Ezai 32:6 - NYANMIƐN NDƐ'N 1998

⁶ Sinnglinfuɛ'n i nuan nun ndɛ'n ti tɛtɛ ngunmin. Sa tɛ'n i yolɛ'n yɛ ɔ o i akunndan'n nun-ɔn. Ɔ kpɔ Nyanmiɛn. Ndɛ nga be saci i wun'n yɛ ɔ kan be-ɔ. Sran nga awe kun i'n, ɔ mɛn-mɛn like ɔ di-man. Yɛ nga nzue we kun i'n, ɔ mɛn-mɛn i nzue ɔ nɔn-man.

Ezai 32:6 ပူးပေါင်းရင်းမြစ်များ

Jue Mun 141:4

Nán kplin su kɛ n kan ndɛ tɛ annzɛ n yo sa tɛtɛ kɛ be bɔ be kunndɛ be nga mun nin wulɛ'n sa. Nán man n yo i sɔ sa mlɔnmlɔn.

Nyanndra Mun 19:3

Kɛ sran kun ko di sinnzin ko yo sa tɛ wie'n, kpɛkuun Anannganman su yɛ ɔ fɛ i ya'n gua-a.

Nyanndra Mun 24:7

Ngwlɛlɛ'n tra sinnglinfuɛ'n i kpɛn. I sɔ'n ti, kɛ be ´kan nzra nun ndɛ'n, ɔ fata-man kɛ ɔ uke i nuan.

Ezai 10:2

Be di-man yalɛfuɛ'm be ndɛ liɛ mun. Like ng'ɔ ti min nvle nun yalɛfuɛ'm be liɛ'n, be fa man-man be. Angboti mmla'm b'a kaci kɛ bé nuan nun nnɛn sa, be di be lufle pɔɔ, yɛ be de aika'm bé sa nun ninnge mun.

Ezai 10:6

Min waan be wɔ nan be ko kle sran nga be bu-man min like fi'n, be nyrɛnnɛn. Min waan be `ko tɔ sran nga be fɔkɔ min anwlɛn'n be su nan be `fɛn bé bo ninnge'n be `fa. Min waan be tiatia be su kɛ be tiatia atin nun nnɔtiɛ'n nun'n sa.

Ezai 26:10

Sanngɛ sɛ sran'm be si klunwifuɛ'm be aunnvuɛ'n, kpɛkuun klunwifuɛ sɔ'm be suan-man like ng'ɔ fata kɛ be yo'n i yolɛ. Sa ng'ɔ ti-mɛn i nuan su'n yɛ be yo i asiɛ'n su-ɔ. Yɛ Anannganman, be wun-man ɔ kpli bɔ a ti'n.

Ezai 3:15

?Nzu ti yɛ amun tin min sran'm be su-ɔ? ?Nzu ti yɛ amun yo yalɛfuɛ'm be tokotoko sɔ-ɔ?» Min, Anannganman bɔ n sie mɛn wunmuan'n min yɛ n usa sɔ-ɔ.

Ezai 31:2

Sanngɛ kusu wuun ɔ si ngwlɛlɛ. I yɛ man nyrɛnnɛn'n ɔ ba-a. Ndɛ ng'ɔ ko kan'n, ɔ yi-mɛn i ase. Ɔ nin klunwifuɛ'm be akpasua'n ɔ nyɛn i, ɔ nin sa tɛtɛ yofuɛ nga sran'm be ko usa ukalɛ bé sa nun'n be nyɛn i.

Ezai 59:13

E nyin yi-man Anannganman, e kpɛ i gblɛ, e kan ndɛ kekleekle bɔ be ti tɛtɛ'n, e jaso i wun, gblɛ kpɛlɛ'n yɛ ɔ wo e nun-ɔn, ɔ man e bua ato.

Ezai 59:7

Amun wanndi ndɛndɛ ko yo sa tɛ'n, amun kɔ ndɛndɛ be ko kun sran kpa'n. Sa nga be nin yolɛ fata-man'n yɛ amun yo be-ɔ. Lika kwla nga amun sin lɛ'n, san amun ´saci like lɛ, san amun ´yo sa tɛtɛ.

Ezai 9:17

Afin sa tɛ'n ɔ jue kɛ sin b'ɔ yra susrɛ mun nin owie mun'n sa. Sin sɔ'n, ɔ man bo'm be sɔ, yɛ sin wɛnsrɛn'n ɔ ´fu nyanmiɛn su lɔ lukuu.

Zeremi 13:23

?Etiopifuɛ kun kaci i wunnɛn kplo nin-ɔn ɔ yo ye? ?Kangale kun kaci i wunnɛn tata nun nin-ɔn, ɔ yo ye? Amun kusu kɛ an ti sɔ-ɔ. Amu'an yo sa tɛ'n lele ɔ'a kaci amun nzuɛn. I ti siɛn'n an yo sa kpa-a ɔ yo-man ye kun.

Ezekiɛl 34:18

?Kɛ bɔ amun di like lika kpa nun'n, i sɔ'n ti kaan ngboko amun nyrun ti yɛ like ng'ɔ ka lɛ'n, amun tiatia su be saci i-ɔ? ?Nzue klanman nga amun nɔn'n ɔ ti kaan ti yɛ ng'ɔ ka'n amun kputu i nin amún ja nin-ɔn?

Daniɛl 12:10

Afɛ'n ti, sran kpanngban kpa be wa yo saun, be ´yo weiin, yɛ be ´yo jrɛiin. Sran tɛtɛ bɔ be wun-man sa wlɛ'n, be ´yo sa tɛ'n be ´kɔ be nyrun, sanngɛ ngwlɛlɛfuɛ'm be ´wun sa ng'ɔ su ju'n i wlɛ.

Amɔs 8:6

An yo ble'n nin i wla'n i atɛ sran'm bé sa nun. An fa be bɔ be lɛ-man like'n be kaci amun kanga. Sɛ amun ngbabua nnyɔn cɛ kalɛ o yalɛfuɛ nin sran ng'ɔ lɛ-man like'n be su, nan be kwla yi-man'n, an fa be sɔfuɛ mun yo amun kanga.

Matthieu 15:19

Afin akunndan tɛ'n, nin sran kunlɛ'n, nin bla nin bian bé yi annzɛ bé wun i bo kunndɛlɛ'n, nin bla nin bian kunndɛlɛ'n, nin awie'n, nin be wiengu suɛn tɔnlɛ'n, ɔ nin sran wun ndɛ kanlɛ'n, i kwlaa sɔ'n wo sran i anwlɛn'n nun.

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.

1 Samiɛl 24:13

Anannganman bɔbɔ yɛ ɔ ´bu ndɛ sɔ nin-ɔn. Mín wun akunndan tɛ'n bɔ a bu'n ti Anannganman ɔ ´tu mín ti ngondin. M bɔbɔ n su ´yo-man wɔ like fi.