Ezai 38:3 - NYANMIƐN NDƐ'N 1998

³ ɔ seli i kɛ: «Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

Ezai 38:3 ပူးပေါင်းရင်းမြစ်များ

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Bo Bolɛ 6:9

Noe i wun ndɛ'n yɛ. Noe wuli ba yasua nsan: Be yɛlɛ Sɛm, nin Kam yɛ Zafɛt. Noe ti sran kpa, ɔ tu i klun su Nyanmiɛn. Ɔ nin Nyanmiɛn bé nuan sɛ.

1 Famiɛn Mun 15:14

Kannzɛ Aza kloli Anannganman sɛ'n, sanngɛ sraka yiwlɛ lika nga be o kpɔlɛ'm be su'n, ɔ'a saci-man be.

1 Famiɛn Mun 2:4

Kpɛkuun Anannganman ɔ wa yia ndɛ ng'ɔ kan kleli min'n i nuan. Ɔ seli min kɛ: ‹Sɛ ɔ osu nunfuɛ'm be nanti kɛ ɔ fata'n sa'n, sɛ be nian nanwlɛ'n su be nanti'n, sɛ be fa be wla'n kwlaa gua min su'n, yɛ sɛ be akunndan'n kwlaa tran min su'n, ɔ osu'n nun sran su tu-man Izraɛl famiɛn bia'n su le.›

2 Famiɛn Mun 18:3

Ɔ nantili klanman Anannganman i atin'n su kɛ i nannan David sa.

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

1 Be Nyoliɛ 29:19

Yo man min wa Salomɔn fa ɔ mmla fanunfanun'n kwlaa sie, nan ɔ fa be su. Man ɔ kplan sua dan'n bɔ m'an kunndɛ i wun ninnge'n m'an sie'n.»

1 Be Nyoliɛ 29:9

Sran'm be kwlaa be klun jɔli afin be klun-ufue su yɛ be fali bé sa nun ninnge'n wie mannin Nyanmiɛn-ɔn. Famiɛn David kusu i wun kpɛjɛli i.

2 Be Nyoliɛ 16:9

Afin ɔ nian-nian asiɛ wunmuan'n su nan ɔ ´suan be nga be fa bé wla'n kwlaa guɛ i su'n bé bo. A nin Izraɛl famiɛn'n be afiɛn ndɛ nga nun liɛ'n, a yoli sinnzin. I ti kɛ ɔ fin ndɛ'n, be ´fa alɛ wla wɔ sin sa tititi.»

2 Be Nyoliɛ 25:2

Ɔ yoli sa ng'ɔ yo Anannganman fɛ'n, sanngɛ i anwlɛn'n yoli nnyɔn-nnyɔn.

Ɛsdras 10:1

Kɛ Ɛsdras kotoli Nyanmiɛn i sua'n nyrun lɛ b'ɔ ´srɛ Nyanmiɛn'n, b'ɔ ´kpɛtɛ i, wuun ɔ ´sun. Izraɛlfuɛ kpanngban kpa, yasua nin bla, nin ba kanngan'm be wa yiɛli i wun lɛ. Be kwlaa be sunnin kpa.

Neemi 1:4

Kɛ n tili ndɛ sɔ'n, n trannin ase, n sunnin, n trannin awlaboɛ sɔ'n nun n dili le nnyɔn kun. N kpɛli srɛ nun, n srɛli Nyanmiɛn b'ɔ o nglo lɔ'n.

Neemi 13:14

«Min Nyanmiɛn, man ɔ́ wla kpɛn sa kpa nga n yoli'n su. Nán ɔ́ wla fi sa nga n yoli i ɔ sua'n i ti'n i su le. Nán ɔ wla fi ɔ sulɛ wafa nga n siesieli'n su. Ɔ klolɛ'n ti yɛ n yoli i sɔ-ɔ.»

Neemi 13:22

Yɛ n seli Levifuɛ'm be kɛ be yo bé wun saun nan be nian anuan'm be su wunmiɛn-delɛ-cɛn'n nun. I liɛ'n, sran'm be su yo-man wunmiɛn delɛ cɛn'n i finfin kun. «Min Nyanmiɛn! Man ɔ́ wla kpɛn min su sa nga n yoli i lɛ'n ti. Wɔ bɔ wɔ aunnvuɛ silɛ'n lɛ-man sin'n, nian min lika.»

