmiɛn fi nun-man mín sin kun .

Ezai 46:5

?Wan yɛ amun ´fɛ i sunnzun min bɔ ɔ nin min ´sɛ-ɔ? ?Wan yɛ sɛ n wo sa yɛ ɔ o sa, bɔ sɛ amun nian ye'n, amun ´wun kɛ e wafa'n ɔ ti kun-ɔn?

Ezai 46:9

Man amún wla kpɛn sa nga be juli laa'n be su. Afin Nyanmiɛn'n yɛlɛ min, uflɛ fi nun-man lɛ kun. Nyanmiɛn'n yɛlɛ min, sran fi nin min sɛ-man.

Zeremi 10:1

Izraɛlfuɛ mun, an `tie ndɛ nga Anannganman'n kan kle amun'n.

Zeremi 10:16

Sanngɛ sran ng'ɔ ti kɛ Zakɔb osu nunfuɛ'm be anyanbeun like sa'n, ɔ ti-man kɛ ninnge finfin sɔ'm be sa. Afin i yɛ ɔ ti mɛn wunmuan'n i bofuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.

Zeremi 10:6

Anannganman, like fi nin wɔ sɛ-man. A ti dan kɛ a kwla bɔ ɔ dunman'n fa fu ju'n sa.

Mise 7:18

Nanwlɛ, Anannganman, like wie fi nin wɔ sɛ-man. Ɔ mɛn'n nun sran nga b'a wu-man'n, a nian be lika, yɛ kusu sa tɛ nga be yoli'n, a yaci cɛli be. A fa-man ya sie-man ɔ klun, afin a tu ɔ klun a yo klun-ufue.

Sa nga bé yôli'n 17:29

Ɔ man sɛ e ti Nyanmiɛn mma mun'n, nán man e bu i kɛ Nyanmiɛn nin like nga sran'm be bɔbɔ be fa be akunndan be yo'n, sika ɔkwlɛ nin jɛtɛ ufue bɔ be tɔn'n, ɔ nin yɛbuɛ bɔ be sɛ'n, be ti kun.

Mmla'n 33:26

Moiz kan guali su kɛ: «Izraɛl , like fi nin ɔ Nyanmiɛn'n be sɛ-man. Ɔ fa nyanmiɛn ble'n yo i nnɛn kpanngɔ, kpɛkuun ɔ fu su, ɔ ba ɔ ukalɛ. Ɔ ba kɛ famiɛn sa.

Mmla'n 4:15

Blɛ bɔ Anannganman jrannin sin'n nun ɔ ijɔ kleli amun Orɛb lɔ'n, amu'an wun-mɛn i nyrun'n. I sɔ'n ti kusu, amun `nian amún wun su.

Kolɔsfuɛ Mun 1:15

Ɔ fa Nyanmiɛn bɔ be wun-mɛn i'n, ɔ ti i Wa Kpɛn bɔ i kpa'n tra like ng'ɔ yili be'n be kwlaa.

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

1 Samiɛl 2:2

Klɔ sran i nzuɛn'n nin Anannganman i liɛ'n ti-man kun. Nyanmiɛn uflɛ nun-mɛn i sin. Like uflɛ nun-man lɛ b'ɔ kwla sasa ye-ɔ.