Ezai 4:3 - NYANMIƐN NDƐ'N 1998

³ I sɔ nun'n, sran nga be ´ka Siɔn lɔ'n, sran nga be ´ka Zerizalɛm lɔ'n, be ´flɛ be kɛ Anannganman i sran mun. Be sɔfuɛ mun yɛ Anannganman klɛli be dunman i fluwa'n nun kɛ be `tran Zerizalɛm lɔ-ɔ .

Ezai 4:3 ပူးပေါင်းရင်းမြစ်များ

Jue Mun 69:28

Ka sa tɛ nga be yoli'n be kwlakwla. Nán bé wun yo ɔ fɛ le.

Jue Mun 87:6

Kɛ Anannganman ´ka nvle'm be su sran mun'n, wuun ɔ ´klɛ be dunman'm be nyrun lɛ kɛ be awuliɛ klɔ'n yɛlɛ Siɔn.

Ezai 1:27

Zerizalɛm i sa b'ɔ yo i i nuan su'n ti, ɔ ´fite nun. Yɛ i nunfuɛ'm bɔ be kaci be nzuɛn'n, be ´nyan be ti mmla bɔ be fa su'n ti.

Ezai 28:5

I cɛn sɔ nun'n, Anannganman b'ɔ sie mɛn wunmuan'n, i sran nga be kali lɛ'n, ɔ ´yo kɛ be famiɛn kle nyɛnnyɛnnyɛn sa, ɔ yo kɛ be kpongbo kle klanman wie sa.

Ezai 35:8

Be wa yi atin kun ´sin lɛ. Be flɛ i kɛ Atin B'ɔ Ti Ngunmin'n. Sran fiɛn fi su sin-man nun, ɔ ´yo Anannganman i nvle nunfuɛ'm be ngunmin be sinwlɛ. Be nga be ´fa su'n, kannzɛ be ti sinnglinfuɛ bɔbɔ'n, be su kwla mlin-man.

Ezai 46:3

Zakɔb osu'n nunfuɛ mun, yɛ amun Izraɛlfuɛ nga amun kali lɛ'n, amun bɔ n niannin amun lika amun nin klun lɔ'n, amun bɔ n fali amun ń sa su kɛ be guali amun ase cɛ'n, amun `tie ndɛ nga n kan'n.

Ezai 52:1

Amun `tinnge! Amun `tinnge! Siɔnfuɛ mun, amun `jran kekle! Zerizalɛmfuɛ mun, amun bɔ amun tran Nyanmiɛn i klɔ'n su'n, amun `wla amun cɛn dilɛ tralɛ mun! Afin be bɔ be wla-man klɛn'n, bɔ be ti fiɛn'n, be su wlu-man wa kun .

Ezai 6:13

Sɛ sran kanngan ka lɛ'n, sin ´di be. Kɛ be bu waka dandan mun bɔ bé bo'm be ka lɛ'n, i kunngba nin-ɔn, sran wie'm be wa jaso su sran sɔ'm be osu'n nun, be ´yo Anannganman i sran.

Ezai 60:21

Be nga be o ɔ mɛn'n nun'n, be ´yo sran kpa ngunmin kokoko, be yɛ be ´sie mɛn nin-ɔn. Be ti kɛ waka bɔ n tali be'n sa, be ti mín sa nuan like. N yili be kɛ be manman min.

Ezai 62:12

Be wa flɛ amun kɛ Anannganman i Nvle Nunfuɛ Mun, yɛ be ´flɛ amun ekun kɛ Be Nga Anannganman Deli Be'n. Yɛ wɔ Zerizalɛm, be su flɛ-man wɔ kɛ Klɔ Bɔ Be Wanndi I'n kun, sanngɛ be ´flɛ wɔ siɛn'n kɛ Klɔ Bɔ Be Konvi Sɔ I'n.

Ezekiɛl 13:9

«N ´yi min kwlalɛ bɔ n kwla'n i nglo n ´kle be nga be tɔn bé wun suɛn kɛ be ti min nuan ijɔfuɛ'n, bɔ be kpɛ bé ti nun kɛ b'a wun aolia nun like kpɛkuun be bua ato be wunnzue yilɛ'm be nun'n. Be liɛ'n, be su tran-man min sran'm be anyia'n nun wie, be su klɛ-man be dunman Izraɛlfuɛ'm be nun wie, yɛ be su sa-man be sin be tran-man be mɛn'n nun wie kun. Kɛ ɔ ko yo sɔ'n, kpɛkuun be wa si jrɛiin kɛ min yɛ n ti Anannganman Nyanmiɛn nin-ɔn.

Ezekiɛl 43:12

Oka'n ti su lɔ lika'n kwlaa ti min Nyanmiɛn n liɛ klonglo. Sua'n i su mmla yɛ ɔ o lɛ-ɔ.»

Abdias 1:17

Kɛ ɔ yo sɔ'n, Siɔn oka'n ɔ wa sɛ i sin ɔ ´yo min liɛ klonglo. Be nga be nyannin bé ti'n be wa fia oka sɔ'n su lɔ. Zakɔb i osu nun ba'm be wa de be mɛn'n be nga be fali'n bé sa nun .