Neemi 13:31

Yie nga be siesieli i kɛ i blɛ ju-ɔ, be ´man'n, ɔ nin fie su aliɛ klikli ng'ɔ fite'n i manlɛ'n, n siesieli be i osu'n nun. «Min Nyanmiɛn, man ɔ́ wla kpɛn min su, nan yo min ye.»

Neemi 5:19

Min Nyanmiɛn, kwlaa nga n yoli m mannin sran nga mun'n, man ɔ́ wla kpɛn su. Nian su yo min ye .

Jue Mun 101:2

N ´fa min nyin n sie be nga be nanti sein'n be atin'n su kpa. ?Cɛn onin yɛ a ´ba mín wun-ɔn? N ´nanti sein nin anwlɛn kpa min awlofuɛ'm be nyrun.

Jue Mun 102:9

Ɔ lɛ-man cɛn kun bɔ min kpɔfuɛ'm be klɔklɔ-man min-ɔn. Be yo min fiaan. Min yɛ be fa min koko be yalɛ su-ɔ.

Jue Mun 119:80

Min wan n tu n klun n yo ɔ klun sa'n, i liɛ'n nyannzuɛn su kun-man min ɔ nyrun.

Jue Mun 16:8

N yi-man min nyin Anannganman su mlɔnmlɔn. Sɛ ɔ nin min wo nun'n, srɛ kun-man min, min wun usu-man min.

Jue Mun 26:3

N wla fi-man ye nga a yo min'n su. A ti nanwlɛfuɛ, i ti n sɔnnzɔn wɔ.

Jue Mun 32:2

Sran nga b'ɔ di-man ndrunmun'n, bɔ Anannganman bo-mɛn i fɔnlɛ'n su di-man jɔlɛ kun'n, i liɛ su ti ye!

Jue Mun 6:6

Kɛ sran'n ko wu'n, i wla kpɛn-man wɔ su kun. ?Blɔlɔ lɔfuɛ onin cɛ yɛ ɔ manman wɔ-ɔ?

Jue Mun 6:8

Mín nyinma'm b'a yo sisraii awlaboɛ'n ti. Min kpɔfuɛ'm be ti, n nyan-man min wun kpɔciwlɛ mlɔnmlɔn.

Ezai 38:2

Ezekias kpɛli i nyin talɛ lɔ, yɛ ɔ srɛli Anannganman,

Ezai 38:4

Yɛ Anannganman kannin ndɛ nga kleli Ezai-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 12:4

Zakɔb i gblɛ'n, ɔ nin i fin i nin klun. Kɛ ɔ ´sɔ i niaan bian jasin nanndi'n, wuun ɔ tɛ o i nin klun . Yɛ kɛ ɔ wa yoli kpɛnngbɛn'n, ɔ nin Nyanmiɛn be tuli,

Jean 1:47

Kɛ Jésus wunnin Natanaɛl kɛ ɔ su bɛ i wun lɛ'n, ɔ kɛnnin i ndɛ kɛ: «An `nian, Izraɛlfuɛ kpa kun yɛ ɔ ´ba yɛ, ɔ ti-man gblɛfuɛ kaan sa.»

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

Mmla'n 6:18

Amun yo sa kpa'n. Amun `yo like ng'ɔ yo Anannganman fɛ'n nan amun wun a jɔ amun fɔuun, nan amu'an kwla fa mɛn klanman ng'ɔ tali amun nannan'm be nda kɛ ɔ ´fa man amun'n.

Hébreu 5:7

Kɛ Krist sɔ'n wo asiɛ'n su wa'n, ɔ kpannin, i nyinmuɛn guali nan ɔ'a srɛ Nyanmiɛn b'ɔ kwla de i wie'n nun'n kɛ ɔ niɛn i su, ɔ jrannin su kpa. I nyin b'ɔ yi Nyanmiɛn'n ti ɔ tili.

Hébreu 6:10

Afin Nyanmiɛn yo-man sa b'ɔ ti-mɛn i su'n, i wla fi-man junman nga an dili nin klolɛ nga an fa klo i b'ɔ man an yoli i sran'm be ye bɔ an tɛ yo'n su'n.