Ezai 40:11 - NYANMIƐN NDƐ'N 1998

¹¹ Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Ezai 40:11 ပူးပေါင်းရင်းမြစ်များ

Bo Bolɛ 33:13

Zakɔb tɛli i su kɛ: «Ɔ bɔbɔ a si kɛ ba'm be nantilɛ yo ya. Bua nin nannin nga ba o bé sin'n, n kwla fa be kɔ-man ndɛndɛ. Sɛ e waan e ´kpli e ´ju lɔ andɛ'n, nnɛn'm be kwlaa be ´wie wu mín sa nun.

Bo Bolɛ 49:24

Sanngɛ kɛ ɔ lɛ i ta'n nun'n yɛ ɔ lɛ nun-ɔn, i sa'n ɔ'a kpɔ-man le. Zakɔb Nyanmiɛn'n i kwlalɛ'n b'ɔ lɛ i'n ti, Nyanmiɛn b'ɔ ti Izraɛl i tafuɛ kɛ be ta bua'n kpa sa'n, Nyanmiɛn b'ɔ ti kɛ Izraɛl i yɛbuɛ b'ɔ kisa su'n sa'n,

Jue Mun 100:3

Man amun si kɛ Anannganman yɛ ɔ ti Nyanmiɛn nin-ɔn. I yɛ ɔ yili ye-ɔ, e ti i liɛ. E ti i sran mun, yɛ e ti kɛ i kuku nun nnɛn mun sa .

Jue Mun 27:10

Sɛ bɔ mín si nin mín nin be yi min blo'n, Anannganman ɔ ´fa min sie.

Jue Mun 28:9

Anannganman, de ɔ nvle'n nunfuɛ mun, ɔ liɛ yɛlɛ be, yo be ye. Be ti kɛ ɔ bua mun sa, nian be lika blɛ'n kwlaa nun.

Jue Mun 37:3

Fa ɔ́ wla'n guɛ i Anannganman su, yo sa i nuan su. Tran mɛn nga nun wa. Fa nanwlɛ'n yo kɛ wɔ aliɛ sa, di.

Jue Mun 80:1

Jue nga ti Azaf liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n wie. I waan:

Ezai 42:3

Ɔ su bu-man ndɛ mma nga ɔ'a bli'n. Ɔ su nuan-man kannin ng'ɔ su nuan'n. Ɔ ´kle sa kpa yolɛ'n i atin'n, nanwlɛ'n su yɛ ɔ ´nian kle atin sɔ'n nin-ɔn .

Ezai 63:11

Yɛ i nvle nunfuɛ'm bé wla kpɛnnin laa blɛ'n nin Moiz be su-ɔ. Be waan: «?Sran ng'ɔ fɛli i nvle'n nunfuɛ mun nin be sunianfuɛ mun jenvie'n nun fiteli'n, ɔ o nin? ?Sran ng'ɔ fɛli i Wawɛ'n sieli be afiɛn'n, ɔ o nin?

Zeremi 31:10

«Nvle kun nga mun, ndɛ nga Anannganman'n kan'n, an `sie amun su tie nan an `ko kan kle mɛn nga be o jenvie'n i kɔmin sin mmua lɔ'n. An `se be kɛ: ‹Sran nga man Izraɛlfuɛ'm be bo sanndili'n, ɔ su yiayia be nan ɔ ´nian be su kɛ bua sunianfuɛ'n niɛn i bua'm be su'n sa.›

Zeremi 31:8

«N su fa be Izraɛl i nglo lɔ mɛn'n nun m ´ba. N su yiayia be mɛn nga be o nun'n be tiwatiwa'm be su'n ba. Anyansifuɛ'm be o nun. Be nga bé ja'n ti-man kpa'n nin wunnzɛfuɛ, nin bla ta'm be o nun. Sran fi su ka-man. Sran nga be wa ba'n, b'a sɔn-man ngowa.

Ezekiɛl 34:15

N ´yo min bua'm be tafuɛ, n ´sasa be. Min Anannganman Nyanmiɛn yɛ n kan sɔ-ɔ.

