Ezai 38:12 - NYANMIƐN NDƐ'N 1998

¹² Lika nga n tran nun'n, b'a de min sa nun, b'a sua b'a ɔ min wun mmua kɛ bua kankanfuɛ'n i tannin sua'n sa. Sɛ n ´kwla se'n, m'an nyɔnnyɔn min nguan'n kɛ tannin wufuɛ'n ɔ nyɔnnyɔn tannin'n sa. B'a yi min nzaliwa'n su b'a jra. Anannganman, kɛ lele bɔ lika'n ´fa dun'n, wuun w'a wiewie min.

Ezai 38:12 ပူးပေါင်းရင်းမြစ်များ

Zɔb I Nyrɛnnɛn Wunlɛ 14:2

Klɔ sran'n ɔ ti kɛ waka nnyrɛ b'ɔ kpuke'n sa. Kɛ ɔ cɛ kan'n, kpɛkuun waka nnyrɛ sɔ'n ɔ'a kpɔ ɔ'a tɔ. Klɔ sran'n ɔ sin ndɛndɛ kɛ fɔnvɔ sa, ɔ cɛ-man.

Zɔb I Nyrɛnnɛn Wunlɛ 17:1

N lo wunmiɛn-ɔn ɔ gua-man ase kun, m'an wie wu. Asieliɛ'n ɔ su minndɛ min.

Zɔb I Nyrɛnnɛn Wunlɛ 4:20

Le kunngba a ´nian-an, b'a kaci ndutre b'a wu b'a ɔ mlɔnmlɔn! Ɔ fu ɔ nun sa sɔ ngbɛn.

Zɔb I Nyrɛnnɛn Wunlɛ 6:9

Man ɔ bubu min nun kɛ like wie sa, nán man ɔ nian min su kun, man ɔ wiewie min.

Jue Mun 102:11

Ɔ ya bɔ a fɛli i min wun b'ɔ ɔ'a fɛ-mɛn i blɛblɛ'n ti a mannin min su yili min blo mmua.

Jue Mun 119:23

Min liɛ n ti ɔ sufuɛ. Sɛ bɔ famiɛn i awlo lɔ sran dandan'm be cici min wun sa-a, ɔ klun sa yolɛ'n yɛ ɔ o min akunndan'n nun-ɔn.

Jue Mun 31:22

N ´la Anannganman i ase. N yoli kɛ klɔ wie bɔ alɛ kunfuɛ'm b'a sin b'a yiɛ i'n sa. Anannganman yoli min ye, ɔ deli min.

Jue Mun 73:14

Cɛn kwlakwla n wo afɛ nun. Aliɛ ba'n kwlaa be kle min nyrɛnnɛn.

Jue Mun 90:5

A yo man sran i nguan'n ɔ sin kɛ aliɛ njɛnniɛn lafilɛ'n sa. A yo man ɔ sin kɛ ijre'n sa,

Ezai 1:8

Zerizalɛmfuɛ'm be ngunmin b'a ka lɛ kɛ kuku b'ɔ o vinyi fie kun nun'n sa, b'a ka lɛ kɛ kpata b'ɔ ɔ'a ka blo'n sa, b'a ka lɛ kɛ klɔ bɔ i sufuɛ'm be kpɔfuɛ'm b'a sin b'a yiɛ i'n sa.

Ezai 13:20

Sran'm be su tran-man nun mlɔnmlɔn kun, sran'm be su tran-man lɛ kun nan kɛ ɔ ´yo-ɔ ɔ'a yo. Arabfuɛ'm be su kplan-man be tannin sua'n lɛ, yɛ bua kankanfuɛ'm be su jran-man lɛ.

2 Korɛntfuɛ Mun 5:1

Afin e si kɛ e wunnɛn ng'ɔ o yɛ'n ɔ ti kɛ kpata sa. Sɛ ɔ saci'n, Nyanmiɛn ´man e tranwlɛ uflɛ nyanmiɛn su lɔ b'ɔ ti-man sran sa nuan yɛ ɔ su saci-man le.

2 Korɛntfuɛ Mun 5:4

Kɛ e tɛ o kpata nga bo'n, otolɛ'n kun ye, nán kɛ e wunnɛn ng'ɔ o yɛ'n e klo kɛ e kpa gua kɛ kondro sa-a, sanngɛ uflɛ yɛ e konvi o su kɛ e ´fa kla su nan anannganman nguan'n ɔ'a kaci like kwlaa ng'ɔ ti wie'n i nnɛn nin-ɔn.

Hébreu 1:12

A ´bubu be nun kɛ kondro sa, a ´kaci be kɛ be kaci tralɛ'n sa. Sanngɛ ɔ liɛ'n, a ´ka wɔ osu'n nun, wɔ afuɛ liɛ'n su wie-man mlɔnmlɔn .»

Jacques 4:14

An si-man like ng'ɔ ´yo amun ainman'n. An ti kɛ bɔlɛ'n b'ɔ gua kaan, sanngɛ kɛ ɔ ´yo kan'n, wuun ɔ'a titi'n sa .