Ezai 32:9 - NYANMIƐN NDƐ'N 1998

⁹ Amun bla mun bɔ amun bu i kɛ amu'an nyan amun ti'n, amun `jaso nan amun `tie ndɛ nga n kan'n! Amun talua mun bɔ amun fa amun wla gua amun bɔbɔ su'n, amun `fa amun su sie min nuan bo!

Ezai 32:9 ပူးပေါင်းရင်းမြစ်များ

Jue Mun 123:4

Nuan difuɛ'm b'a sri e wie pɛ! Wun tufuɛ'm b'a yo e finfin'n wie pɛ!

Ezai 28:23

Amun `sie amún su, amun `ti min aniɛn'n! Amun `sie amún su kpa, amun `ti min ndɛ'n!

Ezai 3:16

Anannganman waan: «Kɛ bɔ Siɔn bla'm be tu bé wun'n, kɛ bɔ be ´nanti-ɔ be tinngɛ be kɔmin'n nun'n, kɛ bɔ be ´nian sran-an, be kacikaci be nyinma'n nan be `kannvun be'n, kɛ bɔ be ´nanti-ɔ, be tu bé ja'n kunngun-kunngun wuun bé ja nga'm be ´tɛ gleinglein'n ti'n,

Zeremi 9:19

Bla mun, an `tie Anannganman i ndɛ'n. Man amún su'n ti ng'ɔ kan'n. An `kle amun mma bla'm be sunlɛ ng'ɔ o yɛ'n, amun `fa ngwlɛ yilɛ sɔ'n kle be wiengu kɛ:

Zeremi 9:20

‹Wie'n ɔ fu fenɛtri nun. Ɔ wlu é sua kpakpa'm be nun. Ɔ fin mantuan'm be ase akpɔ'n su. Ɔ fin gbanflɛn'm be ase gua'n su.› »

Ngwlɛ Yilɛ 4:5

Sran nga b'a di aliɛ kpakpa'n lele ɔ'a ka be nun'n, a ´nian-an b'a glɔ awe'n dunman nun. Be nga bɔ kɛ ɔ fin be kaan nun lele sika ɔkwlɛ'n i nun yɛ be la kondo'n, a kɔ ´nian-an, be jin ofuɛ'n su be su kunndɛ like.

Sofoni 2:15

«Sran kwlaa ng'ɔ ´sin i wun lɛ'n, srilɛ'n yɛ be sri wɔ-ɔ, be keje be sa be se kɛ: ?Klɔ klanman bɔ i nunfuɛ'm be klun ti-man be'n, bɔ be bu i kɛ be lɛ-man wunsu'n yɛlɛ nga ɔ'a yo sa yɛ'n? ?Klɔ sɔ'n yɛlɛ nga ɔ'a nunnun mlɔnmlɔnmlɔn bɔ ɔ'a kaci nnɛn'm be lawlɛ yɛ'n? »

Matthieu 13:9

Man sran ng'ɔ si fa sie'n, ɔ fa sie.»

Mmla'n 28:56

Bla kpa ng'ɔ ti wɛtɛɛfuɛ'n, b'ɔ klo sran'n, bɔ i ja sa kan-man asiɛ'n, i bɔbɔ i wun b'ɔ jɛ i'n, nin i wa yasua, ɔ nin i wa bla'n, bé wun ɔ ´yo i tɛ.

Jɔlɛ Difuɛ Mun 9:7

Zɔtam tili ndɛ sɔ'n, yɛ ɔ ɔli ko fuli Garizim oka'n su nan ɔ'a bo ndolo ɔ'a se kɛ: «Sisɛm kpɛnngbɛn mun, amun `sie amun su bé tie ndɛ wie. Man Anannganman kusu ɔ tie amun aniɛn'n.