Ezai 4:2 - NYANMIƐN NDƐ'N 1998

² Cɛn kun'n, mma nga Anannganman luali'n ɔ ´yo nyɛnmɛn. Ɔ ´yo anyrunnyan like. Mma sɔ'n ɔ ´fifi. Ɔ ´yo Izraɛlfuɛ nga be ka'n be liɛ. Ɔ man be ´nyan kɔmin. Yɛ be ´fa di be nuan .

Ezai 4:2 ပူးပေါင်းရင်းမြစ်များ

Jue Mun 67:6

Ee Nyanmiɛn, sran'm be manman wɔ, nvle'm be nunfuɛ'm be kwlaa be manman wɔ.

Jue Mun 72:16

Man ble'n ɔ su lele ɔ bu mɛn'n nun. Man kpɔlɛ'm be su'n, be `wun kɛ aunngban'n ɔ keje ble ja kpanngban. Man ble sɔ'n i mma'm be sɔn kɛ Liban lɔ kpɔlɛ'm be su liɛ'n sa. Man klɔ'n su sran'm be trɛ kɛ fie'm be su waka'm be sa.

Ezipt Lɔ Tulɛ'n 28:2

Yo Aarɔn i tralɛ mun wafa ngunmin, man be yo nyɛnmɛn, man be yo man i nyrun ba nyan.

Ezai 11:4

Be nga be ti yalɛfuɛ'n, ɔ ´di be ndɛ'm be kpa. Be nga be kle be yalɛ mɛn'n nun'n, ɔ ´bu be ndɛ mun kɛ ɔ fata'n sa. I ndɛ ng'ɔ fin i nuan ´fite'n ɔ ´yo kɛ waka bɔ be fa bo sran'n sa, ɔ ´fa bo mɛn'n nunfuɛ mun. Ndɛ ng'ɔ fin i nuan fite'n, ɔ ´yo man sran tɛ'm be wu.

Ezai 26:1

I cɛn sɔ nun'n, be ´to jue ng'ɔ o yɛ'n Zida mɛn'n nun. Be ´se kɛ: «E lɛ klɔ kun bɔ be sili i wun'n kpa. Anannganman i delɛ b'ɔ de ye'n, ɔ ti kɛ talɛ nnyɔn sa yɛ be si klɔ'n i wun-ɔn.

Ezai 27:6

Sɛ Zakɔb ti waka'n, wuun n ´se kɛ cɛn wie lele i osu'n nunfuɛ'm be ´nyan olui, be ´fɛfɛ, yɛ be ´bo nyrɛ, yɛ be mma'n be ´tru mɛn'n nun .

Ezai 30:23

Kpɛkuun Anannganman ɔ ´yo man nzue ´tɔ ninnge nga amun luali'm be su. Yɛ amun ´nyan aliɛ b'ɔ ti kpa, amun ´nyɛn i kpanngban kpa. I blɛ sɔ nun'n, lika nga amun nnɛn'm be didi nun'n, be ´yo tɛtrɛ kpa.

Ezai 45:8

Sɛ bɔlɛ ufue'n ɔ ´fin nyanmiɛn su lɔ ´gua o, sɛ sa kpa'n i yolɛ'n ɔ ´fin nyanmiɛn ble'n nun ɔ ´gua kɛ nzue'n b'ɔ tɔ'n sa o, sɛ asiɛ'n ɔ ´kpaci nan sran'm bé ti nyanlɛ'n ɔ ´bo nyrɛ nun kɛ waka sa o, yɛ sɛ sa kpa'n i yolɛ'n ɔ ´fifi nun kɛ waka mma sa o, min Anannganman, min yɛ n yo sa sɔ'm be kwlakwla-a!»

Ezai 53:2

Anannganman i sufuɛ'n, ɔ jasoli su i nyrun lɛ kɛ waka nɔnman kan wie sa, ɔ jasoli su kɛ waka b'ɔ fɛfɛ i olui'n su asiɛ kee nun'n sa. Ɔ ti-man klanman, yɛ ɔ lɛ-man nyrun bɔ i ti e ´se kɛ e ´niɛn i-ɔ. I wafa b'ɔ ti'n, i ti ɔ yo-man kɛ e konvi sɔ i.

Ezai 60:15

Sran'm b'a nian-man ɔ nyrun kun, be kpɔli wɔ, b'a nian-man ɔ osu kun. Sanngɛ ɔ su yo-man sɔ kun, n wa yo man be ´fa wɔ di bé nuan cɛn'n kwlaa, yɛ be klun ´jɔ ɔ dunman nun tititi.

Ezai 60:21

Be nga be o ɔ mɛn'n nun'n, be ´yo sran kpa ngunmin kokoko, be yɛ be ´sie mɛn nin-ɔn. Be ti kɛ waka bɔ n tali be'n sa, be ti mín sa nuan like. N yili be kɛ be manman min.

Ezai 61:11

Kɛ ijre'n nin waka mma'm be fa fifi asiɛ wun'n, yɛ kɛ ninnge nga be lua be'n be fa fifi fie'm be su'n sa'n, i kunngba nin-ɔn, sɛ sa nga be yo i nuan su'n nin Nyanmiɛn manmanlɛ'n be ti ijre annzɛ waka mma'n, wuun n ´se kɛ Anannganman Nyanmiɛn'n ɔ ´yo man be ´fifi nvle-nvle'm be nunfuɛ'm be nyrun be ´wun i.

