Ezai 3:11 - NYANMIƐN NDƐ'N 1998

¹¹ Sran tɛ'n, i yako! Ɔ wo atin tɛ'n su, afin sa ng'ɔ siesie'n, yɛ be ´fa yo i-ɔ.»

Ezai 3:11 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

2 Samiɛl 3:39

B'a sie min famiɛn sɔ, sanngɛ mín sa'n nian tin-man. E nin Zɛriza i mma mun e sɛ-man. Man Anannganman bɔbɔ yɛ ɔ fa sran ng'ɔ yo sa tɛ'n i nuan akatua'n mɛn i-ɔ.»

1 Famiɛn Mun 21:21

Anannganman wan yoo: ‹N ´fa nyrɛnnɛn n ´to yi wɔ su. N ´yi wɔ mɛn'n nun. N ´nunnun ɔ osu'n nun sran'm be ngba. Ɔ osu'n nunfuɛ nga be ti kanga o, nga be ti diewa o, n ´nunnun be ngba Izraɛl mɛn'n nun.

2 Be Nyoliɛ 6:23

kɛ a o nyanmiɛn su lɔ'n, sie ɔ su nan di ɔ sufuɛ'm be jɔlɛ sɔ'n, yɛ yo ng'ɔ fata'n. Sran ng'ɔ yoli sa'n, bu i fɔ, man i sa tɛ'n kaci tɔ i bɔbɔ su. Yɛ sran kun'n kusu, man be wun kɛ i wun a sa.

Zɔb I Nyrɛnnɛn Wunlɛ 10:15

I ti'n, sɛ n yo sa'n, ɔ ti kekle man min. Sɛ kannzɛ m'an yo-man sa'n, n lɛ-man atin bɔ m ´man mín ti'n su-ɔ. M'an wun nyannzuɛn sa mlɔnmlɔnmlɔn! Nyrɛnnɛn ng'ɔ o min su'n, be flɛ-mɛn i nyrɛnnɛn.

Jue Mun 28:4

Nian sa tɛ nin gblɛ sa nga be yo be'n su tannin be kalɛ. Like tɛtɛ nga be fa bé sa be yo'n, tuɛ i kalɛ man be. Man sa tɛ nga be gugu'n ɔ kaci tɔ be bɔbɔ be su .

Jue Mun 62:12

Nyanmiɛn ɔ'a kɛn i kpalɛ b'ɔ tra nnyɔn bɔbɔ m'an ti. I waan: «Wunmiɛn'n ɔ ti n kunngba n liɛ.»

Nyanndra Mun 1:31

Amun bɔbɔ amun atin nga amun fali'n i su sa yɛ ɔ nyannin amun-ɔn.

Nyanndra Mun 11:31

Sran kpa'n ɔ nyɛn i kpa yolɛ'n su nvasuɛ asiɛ'n su wa. Klunwifuɛ'n nin sran tɛfuɛ'n be kusu san be ´nyan be akatua liɛ .

Nyanndra Mun 12:14

Kɛ sran kun ´nyan muae'n, ɔ fin i nuan nun ndɛ'n. Junman nga sran kun di'n, i nuan like yɛ ɔ nyɛn i-ɔ.

Nyanndra Mun 26:27

Sɛ a kpɛ sran i wun kunman'n, ɔ bɔbɔ yɛ a ´tɔ nun-ɔn, sɛ yɛbuɛ kusu yɛ a kondo fu kpɔlɛ wie b'ɔ su sɛ i sin ba'n, san ɔ su cɛ yɛ ɔ ´tɔ-ɔ .

Akunndanfuɛ'n 8:13

Klunwifuɛ'n ɔ nyan-man muae yɛ i nguan nyanman'n yo-man tɛnndɛn. I nguan sɔ'n ɔ yo vɛɛ kan kɛ fɔnvɔ sa yɛlɛ kɛ i nyin yi-man Nyanmiɛn mlɔnmlɔn .

Ezai 13:11

Anannganman waan: «Mɛn'n nunfuɛ'm be klunwi'n ti, m ´bu be fɔ, yɛ be bɔ be sro-man Nyanmiɛn'n, bé sa tɛ bɔ be yo'n ti, m ´bu be fɔ. N ´jran wun tufuɛ'm bé wun dandan bɔ be yo'n, yɛ be nga bɔ kɛ be ´sie sran'm be tin be su'n, bé wun ngbli-ngbli yolɛ'n, n ´kɛn i ase.

Ezai 48:22

Anannganman waan: «Be nga be lafi-man min su'n, bɔ be fa-man min mmla'n su'n, bé wun jɔ-man be le.»

Ezai 65:20

Be su wun-man kɛ bakan ɔ ´wu i kaan nun lɔ kun, yɛ sran kpɛnngbɛn b'ɔ yo-man oke kɔ-man mmua b'ɔ wu'n, be su wun-mɛn i sɔ lɔ kun. Afin sɛ sran kun ´wu nan ɔ lɛ afuɛ ya'n, wuun be flɛ kɛ ɔ tɛ yo gbanflɛn annzɛ talua. Sran nga ɔ'a di-man afuɛ ya nan ɔ wu'n, wuun be se kɛ b'a bo i sannzan ti-ɔ.

