Ezai 38:16 - NYANMIƐN NDƐ'N 1998

¹⁶ Anannganman, ɔ klun b'ɔ ti kpa'n ti yɛ sran tran nguan nun-ɔn, ɔ klun b'ɔ ti kpa'n ti yɛ n tɛ de wunmiɛn-ɔn. W'a jaso min, wɔ man n tɛ o nguan nun.

Ezai 38:16 ပူးပေါင်းရင်းမြစ်များ

Jue Mun 119:25

Min yɛ n la ndutre nun yɛ, yo man n nyan nguan kɛ a fa kannin'n sa.

Jue Mun 119:71

Kɛ a buli min fɔ'n, ɔ ti kpa man min, afin i liɛ'n, n wun ɔ klun sa'n i wlɛ.

Jue Mun 119:75

Anannganman, n wun kɛ ndɛ nga a bu be'n, be ti su. Kɛ bɔ a di nanwlɛ tititi'n ti yɛ man a tuli min fɔ-ɔ .

Jue Mun 30:3

Anannganman min Nyanmiɛn, n kpan n flɛli wɔ kɛ a uka min. Kpɛkuun a yoli min juejue.

Jue Mun 39:13

Anannganman, tie min srɛwa'n! N kpan n flɛ wɔ, sie ɔ su! N su sun, nán bu ɔ su nun waka, tie min sunlɛ'n! N ti kɛ aofuɛ sa, n wa sikeli wɔ. N ti kpe-nun-sinfuɛ kɛ min nannan mun sa.

Jue Mun 71:20

Wɔ man n wunnin nyrɛnnɛn dan, wɔ man n wunnin min nyrun kpa. Sanngɛ a ´man min nguan ekun, yɛ a ´yi min ndia nun fite.

Ezai 64:5

E kwlaa y'a yo kɛ like fiɛn wie sa, yɛ é sa kpa nga e waan y'a yo be'n, be ti kɛ tralɛ bɔ mmoja ɔ'a guagua nun badaa'n sa. E kwlaa e glɔ kɛ waka nnya wie sa. Sɛ e ´kwla se'n, e sa tɛ'm be cuɛn e kɔ kɛ aunngban su fita nnya kee wie kɔ sa.

Matthieu 4:4

Sanngɛ Jésus seli i kɛ, be klɛli i kɛ: «Nán aliɛ kunngba yɛ ɔ man sran nguan-an, sanngɛ ndɛ kwlaa ng'ɔ fin Nyanmiɛn nuan fite'n, i yɛ ɔ man sran nguan-an .»

1 Korɛntfuɛ Mun 11:32

Sanngɛ kɛ ɔ ´yo nan ɔ'a bu-man e nin mɛn'n nunfuɛ mun e fɔ kunngba'n, sɛ ɔ wun fɔ é wun'n, ɔ tu e fɔ.

2 Korɛntfuɛ Mun 4:17

Nyrɛnnɛn kaan nga e wun i yɛ'n ɔ man e ´nyan tranwlɛ kpa nyanmiɛn su lɔ, e su jao-man nun le.

Mmla'n 8:3

Ɔ kannin amun ase, ɔ fali awe kleli amun nun. Kpɛkuun mani bɔ amun si-mɛn i laa'n, ɔ fa tali amun. Amun nannan'm b'a si-mɛn i bɔbɔ. I waan ɔ ´yo sɔ nan amu'an si kɛ nán aliɛ kunngba yɛ ɔ man sran nguan-an, nan ndɛ kwlaa ng'ɔ fin Anannganman'n nuan fite'n yɛ ɔ man sran nguan-an.

Hébreu 12:9

E si'm be tu e fɔ, yɛ e bu be sran. Sɛ ɔ ti sɔ'n, man e bu e Si nga e wawɛ'n wo i sa nun'n i sran tra be nan y'a nyan nguan.