Ezai 39:2 - NYANMIƐN NDƐ'N 1998

² Sa sɔ'n yoli Ezekias fɛ kpa. I ti ɔ sɔli Babilɔni famiɛn'n i sran'm be nun, ɔ tili be jasin. Ɔ fali sua nga i ninnge kpakpa'm be o nun'n i nun ninnge wunmuan'n kleli be. Jɛtɛ ufue, nin sika ɔkwlɛ, nin ayre fannin, nin ngo kpakpa, nin alɛ ninnge mun, ɔ nin i bɔlɛ'n nun ninnge'n kwlaa, like fi nun-man lɛ bɔ Ezekias ɔ'a fa kle-man be-ɔ. Ninnge nga be o i bɔbɔ i sua'n nun o, nga be o i nvle'n kwlakwla nun nin o, ɔ fɛli i kwlakwla sɔ'n kleli be.

Ezai 39:2 ပူးပေါင်းရင်းမြစ်များ

1 Famiɛn Mun 10:10

Seba famiɛn bla'n fali sika ɔkwlɛ b'ɔ ´ju tɔnun nsan nin sin, ɔ nin parfɛn kpanngban kpa, ɔ nin yɛbuɛ kpakpa mun, ɔ fa mannin famiɛn'n. Kɛ ɔ fin lɛ'n, be nian wun-mɛn i kɛ be blɛli famiɛn Salomɔn i parfɛn kpanngban kɛ nga Seba famiɛn bla'n fa bali'n sa.

1 Famiɛn Mun 10:15

Nga b'ɔ fɛ i sika ɔkwlɛ atɛ yofuɛ bé sa nun'n, ɔ nin lapo nga mɛn uflɛ nun famiɛn'm be tannin'n, ɔ nin sika nga mɛn siefuɛ'm be de'n, i kwlakwla ng'ɔ o lɛ'n, be ka wla-man nun.

1 Famiɛn Mun 10:2

Ɔ bali Zerizalɛm. Ɔ ´ba'n, ɔ man sran kpanngban kpa be wa sunmɛnnin i. Nyɔnngɔnmɛn ng'ɔ nin be bali'n, be sua ayre fannin nin sika ɔkwlɛ kpanngban kpa yɛ yɛbuɛ kpakpa mun. Ɔ wa toli Salomɔn nan ɔ'a usɛ i kosan kwlaa ng'ɔ o i klun lɔ'n kwlakwla.

1 Famiɛn Mun 10:25

Kɛ be ´ba'n, like o bé sa nun sɛsɛsɛ, kɛ be wa fa cɛ i. Wie'm be fa like nga be fa jɛtɛ ufue be yo be mun, annzɛ like nga be fa sika ɔkwlɛ be yo be mun. Wie'm be man tralɛ mun annzɛ alɛ ninnge mun, annzɛ parfɛn mun, annzɛ kusu nnɛn kpanngɔ mun, ɔ nin milɛ mun. Afuɛ kwlakwla kɛ be yo i sɔ-ɔ.

2 Famiɛn Mun 20:13

Ezekias sɔli Babilɔni famiɛn'n i sran'm be nun, ɔ tili be jasin. I sin ɔ fali sua nga i ninnge kpakpa'm be o nun'n i nun ninnge wunmuan'n kleli be. Jɛtɛ ufue, nin sika ɔkwlɛ, nin ayre fannin, nin ngo kpakpa, nin alɛ ninnge mun, ɔ nin i bɔlɛ nun ninnge'n kwlaa. Like fi nun-man lɛ bɔ Ezekias ɔ'a fa kle-man be-ɔ. Ninnge nga be o i bɔbɔ i sua'n nun nin o, ɔ nin nga be o i nvle'n kwlakwla nun nin o, ɔ fɛli i kwlakwla sɔ'n kleli be.

