Ezai 3:9 - NYANMIƐN NDƐ'N 1998

⁹ Be wafa nga be ti'n, ɔ saci bé wun. Be yo be sa tɛtɛ mun wia klengle kpa'n nun kɛ Sodɔm lɔ fuɛ'm be sa, be fia-man bɔ kaan sa. Be yako! Afin be liɛ'n, be bɔbɔ be nyrɛnnɛn trɔ'n yɛ be su wlɛwlɛ i lɛ-ɔ.

Ezai 3:9 ပူးပေါင်းရင်းမြစ်များ

Bo Bolɛ 13:13

Sodɔmfuɛ'm be ti sa tɛtɛ yofuɛ dan. Be fɔn Anannganman i wun.

Bo Bolɛ 19:34

Kɛ aliɛ'n cɛnnin'n, kpɛnngbɛn'n seli i sinma'n kɛ: «Anunman e nin baba e lali. E `mɛn i nzan ekun ndɛ kɔnguɛ man ɔ bo nan a nin i be ko la nan i osu'n ɔ'a nunnun-man.»

Bo Bolɛ 4:5

Sanngɛ ɔ'a nian-man Kaɛn nyrun, ɔ'a sɔ-mɛn i like liɛ'n ng'ɔ fa mɛnnin i'n nun. I sɔ'n ti Kaɛn fali ya dan kpa. Ɔ mlɛnnin i nyrun tritritri.

2 Famiɛn Mun 9:30

Zei sɛli i sin bali Zizreɛl. Kɛ Zezabɛl tili i kɛ Zei ɔ'a ju lɛ'n, ɔ fali like jɛli i nyin sin ndrɛ'n su klanman kpa, ɔ dili talua kpa. Kpɛkuun ɔ wa jrannin fenɛtri'n nun.

Jue Mun 10:4

Klunwifuɛ'n i klun akunndan'n i ngba'n yɛlɛ kɛ Nyanmiɛn nun-man lɛ. Ɔ tu i wun. Nyanmiɛn i ndɛ ti-mɛn i ndɛ.

Nyanndra Mun 15:32

Sran nga i waan nán man be tu i fɔ'n, ɔ kpɔ i bɔbɔ wun. Sran nga be tu i fɔ b'ɔ fa'n, i sɔfuɛ'n ɔ ´yo ngwlɛlɛfuɛ.

Nyanndra Mun 30:13

Sran'n wie o lɛ'n, ɔ yo-mɛn i wun kpakpa ngowa. Sran fi ti-man sran i nyrun.

Nyanndra Mun 8:36

Sran ng'ɔ yo min tɛ kusu-ɔ wuun ɔ ti kɛ ɔ'a yo i bɔbɔ wun tɛ. Be kwlaa nga be kpɔ min'n, ɔ ti kɛ wuun be klo wie'n ti-ɔ.

Ezai 1:10

?Zerizalɛm kpɛnngbɛn mun, yoo amu'an kaci Sodɔm kpɛn siɛn'n? Amun `tie Anannganman i ndɛ b'ɔ kan'n! ?Zerizalɛmfuɛ mun, yoo kɛ ɔ o yɛ'n amu'an kaci Gomɔrfuɛ siɛn'n? Amun `sie amun su kpa be tie e Nyanmiɛn'n i mmla b'ɔ man'n!

Ezai 3:16

Anannganman waan: «Kɛ bɔ Siɔn bla'm be tu bé wun'n, kɛ bɔ be ´nanti-ɔ be tinngɛ be kɔmin'n nun'n, kɛ bɔ be ´nian sran-an, be kacikaci be nyinma'n nan be `kannvun be'n, kɛ bɔ be ´nanti-ɔ, be tu bé ja'n kunngun-kunngun wuun bé ja nga'm be ´tɛ gleinglein'n ti'n,

Ezai 57:20

Sanngɛ be nga be bu-man Nyanmiɛn nin i ndɛ'n be like fi'n, be ti kɛ jenvie'n bɔ aunngban'n keje i b'ɔ kwla jran-man diin, b'ɔ bo ninnge tɛtɛ'm kwlaa gua cenje'n su'n sa.

Ezai 59:12

Afin Anannganman, a wun e sa tɛtɛ kpanngban bɔ e yo be'n. E sa tɛ sɔ'm be bu e fɔ, sɛ be ti sran'n, wuun n ´se kɛ be mantan e wun. E si e fɔnlɛ bɔ e fɔn'n.