Zakari 14:2

N ´yiayia nvle-nvle'm be nunfuɛ mun be nin Zerizalɛmfuɛ mun be ´kun. Be ´fa klɔ'n, be ´fa sua'm be nun ninnge kpakpa mun, be nin amún yi mun be ´la kekle nun. Be ´tra klɔ'n sufuɛ'm be bue ´kɔ, sanngɛ be nga'm be ´ka klɔ'n su lɛ.

Malasi 3:16

Kpɛkuun be nga bé nyin yi Anannganman'n, be yiali be kokoli bé wun. Be ndɛ nga be kannin'n, Anannganman fɛli i su sieli i bo ɔ tili. Be nga bé nyin yi Anannganman b'ɔ kan ndɛ kle be-ɔ be fa'n, be klɛli be dunman i bɔbɔ i nyrun lɛ .

JÉSUS-CHRIST I DYASIN FE'N BO LUC KLELI'N 10:20

Kannzɛ n seli sɔ'n, nán amun klun jɔ ninnge'm bɔ be sro amun'n ti, sanngɛ man amun klun jɔ amun dunman bɔ b'a klɛ i nyanmiɛn su lɔ'n ti .»

Sa nga bé yôli'n 13:48

Kɛ be bɔ be ti-man Zuif'n be tili i sɔ'n, be klun jɔli, be lali e Min Nyanmiɛn'n i ase i ndɛ'n ti, yɛ be kwlaa nga Nyanmiɛn fali be kɛ be nyan anannganman nguan'n, be fali su.

Rɔmfuɛ Mun 11:4

?Sanngɛ Nyanmiɛn seli i sɛ? Ɔ seli i kɛ: «N lɛ sran akpi nso (7.000) bɔ b'a koto-man Baal bo .»

Rɔmfuɛ Mun 11:5

I kunngba'n, kɛ e o yɛ'n kusu, be onga kaan kali lɛ bɔ Nyanmiɛn fali be i klun-ufue'n ti.

Efɛzfuɛ Mun 1:4

I sin nan ɔ'a bo mɛn'n i bo'n, ɔ dun mmua kpali e fali ye kɛ e nin Krist e `kaci sran wunmuan, nan e `yo i bɔbɔ i liɛ, ɔ dun mmua fali ye kɛ nán man ɔ wun sa kaan sa é wun.

Filipfuɛ Mun 4:3

Yɛ ɔ kusu bɔ a ti n wiengu junman difuɛ kpa'n, n ´srɛ wɔ, uka bla sɔ mun, afin be nin min nin Kleman ɔ nin n wiengu junman difue mun yɛ e kplili jasin fɛ'n i bolɛ'n i wun nin-ɔn. Be kwlaa sɔ'n, be dunman ti klɛwa nguan fluwa'n nun.

Kolɔsfuɛ Mun 3:12

An ti Nyanmiɛn i sran, ɔ klo amun, yɛ ɔ fali amun. I sɔ'n ti'n, man sran'm be yo amun annvɔ, an `yo be kpa, an `yo amun wun aenvuɛ, an `yo wɛtɛɛfuɛ, yɛ an `blu sa'm be su. An `fa like sɔ mun ´cici amún ti.

Hébreu 12:14

Man amun nin sran'm be kwlaa amún nuan sɛ amún wun, man amun nzuɛn'n fa Nyanmiɛn liɛ'n, afin sɛ ɔ ti-mɛn i ti-ɔ, sran fi su wun-man e Min'n.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

Sa nglô yile 13:8

Be kwlaa nga be o mɛn'n nun'n, bɔ kɛ be ´bo mɛn'n i bo'n b'a klɛ-man be dunman Bua Gbanflɛn bɔ be kunnin i'n i nguan fluwa nun'n, be ´koto i bo.

Sa nglô yile 17:8

Nnɛn'n bɔ a wunnin i'n, ɔ o lɛ laa, sanngɛ ɔ nun-man lɛ kun. Ɔ wa fin kunman dan bɔ be si-mɛn i bo'n nun fite, ɔ ´kɔ lika nga i agualiɛ'n ´guɛ i tɛ'n nun. Asiɛ'n sufuɛ'm bɔ kɛ be ´bo mɛn'n i bo'n b'a klɛ-man be dunman nguan fluwa nun'n, kɛ be ´wun nnɛn sɔ'n, ɔ ´bo bé nuan. Afin ɔ o lɛ laa, siɛn'n ɔ nun-man lɛ kun, yɛ ɔ wa ba ekun .

Sa nglô yile 20:15

Sran kwlaa nga b'a klɛ-mɛn i dunman nguan fluwa nun'n, be fɛ i yili sin dan'n nun.

Sa nglô yile 21:27

Like fiɛn fi nin sran ng'ɔ fɛ i wun man tete sa yolɛ'n b'ɔ bua ato'n, be su ju-man lɔ. San be nga be klɛli be dunman Bua Gbanflɛn'n i nguan fluwa nun'n be cɛ yɛ be ´ju lɔ-ɔ .

Sa nglô yile 3:5

Sran ng'ɔ kwla'n, kɛ ɔ ´wlɛ i wun tralɛ ufue sɔ-ɔ. N su nunnun-mɛn i dunman'n nguan fluwa'n nun. M ´bo i dunman n kle min Si nin i anz mun .