2 Be Nyoliɛ 32:25

Sanngɛ sa kpa nga Anannganman yo mannin Ezekias'n, ɔ'a si-mɛn i wun ye. Ɔ tuli i wun dan, i ti Anannganman fɛli i wun ya, yɛ ɔ fali Zerizalɛmfuɛ mun nin Zidafuɛ'm bé wun ya.

2 Be Nyoliɛ 32:27

Ezekias i anyanbeun liɛ'n be flɛ-man, yɛ i anyrunnyan'n yoli dan. Ɔ yoli man be kplannin like siewlɛ mun. I jɛtɛ ufue'n, nin i sika ɔkwlɛ'n, nin i yɛbuɛ kpakpa mun, nin i ayre fannin mun, nin i nyrɛn mun, ɔ nin i ninnge nga be lɛ gua'n be kwlaa, ɔ fa be sieli lika sɔ'm be nun.

2 Be Nyoliɛ 32:31

I sɔ'n ti, kɛ Babilɔni famiɛn awlo lɔ sran dandan'm be sunmannin bé nuan ijɔfuɛ'm be kɛ be wa usɛ i abonuan sa ng'ɔ juli i mɛn'n nun'n i wun ndɛ'n, Nyanmiɛn yacili i ngunmin kɛ ɔ kan. Afin i waan ɔ ´sɛ i nian, nan ɔ ´si i klun lɔ sa'n ngba .

2 Be Nyoliɛ 9:1

Seba famiɛn bla'n tili Salomɔn ngan, afin i dunman'n fuli. Ɔ bali lele juli Zerizalɛm. I waan ɔ wa usa Salomɔn i akunndan nun sa mun ´fa sɛ i nian sɛ sakpa ɔ si ngwlɛlɛ o. Kɛ ɔ ´ba'n, ɔ man sran kpanngban kpa be wa sunmɛnnin i. Nyɔnngɔnmɛn ng'ɔ nin be bali'n, be sua ayre fannin, nin sika ɔkwlɛ kpanngban kpa, yɛ yɛbuɛ kpakpa mun. Ɔ wa toli Salomɔn nan ɔ'a usɛ i kosan ng'ɔ o i klun lɔ'n kwlakwla.

2 Be Nyoliɛ 9:9

Seba famiɛn bla'n fali sika ɔkwlɛ bɔ ju tɔnun nsan nin sin, ɔ nin parfɛn kpanngban kpa, ɔ nin yɛbuɛ kpakpa mun mannin famiɛn'n. Kɛ ɔ fin lɛ'n, parfɛn nga Seba famiɛn bla'n fa mannin famiɛn Salomɔn'n, b'a wun-mɛn i wunsu sɔ le.

Zɔb I Nyrɛnnɛn Wunlɛ 31:25

Ninnge kpakpa kpanngban annzɛ ninnge wafa-wafa nga n nyannin be'n, nán be ti yɛ n klun'n ɔ jɔli-ɔ.

Nyanndra Mun 4:23

Ɔ ti'n bɔ a fa bu akunndan'n, sie i kpa tra ninnge'm be kwlaa, afin i nun yɛ nguan'n i bo'n fin-ɔn.

Akunndanfuɛ'n 7:20

Sran kun b'ɔ yo sa kpa lele guɛ i ti nin i bo'n, b'ɔ yo-man sa tɛ kaan sa le'n, i sɔ nun-man nyanmiɛn'n bo wa .

Zeremi 17:9

Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

2 Korɛntfuɛ Mun 12:7

Kɛ ɔ ko yo nan m'an tu-man min wun abonuan sa bɔ Nyanmiɛn yi be nglo kleli min ti'n, ɔ man tukpacɛ wie tɔli n su ɔ kali min kplo'n nun. Ɔ ti kɛ Satan i anz sa, ɔ ba m bolɛ nan m'an tu-man min wun .

1 Jean 1:8

Sɛ e se kɛ sa tɛ nun-man é wun'n, wuun e su laka e wun, e di-man nanwlɛ.