Ezai 38:2 - NYANMIƐN NDƐ'N 1998

² Ezekias kpɛli i nyin talɛ lɔ, yɛ ɔ srɛli Anannganman,

Ezai 38:2 ပူးပေါင်းရင်းမြစ်များ

1 Famiɛn Mun 8:30

Kɛ a o ɔ tranwlɛ'n nun nyanmiɛn su lɔ'n, tie min bɔ n ti ɔ sufuɛ'n, ɔ nin Izraɛlfuɛ'm bɔ be ti ɔ nvle'n nunfuɛ mun ye aunnvuɛ srɛlɛ'n nga e ´jran lika nga nun e ´srɛ wɔ'n. Tie nan yaci é wun sa mun cɛ ye.

Jue Mun 50:15

Sɛ nyrɛnnɛn tɔ wɔ su'n, kpan flɛ min, n ´de wɔ kɛ ɔ ´yo nan ɔ kusu w'a yi min ayɛ'n ti.

Jue Mun 91:15

Sɛ ɔ kpan flɛ min'n, n ´tɛ i su, Sɛ ɔ o nyrɛnnɛn nun'n, e nin i-ɔ.

Ezai 38:1

I blɛ sɔ nun'n, Ezekias tɔli tukpacɛ, ɔ ti-man nguan liɛ. Yɛ Amɔz i wa Ezai b'ɔ ti Nyanmiɛn i nuan ijɔfuɛ'n ɔ wa toli i nan ɔ'a se i kɛ: «Anannganman waan a siesie wɔ aja'n, afin a su nyan-man nguan, a ´wu.»

Ezai 38:3

ɔ seli i kɛ: «Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

Matthieu 6:6

Sanngɛ ɔ liɛ'n, kɛ a nin Nyanmiɛn amun ´koko yalɛ'n, wlu ɔ́ sua ba'n nun lɔ nyin anuan'n nan a nin ɔ Si b'ɔ o nvialiɛ nun'n amu'an ijɔ, yɛ ɔ́ Si b'ɔ wun nvialiɛ nun sa'n, ɔ wa yo wɔ mo.