Ezai 27:3 - NYANMIƐN NDƐ'N 1998

³ «M bɔbɔ min Anannganman yɛ n nian su-ɔ. Blɛ b'ɔ ju i su nzue gualɛ'n, n gua su nzue. N sɛsɛ i wia su nin kɔnguɛ kɛ ɔ ´yo nan b'a wlu-man nun b'a saci-mɛn i'n ti.

Ezai 27:3 ပူးပေါင်းရင်းမြစ်များ

Bo Bolɛ 6:17

Afin n wa tɔ anannganman su nzue kun asiɛ'n su, n ´fa nunnun ninnge nga be wo asiɛ'n su'n be kwlaa. N ´kun asiɛ'n su ninnge'm be kwlaa.

Bo Bolɛ 9:9

«Min kusu nda yɛ n ´ta amun yɛ. Amun nin amun osu'n nunfuɛ mun

1 Famiɛn Mun 8:59

Man Anannganman i wla kpɛn min aunnvuɛ srɛlɛ bɔ n srɛli i yɛ'n su kɔnguɛ nin wia nun. Yɛ aliɛ ba kwlaa b'ɔ ´cɛn b'ɔ ´san'n, man ɔ yo like ng'ɔ nin ye fata'n man ye, afin min nin amun e ti i nvle'n nunfuɛ mun.

Jue Mun 46:11

I waan: «Amun `jran, man amun si kɛ n ti Nyanmiɛn. Min yɛ n sie nvle'm be nunfuɛ mun-ɔn. Min yɛ n sie asiɛ wunmuan nin-ɔn.»

Jue Mun 46:5

Nzue ba kun wo lɛ bɔ kɛ ɔ ´sonji'n, ɔ man aklunjuɛ Nyanmiɛn i klɔ'n nun. Ɔ yo man aklunjuɛ o Nyanmiɛn b'ɔ like fi nun-mɛn i sin'n i tranwlɛ'm be nun lika kpa i nun.

Ezai 31:5

Kɛ anunman'm be fa be ndɛwa'n kata be mma'm be su'n, i kunngba nin-ɔn, Anannganman b'ɔ sie mɛn wunmuan'n, ɔ ´kata Zerizalɛmfuɛ'm be su sɔ. Ɔ ´nian be su, yɛ ɔ ´de be, ɔ ´sasa be, yɛ ɔ ´kata be su.

Ezai 42:6

«Min Anannganman, n flɛli wɔ kɛ a wa yo sa b'ɔ ti i nuan su'n. N tra ɔ́ sa, n sasa wɔ, n yi wɔ kɛ a yo aenguɛ bɔ e nin sran mun e tra'n i nun aowa, n yi wɔ kɛ a yo mɛnmɛn'm be like b'ɔ kpaja be atin'n su'n.

Ezai 44:3

Afin n wa yo man nzue ´tran mɛn nga nzue we kun i nun sran mun'n i nun. Yɛ n wa yo man nzue ba'm be ´sonji asiɛ kee'n nun. N ´fa min wawɛ'n m ´man amun osu'n nunfuɛ mun, yɛ n ´yo amun mma'm be ye .

Ezai 46:4

Kɛ amun ´yo oke'n, wuun n tɛ o n osu nun. Kɛ amún ti ´bo je'n, wuun n tɛ suan amún bo. N fali amun ń sa su, yɛ n ´fa amun sɔ ekun. Sakpa, n wa suan amún bo, yɛ n ´de amun.

Ezai 46:9

Man amún wla kpɛn sa nga be juli laa'n be su. Afin Nyanmiɛn'n yɛlɛ min, uflɛ fi nun-man lɛ kun. Nyanmiɛn'n yɛlɛ min, sran fi nin min sɛ-man.

Ezai 49:8

Ndɛ nga Anannganman ɔ kan'n yɛ. I waan: «N tili ndɛ nga amun kɛnnin i blɛ ng'ɔ ti kpa'n i nun'n, yɛ i nun bɔ n deli sran mun, n jrannin amún sin. N sasali amun. N fali amun kɛ amun `yo aenguɛ bɔ e nin sran mun e tra'n i nun aowa. N wa yo man mɛn'n ɔ ´nyan nyrun ekun, yɛ n wa cɛcɛ min asiɛ bɔ ɔ'a saci ndɛ yɛ'n i nun .

Ezai 5:6

N ´saci i, be su kpɛkpɛ-man vinyi'n su kun, be su tutu-man fie'n nun kun. Flɔn nin owie'm be ´fifi nun, yɛ n ´se nzue ng'ɔ mlan'n kɛ nán ɔ tɔ su.

Ezai 58:11

Anannganman ɔ wa dun mmua amun nyrun tititi. Aawlɛ flɛnnɛn'n nun lika kee kpa nun bɔbɔ'n, ɔ ´man amun like amun ´di, amun ku ´yi, yɛ ɔ ´man amun wunmiɛn. Amun ´yo kɛ fie kun bɔ nzue tu-man su'n sa, amun `yo kɛ nzue ti kun bɔ nzue wie-man nun'n sa.

Ezai 60:16

A wa nɔn nvle'm be nun nɔnnɔn'n, famiɛn'm be wa ta wɔ. I liɛ'n, a wa wun i wlɛ weiin kɛ n ti Anannganman, nan min yɛ n de wɔ-ɔ, yɛ min yɛ n kpɔ ɔ́ ti-ɔ, yɛ kusu n ti Zakɔb i Nyanmiɛn, n kwla.

Ezekiɛl 34:11

Afin Anannganman Nyanmiɛn wan yoo: «M bɔbɔ yɛ n wa nian be lika-a, n ´nian be su.

Ezekiɛl 34:24

Min Anannganman, n ´yo be Nyanmiɛn, yɛ David b'ɔ ti min sufuɛ'n ɔ ´yo be kpɛn.» Min Anannganman yɛ n kan sɔ-ɔ.

Ezekiɛl 37:14

N ´fa min wawɛ n wla amun nun, yɛ amun ´nyan nguan, yɛ amun wa si jrɛiin kɛ n ti Anannganman, nan ndɛ nga n kannin'n, n yoli i su sa.› » Anannganman Nyanmiɛn yɛ ɔ kan sɔ-ɔ.

Ezekiɛl 37:28

Yɛ nvle-nvle kun nga'm be wa si jrɛiin kɛ n ti Anannganman nan n fali Izraɛl n sieli i ngunmin kɛ ɔ `su min. Blɛ bɔ min sua'n ɔ wa taka be afiɛn'n, b'ɔ ´ka lɛ tititi'n yɛ be wa si sɔ-ɔ.› »

1 Samiɛl 2:9

Ɔ sasa be bɔ bé nyin yi i mun'n, sanngɛ sran tɛfuɛ'm be wu aosin nun. Afin kɛ a wun kɛ sran kun ´nyan kwlalɛ lɛ'n, wuun nɛ́n i bɔbɔ fanngan nun-ɔn.