Ezai 3:14 - NYANMIƐN NDƐ'N 1998

¹⁴ Anannganman su di i sran'm be afɔtuɛ manfuɛ mun nin be kpɛnngbɛn'm be jɔlɛ. Ɔ se be kɛ: «Amu'an saci vinyi'n. Like nga amun fali be yalɛfuɛ'm bé sa nun'n, be o amún sua'm be nun.

Ezai 3:14 ပူးပေါင်းရင်းမြစ်များ

Zɔb I Nyrɛnnɛn Wunlɛ 22:4

?Srolɛ bɔ a sro i'n ti yɛ ɔ tu wɔ fɔ-ɔ? ?I ti yɛ ɔ nin wɔ su kan-an?

Zɔb I Nyrɛnnɛn Wunlɛ 24:14

Kɛ aliɛ'n ɔ wa cɛn'n, kakaje'n ɔ jaso. Ɔ kun yalɛfuɛ'n annzɛ nyrɛnnɛnfuɛ'n. Kɛ aliɛ'n kɔ san'n, wuun ɔ'a kaci awiefuɛ.

Zɔb I Nyrɛnnɛn Wunlɛ 24:9

Be kpɛ aika ba'n i nyɔnflɛn kekle nun. Be fa yalɛfuɛ'n i sa nun ninnge'n be wla aowa.

Zɔb I Nyrɛnnɛn Wunlɛ 34:23

Nyanmiɛn flɛ-man sran usɛ-usɛ-mɛn i kosan lele kwlaa nan ɔ'a di i jɔlɛ.

Jue Mun 10:9

Ɔ bu sa kplɛ kɛ asɔmɔli wie bɔ ɔ'a sɛ i kunman nuan'n sa. Nyrɛnnɛnfuɛ'n yɛ ɔ kunndɛ i nan ɔ ´trɛ i-ɔ. Ɔ kɛnkɛn i ko yi i tɛ nun, kpɛkuun ɔ'a trɛ i.

Jue Mun 14:4

Sa tɛ yofuɛ mun, be wun-man sa wlɛ. Be di min nvlefuɛ'm be lufle pɔɔ, ɔ waan aliɛ yɛ b'a nyɛn i yɛ be su di sa. Be kpan flɛ-man min mlɔnmlɔn.

Jue Mun 143:2

N ti ɔ sufuɛ, nán se kɛ a ´bu min fɔ. Asiɛ nga su wa'n, sran fi nun-man wa bɔ fiɛn nun-mɛn i wun ɔ́ nyrun-ɔn .

Nyanndra Mun 30:14

Sran wie'm be o lɛ'n, be je'm be la kɛ kue sa yɛ bé nuan'm be la kɛ laliɛ sa. Mɛn'n nun afɛfuɛ'm be ti kɛ be nnɛn sa yɛ be di-ɔ. Be nin yalɛfuɛ'm be lɛ i. Be kunndɛ kɛ be ´yi be sran nun.

Ezai 10:1

Be nga be kpɛ mmla tɛtɛ mun, bɔ be kpli be klɛ mmla nga be kle sran'm be nyrɛnnɛn'n, be yako!

Ezai 10:2

Be di-man yalɛfuɛ'm be ndɛ liɛ mun. Like ng'ɔ ti min nvle nun yalɛfuɛ'm be liɛ'n, be fa man-man be. Angboti mmla'm b'a kaci kɛ bé nuan nun nnɛn sa, be di be lufle pɔɔ, yɛ be de aika'm bé sa nun ninnge mun.

Ezai 11:4

Be nga be ti yalɛfuɛ'n, ɔ ´di be ndɛ'm be kpa. Be nga be kle be yalɛ mɛn'n nun'n, ɔ ´bu be ndɛ mun kɛ ɔ fata'n sa. I ndɛ ng'ɔ fin i nuan ´fite'n ɔ ´yo kɛ waka bɔ be fa bo sran'n sa, ɔ ´fa bo mɛn'n nunfuɛ mun. Ndɛ ng'ɔ fin i nuan fite'n, ɔ ´yo man sran tɛ'm be wu.

Ezai 14:30

Be nga be lɛ-man like'n, bé wa klikli'm be ´nyan like be ´di, yɛ be nga be ti yalɛfuɛ'n, sa tɛ fi su nyan-man be. Sanngɛ amun Filistifuɛ mun, awe'n ɔ ´kun amun osu'n nunfuɛ mun, yɛ amun nun sran nga be ´ka lɛ'n, be ´kun be.

Ezai 26:6

Yalɛfuɛ mun nin be nga be ti fakafaka'n, be tiatiali su.»

Ezai 29:19

Be nga be kan bé wun ase'n, Anannganman ti be klun ´jɔ titi ´kɔ i nyrun. Be nga be ti sran'm be nun yalɛfuɛ'n, Izraɛl Nyanmiɛn'n ti bé wun ´kpaja be.

Ezai 30:12

Amun `nian, Izraɛl Nyanmiɛn'n wan yoo: «Kɛ bɔ amun fa-man ndɛ nga n kan kle amun'n su'n, bɔ amun fa amún wla guɛ i akpo bolɛ nin gblɛgblɛ ninnge'm be su'n,

Ezai 5:7

Anannganman b'ɔ sie mɛn wunmuan'n, i vinyi fie'n yɛlɛ Izraɛl osu'n. Yɛ waka b'ɔ tali b'ɔ klo be kpa'n yɛlɛ Zidafuɛ mun. Anannganman bu kɛ be wa yo sa mun i nuan su, sanngɛ sa tɛtɛ mun yɛ be yo be-ɔ. Ɔ bu i kɛ be wa fa mmla'n su, sanngɛ nyrɛnnɛnfuɛ'm be kpanlɛ'n yɛ be ti i lika'n kwlakwla-a.

