Ezai 4:5 - NYANMIƐN NDƐ'N 1998

⁵ kpɛkuun ɔ ´yo nyanmiɛn ble nin wɛnsrɛn, be ´jran Siɔn oka wunmuan'n nin i sran bɔ b'a yia'm bé ti su nglo lɛ wia'n nun. Kɔnguɛ'n, ɔ ´yo sin b'ɔ jue kpa'n, ɔ ´kpaja be su. Afin Anannganman i nyrun nyannyan'n, ɔ kata be kwlaa be su,

Ezai 4:5 ပူးပေါင်းရင်းမြစ်များ

Neemi 9:12

Wia nun'n, a dun mmua be nyrun, sin wɛnsrɛn'n ɔ ja tiaan yɛ ɔ kle be atin nin-ɔn. Kɔnguɛ a dun mmua be nyrun, sin taaman'n ɔ ja tiaan yɛ ɔ kpaja atin nga be sin su'n su-ɔ.

Jue Mun 105:39

Anannganman fali nyanmiɛn ble'n katali i nvlefuɛ'm bé su. Kɔnguɛ'n, sin yɛ ɔ kpaja bé bo-ɔ.

Jue Mun 111:1

An `manman Anannganman! N ´tu n klun n ´yi Anannganman i ayɛ i sufuɛ kpakpa'm bɔ b'a yia'n be afiɛn.

Jue Mun 78:14

Wia nun'n, ɔ man wɛnsrɛn tiaan kun dun be nyrun mmua yɛ ɔ kle be atin nin-ɔn .

Jue Mun 85:9

Sa nga Anannganman Nyanmiɛn kan'n, n ´tie. I waan ɔ ´yo man i nvle'n i nunfuɛ mun nin i sran nanwlɛfuɛ mun bé wun ´jɔ be fɔun kɛ ɔ ´yo nan b'a yo-man be sinnzin sa'n kun'n ti.

Jue Mun 89:7

?Anannganman, nyanmiɛn su lɔ'n, wan cɛ yɛ ɔ nin wɔ sɛ-ɔ? ?Amuɛn'm be nun'n, onin cɛ yɛ ɔ fɛ i wun sunnzun wɔ-ɔ ɔ yo ye-ɔ?

Ezipt Lɔ Tulɛ'n 14:24

Kɛ aliɛ'n wa cɛn'n, Anannganman b'ɔ o sin taaman nin sin wɛnsrɛn'n be afiɛn lɔ'n, ɔ niannin Ezipt alɛ kunfuɛ mun, nan ɔ'a sanngan be nun.

Ezipt Lɔ Tulɛ'n 24:16

Anannganman i nyrun nyannyan'n wo Sinai oka'n su. Yɛ sin wɛnsrɛn'n katali oka'n su lele cɛn ba nsiɛn. Cɛn ba nso su'n, kɛ Anannganman o sin wɛnsrɛn'n i afiɛn lɔ'n, ɔ flɛli Moiz.

Ezipt Lɔ Tulɛ'n 26:1

«Man tannin wufuɛ'm be yo tannin sua'n nin tannin tanmue blu bɔ lɛn nyanman b'ɔ sɔ kpa'n yɛ be fa yoli'n, ɔ nin tannin ɔkwlɛ srosrowa nin ng'ɔ ti ɔkwlɛ kankankan, ɔ nin nga i nyin ti ɔkwlɛ youun, man be yo anz nga be nian Nyanmiɛn i ninnge'm be su'n be nzɔliɛ tannin tanmue nin tannin'm be su.

Ezipt Lɔ Tulɛ'n 26:7

Man be fa boli ndrɛ be fa wu tannin tanmue wie mun. Man tanmue sɔ'm be yo tɛnndɛn nan b'a ju Nyanmiɛn i tannin sua'n i su katalɛ. Be `yo i sɔ blu-nin-kun.

Ezai 32:18

I nvle'n nunfuɛ'm be wa tran aunjuɛ lika kun nun. Be ´tran lika bɔ be klun titi-man be lɛ'n nun. Be ´tran kan lɛ ti diin'n nun.

Ezai 33:20

Amun `nian Siɔn b'ɔ ti ye anyia klɔ'n. Amun wa wun kɛ Zerizalɛm klɔ'n ti tranwlɛ b'ɔ ti diin. Ɔ ti-man tannin sua nan b'a tu i bo. Be su tutu-mɛn i kpɛngbɛ'm be bo le. Be su nyanji-mɛn i nyanman mun.

Ezai 37:35

M bɔbɔ min dunman'n ti, ɔ nin min sufuɛ David ti, n ´sasa klɔ nga, yɛ n ´de i nun sran mun.»

Ezai 46:13

N su wa di nanwlɛ'n, n su cɛ-man kun. Sran'm bɔ min waan n `de be'n, bé ti nyanlɛ blɛ'n ɔ'a mantan. N ´de Siɔnfuɛ mun, yɛ n ´yo man Izraɛlfuɛ'm be ´nyan nyrun.

Ezai 60:1

Zerizalɛm, sɛ a ti sran'n, wuun n ´se kɛ: «Jaso.» Sɛ a ti kannin'n, wuun n ´se kɛ: «Kpaja kpa, afin ɔ lika b'ɔ kpaja weiin'n ɔ su fite, yɛ Anannganman i nyrun nyannyan'n, ɔ su fite nglo ɔ́ su .»

Ezai 60:2

Afin aosin'n ɔ kata asiɛ'n su, lika tuun ɔ dun sran'm be su, sanngɛ ɔ liɛ'n, Anannganman kpaja ɔ su, i nyrun nyannyan'n ɔ fite nglo ɔ́ su .

Matthieu 18:20

Afin lika nga sran nnyɔn annzɛ nsan be yia n dunman nun'n, n wo be nun.»

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»