Zeremi 23:5

Anannganman wan yoo: «Cɛn wie lele David i anunman kpa nanwlɛ su kun wa jaso i osu. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun.

Zeremi 33:15

I blɛ sɔ nun'n, n ´yo man David i anunman kpa nanwlɛ su kun ɔ wa jaso i osu nun. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun .

Zeremi 44:14

Sran kun sa su fin-man nun fite-man. Zidafuɛ'm be onga nga be waan be wa tran Ezipt wa nan sɛ ɔ yo-ɔ be ´sa bé sin be ´kɔ Zida'n, be su kwla sa-man bé sin, san be nun kaan sa yɛ be ´sa bé sin-ɔn.»

Zeremi 44:28

San sran ba nnyɔn kun yɛ alɛ'n su di-man be yɛ be ´wanndi Ezipt lɔ be ´ba Zida mɛn'n nun-ɔn. Sanngɛ Zidafuɛ kaan nga be kali'n bɔ be wanndi bali kɛ be wa fia Ezipt'n, be wa wun sran nga i ndɛ liɛ'n kpɛnnin su'n, sɛ be liɛ nin o, sɛ kusu min liɛ nin o.

Ezekiɛl 34:29

M ´man be asiɛ nga b'ɔ ti kpa'n, awe sa su kun-man be bé mɛn'n nun kun. Yɛ nvle kun nga'm be ´yaci be finfin'n yolɛ'n.

Ezekiɛl 36:8

Yɛ amun li, Izraɛl oka mun, waka'm bɔ be bua amun su'n be yɛ be wa su mma be ´man amun Izraɛlfuɛ bɔ be ti min sran mun nin-ɔn.

Ezekiɛl 7:16

Be nga be ´ka lɛ bɔ be ´nyan bé ti'n, be ´ko tran oka'm be su kɛ auble mun bɔ be o kongo'm be nun'n sa. Be kwlaa be ´kplin, sran kun ´kplin i bɔbɔ i sa tɛ liɛ b'ɔ yoli'n ti.

Abdias 1:17

Kɛ ɔ yo sɔ'n, Siɔn oka'n ɔ wa sɛ i sin ɔ ´yo min liɛ klonglo. Be nga be nyannin bé ti'n be wa fia oka sɔ'n su lɔ. Zakɔb i osu nun ba'm be wa de be mɛn'n be nga be fali'n bé sa nun .

Zakari 3:8

«Zozie, wɔ bɔ a ti min nyrun jranfuɛ'm bé su kpɛn'n, a nin ɔ wiengu nga be uka wɔ'n, sa ng'ɔ su wa ba'n, amun yɛ amun ti i nzɔliɛ like nin-ɔn, n su wa fa min sufuɛ nga be flɛ i anyɛn'n m ´ba .

Zakari 6:12

Nan se i kɛ Anannganman b'ɔ sie mɛn wunmuan'n waan: ‹Sran kun wo wa be flɛ i anyɛn. Ɔ ´fifi kan ɔ tran lɛ'n. I yɛ ɔ wa kplan mín sua nin-ɔn.

Zakari 9:17

I lika sɔ'n i kpa ng'ɔ wa yo'n, yɛ i klanman ng'ɔ wa yo'n, ɔ lɛ-man wunsu. Gbanflɛn'm be wa di ble'n be ´nyin, yɛ talua'm be wa nɔn vinyi nzue lɔflɛ'n be ´nyin wie kusu.

Malasi 3:17

Anannganman b'ɔ sie mɛn wunmuan'n waan: «Be ´yo min liɛ, cɛn nga n ´yi mín wun nglo nun'n, be ´yo min liɛ mlɔnmlɔn. N ´si be aunnvuɛ kɛ sran fa si i wa bɔ i nyin yi i'n i aunnvuɛ'n sa.

Matthieu 24:22

Sɛ Nyanmiɛn a kpɛ-man cɛn sɔ'n su'n, sran fi su fite-man nun, sanngɛ be b'ɔ fali be'n be ti, ɔ ´kpɛ cɛn sɔ'n su.

JÉSUS-CHRIST I DYASIN FE'N BO LUC KLELI'N 21:36

I sɔ'n ti, an `tran minndɛ i cɛn kwlaa, an `srɛ Nyanmiɛn nan an kwla fite sa b'ɔ wa ba mɛn nun'n i kwlaa i nun nan amun `kwla jran m bɔ n kacili Sran'n min nyrun.

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

2 Piɛr 1:16

Nanwlɛ, kɛ e ´kan e Min Jésus-Krist i balɛ'n, nin i kwlalɛ b'ɔ kwla'n i ndɛ kle amun'n, ɔ ti-man kɛ ngua bɔ be fa bé ti nun ngwlɛlɛ fa di'n, yɛ e di kleli amun-ɔn. Sanngɛ e bɔbɔ e wunnin i nyrun ng'ɔ lɛ i'n nin e nyinma.