Zeremi 2:19

Ɔ klunwi'n i su sa'n yɛ ɔ taka ɔ́ ti su lɛ-ɔ. Wɔ ajalɛ tɛ nga a tuli'n i su afɛ'n yɛ a ´fɛ i lɛ-ɔ. A wa wun kɛ kannzu min Anannganman bɔ n ti ɔ Nyanmiɛn'n min ase yilɛ'n, ɔ nin ɔ́ nyin b'ɔ yi-man min'n, ɔ ti sa tɛ dan kpa.» Anannganman Nyanmiɛn b'ɔ sie mɛn wunmuan'n yɛ ɔ kan sɔ-ɔ.

Zeremi 3:3

I ti nzue'n ɔ'a tɔ-man. Wawa nun nzue'n ɔ'a tɔ-man. Sanngɛ ɔ waan san tekle'n cɛ yɛ a ´bo-ɔ, nán nyan yɛ a ko sa-a.

Zeremi 6:15

Sa tɛtɛ nga be yoli'n, ɔ yo-man be ya! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e yia nun'n, be ´fin ase.»

Zeremi 8:12

Sa tɛtɛ nga be yoli'n, kɛ ɔ `yo be ya'n, nán be-ɔ! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e ´nyɛn i'n, be ´fin ase.»

Ngwlɛ Yilɛ 5:16

E ti sika kle'n ɔ tu tɔli. Sa tɛ nga e yoli'n ti'n, y'a wun nyrɛnnɛn.

Ezekiɛl 16:30

Ɔo! A tran-an ɔ tran-man. A kaci wɔ liɛ kɛ blɔdɛ i tɛtɛ kpafuɛ'n wie yɛlɛ wɔ sa.» Anannganman Nyanmiɛn'n yɛ ɔ kan sɔ-ɔ.

Ezekiɛl 16:49

Sa nga ɔ niaan bla Sodɔm yoli'n yɛ ɔ o yɛ: ɔ tu i wun. I ku yi titi. Alaje b'ɔ di'n ti, ɔ bu-man akunndan kun kɛ sa kwla tɔ i su. Ɔ'a uka-man yalɛfuɛ nin nyrɛnnɛnfuɛ mun. Sodɔm nin i mma mun yɛ be yo sɔ-ɔ.

Ezekiɛl 23:16

Kɛ ɔ wunnin be klikli nun lɛ'n, ɔ wuli bé ti kpo, ɔ sunmannin sran bé sin be mɛn'n nun lɔ.

Daniɛl 7:20

N usɛli i wɛ blu bɔ be o i ti'n su'n bé wun ndɛ. Yɛ n usɛli i wɛ kun'n b'ɔ fili b'ɔ yoli man laa liɛ be nun nsan be tutu guali'n i wun ndɛ ekun. I wɛ sɔ'n ɔ lɛ nyinma, ɔ kan wun tulɛ ndɛ mun. Kɛ be wun i'n, ɔ yo kɛ ɔ yo sro tra be nga mun.

Ndɛ Nga Nyanmiɛn I Nuan Ijɔfuɛ Oze Kannin'n 13:9

Izraɛlfuɛ mun, amun nunnunlɛ'n ɔ fin min wun bɔ amun jasoli'n. ?Wan yɛ ɔ wa uka amun-ɔn?

Ndɛ Nga Nyanmiɛn I Nuan Ijɔfuɛ Oze Kannin'n 5:5

Efraimfuɛ'm bé wun tulɛ'n ɔ'a saci bé wun. Izraɛlfuɛ mun nin Efraimfuɛ'm be sa tɛ bɔ be yoli'n ti be su wa tɔ. Zidafuɛ'm be nin be yɛ be ´tɔ-ɔ.

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

Sa nglô yile 11:8

Be fuɛn'n ´ka klɔ dan bɔ be fa sunnzun Sodɔm, nin Ezipt'n, bɔ be boboli be Min'n i su'n, i nun atin'n su .

1 Samiɛl 15:32

Kpɛkuun Samiɛl waan: «Amun `fa Agag b'ɔ ti Amalɛk famiɛn'n be bla.» Yɛ Agag bali-ɔ. Kɛ ɔ ´ba'n, wuun ɔ ´srisri, ɔ bu i kɛ be su kun-mɛn i kun.