Ezai 28:3 - NYANMIƐN NDƐ'N 1998

³ Amun `nian, klɔ bɔ ti kɛ famiɛn kle sa'n, bɔ Efraim nzanboɛfuɛ'm be fa di be nuan'n, b'a tiatia su.

Ezai 28:3 ပူးပေါင်းရင်းမြစ်များ

2 Famiɛn Mun 9:33

Zei seli be kɛ: «Amun `su i bo man ɔ fin fenɛtri'n nun lɔ tɔ!» Yɛ be suli i bo-ɔ. Ɔ fin fenɛtri'n nun lɔ tɔli. Kɛ ɔ tɔli'n, i mmoja'n guali talɛ'n nin nnɛn kpanngɔ'm bé wun. Zei fɛli i kakaklolo'n sinnin i su ɔli.

Ezai 25:10

Afin Anannganman i sa kpa'n wo oka nga su.» Be tiatia Moabfuɛ'm be su kan be o lɛ'n, be tiatia be su kɛ ijre bɔ be tiatia su angrɛ kunman'n nun'n sa.

Ezai 26:6

Yalɛfuɛ mun nin be nga be ti fakafaka'n, be tiatiali su.»

Ezai 28:1

Samari klɔ'n b'ɔ ti kɛ famiɛn kle sa'n, bɔ Efraim nzanboɛfuɛ'm be fa di be nuan'n, sɛ ɔ ti sran'n, wuun n ´se kɛ i yako! Ɔ o kongo bɔ be yo nun like-ɔ ɔ yo ye'n i nglo, waka nyrɛ bɔ ɔ'a glɔ'n, ɔ'a fa fɛfɛ i wun kɛ like kpa wie sa. I nun sran bɔ nzan'n ɔ'a saci be'n be yako.

Ezai 28:18

Aenguɛ bɔ amun nin wie'n amun trali'n, ɔ ´saci, yɛ janvuɛ bɔ amun nin blɔlɔ'n amun trali'n, ɔ su yo-man ye kun. Blɛ bɔ sa kekle'n ɔ ´ba'n, ɔ ´tɔ amun su wie.

Ezai 5:11

Be nga bɔ nglɛmun ndɛ kpa'n be ko kunndɛ nzan kekleke be nɔn'n, be yako! Be nga kɔnguɛ be la-man'n, bɔ nzan yɛ be nɔn i kɛ be ´fa kan bé wun nglɛ'n, be yako!

Ezai 63:3

Min ngunmin yɛ n dili junman vinyi mma nzue yiwlɛ lɔ-ɔ, nvle'm be nun sran ba kun sa a uka-man min. Kɛ n fali ya'n, n tiatiali be su, n wɛtɛli be. Be mmoja'n, ɔ nyrɛn guali mín wun tralɛ'm be nun, i ti yɛ man be yoli fiɛn nin-ɔn.

Ezai 9:9

«Talɛ'm be bliki'm b'a tɔ, sanngɛ e ´fa yɛbuɛ nga be sɛli'n e ´fa kplan be uflɛ! Janvlɛ'm b'ɔ be ti sikomɔr waka'n, be kpɛkpɛli be, sanngɛ e ´fa janvlɛ bɔ be ti sɛdri waka'n e ´kaci be.»

Ngwlɛ Yilɛ 1:15

Sonja nga be o mín sa nun'n, e Min'n ɔ'a kpla be ɔ'a yi i lɔ. Ɔ yiali alɛ kunfuɛ kpanngban kɛ be nin min gbanflɛn'm be wa kun. E Min'n ɔ'a cuɛn min bɔ n ti Zida i wa bla'n min nun kɛ be fa cuɛn vinyi mma i nzue'n sa.

Daniɛl 8:13

N tili anz kun nɛn. Kpɛkuun anz uflɛ kun usɛli i kɛ: ‹?Aolia nun ninnge nga'm be ´di blɛ nnyɛ? ?Sraka nga be nunnunnin su'n nin sa tɛ b'ɔ saci like'n, nin Nyanmiɛn tranwlɛ, ɔ nin nyanmiɛn su lɔfuɛ mun bɔ be tiatiali be su'n, be ´yo sɔ lele cɛn onin?›

Hébreu 10:29

?Sɛ ɔ ti sɔ'n, be nga be yo Nyanmiɛn Wa'n i finfin'n, bɔ be bu-man aenguɛ nga Nyanmiɛn waan ɔ nin sran'm be ´tra i wa'n i mmoja b'ɔ man bé wun sa'n wie'n i like fi'n, bɔ be kpɛ Nyanmiɛn Wawɛ'n b'ɔ yo sran ye'n i nzowa'n, an bu be liɛ'n sɛ? Be liɛ'n ´yo tɛ tra su .

Sa nglô yile 11:2

Sanngɛ yaci Nyanmiɛn i sua'n i awlo klun'n lɛ, nán sunnzun. Afin be fa mannin be nga be ti-man Zuif'n, be ´wlan-wlan Nyanmiɛn klɔ'n su anglo ablanan-nin-nnyɔn, be ´saci i .