Ezai 58:4

Kɛ amun ´ci nglɛmun'n, wuun amun ´tu ngondin, wuun amun ´di utre, wuun amun ´to sran acɔliɛ. Amun ci-man nglɛmun'n kɛ ɔ nin i fata kɛ be ci i cɛn nga Anannganman sieli'n i nun'n sa. Amun ci-mɛn i kɛ amun ´yo nan amun nɛn'n ɔ `ju nglo lɔ.

Zeremi 12:10

Nnɛn kankanfuɛ kpanngban kpa b'a saci min vinyi fie'n, b'a tiatia min fie'n su ninnge'm be su. B'a bubu min lika bɔ n klo-mɛn i ngowa'n sɔ flɛnnɛnnɛn.

Zeremi 5:27

Bé sua'n ti kɛ anunman sua bɔ anunman'm b'a yi i'n sa. Awie ninnge'm b'a yi bé sua'n. Nga be fa nyannin bé wun'n b'ɔ man b'a yo sran dan'n yɛ ɔ o lɛ-ɔ.

Ezekiɛl 18:12

Ɔ bo be nga be ti yalɛfuɛ'n nin be nga be lɛ-man like'n be akpo. Ɔ wua sran mun. Sɛ be wla aowa be mɛn i'n, ɔ yi man-man sran nga i kalɛ o be su bɔ be wlali aowa sɔ'n. Ɔ fɛ i wun man amuɛn sɔlɛ'n, yɛ i blɛ sɔ'n nun ɔ yo tete sa mun.

Ezekiɛl 20:35

N ´fa amun n kɔ aawlɛ flɛnnɛn'n nun mmua lɔ kan sran kun nga'm be nun-man lɛ'n, lɛ yɛ e nin amun e ´kan ndɛ nin-ɔn.

Ezekiɛl 20:36

Kɛ n fa buli amun nannan'm be fɔ aawlɛ flɛnnɛn'n nun lɔ'n, i sɔ yɛ n ´fa bu amun-ɔn, min Anannganman Nyanmiɛn'n yɛ n kan sɔ-ɔ .

Saun Yolɛ 25:14

Sɛ amun ´yo like kɛ asiɛ sa atɛ amun niaan kun sa nun, sɛ wie kusu-ɔ amun ´to like amun niaan kun sa nun'n, nán amun di amun wiengu lufle.

Saun Yolɛ 25:17

Nán amun di amun niaan kun lufle, amun nyin `yi min. Afin min yɛ n ti Anannganman amun Nyanmiɛn nin-ɔn.

Amɔs 2:7

Nga be kunndɛ'n, yɛlɛ kɛ be bɔ be lɛ-man like'n, be ´mianmian be lele be ´de be sa nun ninnge kwlaa. Yalɛfuɛ'n kɛn i ndɛ liɛ-ɔ, jɔlɛ difuɛ'm be bu-mɛn i like fi. Sran kun nin i si be kunndɛ bla kunngba. I sɔ'n ti min dunman'n i sacilɛ.

Amɔs 4:1

Samari mmla mun, amun bɔ amu'an cɛn kɛ Bazan oka'n su nannin mun sa'n, amun `sie amún su be `ti ndɛ ng'ɔ o mín nuan'n. An di yalɛfuɛ'm be lufle. Amun kle yalɛfuɛ'm be nyrɛnnɛn. Kpɛkuun an se amún wun'm be kɛ yoo: «An `fa nzan'n be bla man e nɔn .»

Mise 2:1

Be nga sa tɛ'n yɛ be bu i akunndan'n, bɔ be la kɔnguɛ-ɔ, be bu be sie, bɔ sɛ be nyɛn i jranwlɛ'n bɔ wia'n kwla tɛ-man, wuun be su yo i sɔ sa'n, be yako!

Mise 2:2

Sɛ fie wie yɛ bé nyin blo su'n, san be ´fa. Sɛ kusu awlo wie yɛ be waan be ´fa'n, san i falɛ yɛ be ´fa-a. Be fɛn sran mun nin be awlofuɛ'm bé bo ninnge mun. Sran'm be osu'n nun be asiɛ mun bɔ be ti kɛ be aja like sa'n, be fa gblɛ be de bé sa nun .

Mise 3:3

Be di min sran'm be nnɛn'n, be yi bé kplo'n, be bu be owie mun, be kpɛkpɛ be nun kpekpe kɛ nnɛn bɔ be su fa wlɛ i sɛ nun be ´tɔn'n sa.

Mise 6:10

Ninnge nga sran tɛtɛfuɛ'm be wuali b'ɔ si bé sua'm be nun'n, ɔ nin be toe bɔ be kpɛ i kilo'n su'n, i sɔ tete like liɛ'n, n su yaci cɛ-man be.

Matthieu 21:33

«An `tie nyanndra kun ekun. Awlo bo kpɛn kun o lɛ, ɔ dili vinyi fie, ɔ sili i wun. Ɔ kpɛli vinyi'n i mma i nzue cuɛnwlɛ, yɛ ɔ kplannin akpa fleiin kun, i sin ɔ kunndɛli sran ɔ fa fie'n wlali bé sa nun nan ɔ'a ɔ nvle wie nun .

Jacques 2:6

Sanngɛ amun liɛ'n, an bu-man yalɛfuɛ'm be sran. ?Nán anyanbeunfuɛ mun yɛ be mianmian amun be fa amun kɔ jɔlɛ difuɛ'm be ja su nin-ɔn?