Ezai 65:6

Amun nian, m'an klɛ bé sa nga be yo'n. N ´tannin bé sa sɔ'n i nuan like m ´man be, n ´yo man ɔ ´ti be kpa sakpa. N su yaci-man be lɛ.

Ezai 65:7

Min Anannganman, min wan yoo: «Bé sa tɛtɛ'm bɔ be yo be'n nin be nannan'm be liɛ'n, m ´bubu be n ´sie nan n ´si be nuan, be nannan'm be yra ansans be mannin amuɛn mun oka'm be su, be sɔtɔ i sɔ yolɛ'n, ɔ'a cɛ. Be klɔklɔli min kpɔlɛ'm bé su. Bé sa tɛtɛ nga be yoli i laa'n, n ´tannin i nuan kalɛ'n m ´man be. Ɔ ´ti be kpa.»

Zeremi 21:14

‹Min nin amun e wa yia nun, n ´fa sa nga amun yo'n bé nuan sa n ´yo amun, n ´trɔ amun famiɛn sua'n nun sin. Sin sɔ'n ɔ ´didi like nga be mantan sua sɔ'n i lɛ mun.› »

Zeremi 31:30

Sanngɛ siɛn'n, sran kun i sa tɛ liɛ ng'ɔ yo'n, i nuan wie yɛ ɔ ´wu-ɔ. Sran ng'ɔ di vinyi'n mma amuɛn'n, i bɔbɔ i je liɛ'n yɛ ɔ ´nyan-an.»

Ezekiɛl 16:59

Afin Anannganman Nyanmiɛn'n wan yoo: «Wɔ bɔ w'a bu-man nda nga a tali'n i akunndan kun'n, kɛ a fa yoli'n, yɛ n kusu n ´fa yo wɔ-ɔ.

Ezekiɛl 18:20

Sran ng'ɔ yo sa tɛ'n, i yɛ ɔ ´wu-ɔ. Ba'm be su tannin-man bé si'm be sa tɛ'n i ti kalɛ. Yɛ siɛ'm be su tua-man be mma'm bé sa tɛ'n i ti kalɛ. Sran ng'ɔ yo sa kpa'n, be ´tuɛ i sa kpa sɔ'n i ti kalɛ be mɛn i. Sran ng'ɔ yo sa tɛ'n, be ´tuɛ i sa tɛ'n i ti kalɛ be mɛn i.»

Ezekiɛl 2:10

Ɔ tinngɛli nun min nyrun lɛ. Be klɛli i nyrun nin i sin. Sunlɛ ndɛ, nin awuyomo bolɛ ndɛ, ɔ nin awlaboɛ kpanlɛ ndɛ mun yɛ be klɛli be fluwa sɔ'n nun-ɔn.

Ezekiɛl 24:14

M bɔbɔ min Anannganman, min yɛ m'an kan-an, san ɔ ´ju, n ´yo, n su kɔ-man min sin, yɛ n su si-man aunnvuɛ, n su koko-mɛn i sin. Kɛ ɔ nzuɛn'n nin wɔ aeliɛ'n be fa ti'n yɛ be ´fa tu wɔ fɔ-ɔ.» Anannganman Nyanmiɛn'n yɛ ɔ kan sɔ-ɔ.

Ezekiɛl 33:8

Sɛ n ´se klunwifuɛ'n kɛ: Klunwifuɛ, a wa wu. Sɛ w'a bo-mɛn i jɔ nan w'a se-mɛn i kɛ ɔ kaci i nzuɛn tɛ'n, klunwifuɛ sɔ'n i sa nuan su b'ɔ yo-man ti'n, ɔ ´wu, sanngɛ ɔ ndɛ-ɔ.

Mise 3:4

I sɔ'n ti, cɛn nga be wa kpan flɛ Anannganman'n, ɔ su tɛ-man be su. Ɔ ´kaci i sin si be, be sa tɛ nga be yoli'n ti .

Mise 7:13

Mɛn'n ɔ ´bo, sran nga be tran nun'n be aeliɛ tɛtɛ'n ti mɛn'n ɔ ´bo.

Kalɛ 32:23

Sanngɛ sɛ amu'an yo-mɛn i sɔ'n, wuun amu'an fɔn Anannganman'n i wun. Kusu man amun si jrɛiin kɛ, sa tɛ nga amun yoli'n, amun wa fɛ i su afɛ'n.

2 Korɛntfuɛ Mun 5:10

Afin wafa kwlaa nga e ti'n, be ´fa e kɔ Krist ja su nan sran kun kɛ ɔ o wa'n, i like ng'ɔ yoli'n, sɛ ɔ ti kpa o, sɛ ɔ ti tɛ o, ɔ `nyɛn i nuan like .

Jacques 2:13

Afin kɛ Nyanmiɛn ´di be nga be si-man sran aunnvuɛ'n be jɔlɛ'n, ɔ su si-man be aunnvuɛ. Sɛ aunnvuɛ silɛ'n nin fɔ bulɛ'n be ti sran'n, wuun aunnvuɛ silɛ'n kwla fɔ bulɛ'n.

Jɔlɛ Difuɛ Mun 9:57

Yɛ Sisɛmfuɛ'm bé tɛ liɛ nga be yoli'n kusu, Nyanmiɛn tanninnin be kalɛ. Ɔ man Zɛribaal i wa Zɔtam i sannzan ng'ɔ boli'n i su sa'n yoli.