Ezai 4:6 - NYANMIƐN NDƐ'N 1998

⁶ ɔ ´yo kɛ lika bɔ b'a kata su bɔ kɛ wia'n ɔ ´bo'n ɔ ti fɔnvɔ, kpɛkuun kɛ aunngban'n ´fita bɔ nzue'n ´tɔ'n i kunngba'n ti fiawlɛ'n sa.

Ezai 4:6 ပူးပေါင်းရင်းမြစ်များ

Jue Mun 27:5

I liɛ'n, cɛn nga sa su ba'n, ɔ ´fa min fia i tannin sua'n nun, yɛ ɔ ´man mín su sie i yɛbuɛ kun su nglo mmua kpa.

Jue Mun 55:8

Wuun n ´wanndi n ´kɔ mmua, wuun n ´ko tran aawlɛ flɛnnɛn'n nun lɔ,

Jue Mun 91:1

Sran ng'ɔ ko fia Nyanmiɛn bɔ like fi nun-mɛn i sin'n i sin'n, wuun ɔ'a tran Nyanmiɛn b'ɔ kwla like kwlaa yo'n i fɔnvɔ'n nun.

Nyanndra Mun 18:10

Anannganman ti kɛ awa dan wie bɔ b'a si'n sa. Sran kpa ng'ɔ wanndi ko talo i'n, ɔ nyan manndran.

Ezai 14:32

?Be ´tɛ Filistifuɛ'm be sunmanfuɛ'm be su sɛ? Be ´tɛ be su kɛ: «Anannganman kplannin Siɔn klɔ'n, ɔ man be nga be ti yalɛfuɛ i sran'm be nun'n, be ´nyan fiawlɛ lɔ.»

Ezai 25:4

Afin a sasali be nga be lɛ-man wunmiɛn'n, a sasali yalɛfuɛ bɔ be o nyrɛnnɛn nun'n. A yoli kɛ lika bɔ be kata su'n, bɔ kɛ nzue'n ɔ tɔ dan'n, be fiɛ i bo'n sa. A yoli kɛ fɔnvɔ bɔ kɛ wia'n ɔ bo'n be trɛn i bo'n sa. Afin be nga be sie sran mun, bɔ be tin be su'n, be ya bɔ be fa'n ɔ ti kɛ nzue dan b'ɔ tɔ fin talɛ kun'n sa.

Ezai 30:30

Anannganman ɔ wa ijɔ, ɔ man be ´ti i nɛn'n b'ɔ yo sro'n. Kɛ ɔ fa ya'n, wafa ng'ɔ fɛ i sa bo sran'n, ɔ ´yi i nglo. Ɔ ´yi i nglo sin dan kun b'ɔ ´jue vlauun-vlauun'n nun, ɔ nin nzue kun b'ɔ ´tɔ, b'ɔ ´yi ɔ fa lika kwlakwla'n i nun, ɔ nin aunngban dan kun b'ɔ ´fita'n nun, yɛ ɔ nin nzraama bɔ kɛ nzue ´tɔ ɔ gua'n i nun.

Ezai 32:1

Famiɛn kun ɔ ´nian mmla'n su ɔ ´sie mɛn'n, i awlo lɔ sran dandan'm be ´yo sa'm be nuan su.

Ezai 32:2

Be ngba be wa yo kɛ like bɔ be fiɛ i bo bɔ kɛ aunngban'n ɔ ´fita'n ɔ nyan-man be'n sa. Be ´yo kɛ lika bɔ be fia nun, bɔ kɛ aunngban dan'n ɔ ´tu'n, ɔ kan-man be'n sa. Be ´yo kɛ nzue ba b'ɔ sonji lika kee nun'n sa. Be ´yo kɛ yɛbuɛ dan wie b'ɔ man fɔnvɔ lika bɔ waka fi fifi-man lɛ'n sa.

Ezai 8:14

Ɔ wa yo kɛ sua sa, yɛ ɔ wa yo kɛ yɛbuɛ bɔ bé ja'n ɔ kpla su'n sa, ɔ wa yo kɛ yɛbuɛ b'ɔ yi sran ase'n sa, ɔ ´yo sɔ man Izraɛl akpasua nnyɔn'n. Ɔ wa yo kɛ tɛ nin aya sa ɔ man Zerizalɛmfuɛ mun.

Ezekiɛl 11:16

I sɔ'n ti se be kɛ: ‹Anannganman Nyanmiɛn'n wan yoo: N yoli man amun bo sanndili mɛnmɛn'm be nun. Blɛ kaan nga amun ´di i lɔ'n, n ´sasa amun kɛ amun wo min sua'n nun sa.›

Hébreu 11:7

Nyanmiɛn su bɔ Noe lafi'n ti, kɛ ɔ boli like nga be nian wun-mɛn i le'n su kleli i'n, ɔ boboli mmeli kun ɔ fa deli i osufuɛ mun srolɛ b'ɔ sro i'n ti. Kɛ ɔ yoli sɔ'n, ɔ buli mɛnfuɛ'm be fɔ, yɛ ɔ yoli sran kpa i su b'ɔ lafi'n ti .

Hébreu 6:18

Ɔ man ndɛ ng'ɔ kannin'n nin nda ng'ɔ tali'n, like nnyɔn sɔ'n ɔ kaci-man be, ɔ bua-man ato. I sɔ'n ti'n, ɔ wla e bɔ e taloli i'n e fanngan kɛ e kplin é nyin nan e nyan like ng'ɔ sie e nyrun lɔ sieli ye'n, bɔ é wla o su kɛ e ´nyɛn i'n.

Sa nglô yile 7:16

Awe su kun-man be kun, nzue we su kun-man be kun, wia'n su bo-man be kun, aunyɛyɛ su kun-man be kun .