Ezekiɛl 34:16

N ´kunndɛ nnɛn nga be mlin'n, n ´fa be ´sa be sin. Nnɛn nga be boli be kannin'n n ´cici be kannin'n su, yɛ nga be wunnɛn yo be ya'n, m ´man be wunmiɛn, sanngɛ nga be ti lugbɔɔ nin nga be lɛ wunmiɛn tra su'n, n ´nunnun be.» N ta min nnɛn mun kɛ ɔ fata'n sa.

Ezekiɛl 34:2

«Klɔ sran, kan sa ng'ɔ wa ju'n kle Izraɛl kpɛnngbɛn mun. Kan sa ng'ɔ wa ju'n kle Izraɛl nvle'n i nyrun dunfuɛ'm bɔ be ti kɛ bua su nianfuɛ mun sa'n. Ndɛ nga min Anannganman Nyanmiɛn n kan'n yɛ: ‹Izraɛl kankanfuɛ'm bɔ be ta be bɔbɔ bé wun'n be yako! ?Nán bua'm be yɛ ɔ fata kɛ bua tafuɛ'm be ta be-ɔ?

Ezekiɛl 34:23

N wa sie bé su bua sunianfuɛ kun, b'ɔ si min bua'm be su nian. Sran sɔ'n yɛlɛ min sufuɛ David. I liɛ'n, ɔ si min nnɛn'm bé su nian, i liɛ'n, ɔ ti bua tafuɛ kpa .

Ezekiɛl 34:31

«Min bua mun, amun bɔ amun ti min kuku'n nun bua mun'n, amun ti klɔ sran. Min kusu n ti amun Nyanmiɛn.» Anannganman Nyanmiɛn'n yɛ ɔ kan sɔ-ɔ.

Ezekiɛl 37:24

Min sufuɛ David yɛ ɔ ´yo be famiɛn nin-ɔn. Be sunianfuɛ'n ɔ ´yo kunngba. Be ´fa mín nuan su ndɛ'm be su, yɛ bé nyin ´yi min. Be ´fa min mmla'm be su.

Mise 5:4

I yɛ ɔ ´fa fɔundi ba-a. Sɛ Asiri sonja'm be wlu e mɛn'n nun'n nan bé ja tia é sua kpakpa'm be nun'n, e ´sunman e sonja kpɛnngbɛn kpanngban kpa kɛ be nin be be ko kun.

Mise 7:14

Anannganman, ɔ kpɔnman nga a fa kankan nnɛn'n, fa nan fa kankan ɔ mɛn'n nunfuɛ mun, be ti ɔ liɛ. B'a cuɛn bé wun be gua bo ble wie afiɛn. Fa be kɔ Bazan nin Galaad mɛn'n nun lɔ nan be ko di like kɛ a fa yo i laa'n sa.

Zakari 11:7

Kpɛkuun bua nga be ti dilɛ liɛ bɔ be yo annvɔ sɔ mun yɛ n kankannin be-ɔ. N fali kpɔnman nnyɔn yɛ n fa kankannin be-ɔ. N flɛli kun kɛ: «Aenguɛ fɛfɛ tralɛ.» Yɛ n flɛli kun ekun kɛ: «Anuansɛ,» yɛ n fa kankan nnɛn mun-ɔn.

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

Hébreu 13:20

Nyanmiɛn cɛnnin e Min Jésus b'ɔ ti Bua Tafuɛ Dan'n i mmoja b'ɔ man sran nin Nyanmiɛn be tra aenguɛ tititi'n ti . Man Nyanmiɛn b'ɔ man sran di alaje'n

1 Piɛr 2:25

Laa an ti kɛ bua bɔ b'a bo nzanndri'n sa, sanngɛ siɛn'n amu'an sa amún sin amun Tafuɛ b'ɔ ti amun Sunianfuɛ'n i sin .

1 Piɛr 5:4

Yɛ cɛn nga Bua Tafuɛ Dan'n ba'n, ɔ ´yo amun mo, dunman nga amun ´nyɛn i'n, ɔ su wie-man mlɔnmlɔn.

Sa nglô yile 7:17

Afin Bua Gbanflɛn'n b'ɔ o bia'n i afiɛn lɛ'n, ɔ ´ta be, ɔ ´fa be kɔ nzue ti mun bɔ be man nguan'n bé nuan, yɛ Nyanmiɛn ´nunnun be nyinmuɛn'n kwlaa .»