Ezai 27:12 - NYANMIƐN NDƐ'N 1998

¹² I cɛn sɔ nun'n, waka nga be o nzue dan'n i nuan lele fa ju Ezipt nzue ba'n i nuan'n, Anannganman ´keje waka sɔ mun sa uya-uya-uya. Yɛ amun Izraɛlfuɛ mun, ɔ ´isa amun kunngunngun.

Ezai 27:12 ပူးပေါင်းရင်းမြစ်များ

Bo Bolɛ 15:18

Le kun sɔ nun'n, Anannganman nin Abram be trali aenguɛ. Anannganman seli i kɛ: «Mɛn ng'ɔ o yɛ'n, kɛ ɔ fɛ i Ezipt nzue ba kan'n i nuan lɛ b'ɔ ´fa ju Efrat nzue ba dan'n i nuan'n, m'an fa man wɔ anunman mun .

Ezai 56:8

Anannganman Nyanmiɛn b'ɔ kannin Izraɛlfuɛ'm bɔ be bo sanndili mun boli nun'n, ɔ kɛn i ekun kɛ: «N dun mmua n yiali wie'm bé nuan, n wa yia wie'm bé nuan ekun.»

Neemi 1:9

sanngɛ sɛ e kaci ajalɛ'n, sɛ e fa ɔ mmla'm be su'n, nan e fa ɔ ndɛ'm be su'n, kannzɛ be tra ye ɔli asiɛ'n i awieliɛ lɔ'n, a ´ko fa ye ba lika nga a kleli kɛ be `bo ɔ dunman lɛ'n nun .

Jean 10:16

M bua'm be wie be o lɛ bɔ be nun-man tuin nga nun. San n ´fa be sɔfuɛ mun ba, be ´ti min nɛn, be akpasua'n ´yo kun yɛ be tafuɛ'n ´yo kunngba .

Jean 6:37

Sran kwlaa nga n Si fa be man min'n be ´ba ń sin, ɔ man sran ng'ɔ ba ń sin'n, n su fuɛn-mɛn i,

JÉSUS-CHRIST I DYASIN FE'N BO LUC KLELI'N 15:4

«?Amun nun onin yɛ sɛ ɔ lɛ bua ya, nan sɛ kun mlin'n, ɔ yaci-man ablangwlan-nin-ngwlan nga mun blo lɔ ɔ kunndɛ-man kun ng'ɔ mlinnin'n lele san ɔ ´wun i-ɔ?

Amɔs 9:9

«N wa yo man be ´kpukpu Izraɛlfuɛ mun be gua mɛn'm be kwlakwla nun kɛ be fa yo ble'n b'ɔ man yɛbuɛ'n sanngan-man ble nun tɔ-man'n sa .

Zeremi 3:14

Anannganman'n wan yoo: «Amun b'ɔ amun ti kɛ bian safuɛ'n sa'n mun, an `sa amun sin bla. Afin amun Min'n yɛlɛ min. N ´fa amun nun sran kun klɔ wie'm be su, n ´fa sran nnyɔn awlobo wie'm be nun, n ´fa amun sɔ trilili n sin yia nun yɛ n ´fa amun m ´ba Siɔn.

Ezai 17:6

Ble ja kunngun yɛ ɔ ´ka lɛ-ɔ. Ɔ wa yo kɛ olivie bɔ be fa waka be ti gua'n sa. Sɛ mma nnyɔn o annzɛ sɛ mma nsan o, be ´ka olivie'n i ti'n su lɔ. Yɛ sɛ mma nnan o annzɛ sɛ nnun o, be ´ka i sama'm be su. Ndɛ nga bɔ Anannganman b'ɔ ti Izraɛl Nyanmiɛn'n ɔ kan'n yɛ ɔ o lɛ-ɔ.

Jue Mun 72:8

Man i yɛ ɔ sie mɛn nin-ɔn . Ɔ `sie i kɛ ɔ fɛ i asiɛ'n i bue kun su b'ɔ ´fa ju i bue kun lɔ'n su'n, yɛ kɛ ɔ fɛ i Efrat'n nuan b'ɔ ´fa ju asiɛ'n i awieliɛ lɔ'n.

Jue Mun 68:22

Nanwlɛ, Nyanmiɛn ´bo i kpɔfuɛ'm bé ti awa'n, ɔ ´bo be bɔ be yo sa tɛ'n bé ti bɔ ndrɛ kpanngban o su'n.

Ezai 49:5

Anannganman b'ɔ dun mmua siesieli min mín nin klun lɔ kɛ ɔ ´yo nan m'an yo i sufuɛ'n, nan m'an fa Zakɔb i osu'n nunfuɛ mun m'an blɛ i'n, nan m'an fa Izraɛlfuɛ mun m'an tian be nuan i wun lɛ'n, ɔ kannin ndɛ siɛn'n. Anannganman bu min sran, Nyanmiɛn yɛ ɔ man min wunmiɛn-ɔn.

Zeremi 44:28

San sran ba nnyɔn kun yɛ alɛ'n su di-man be yɛ be ´wanndi Ezipt lɔ be ´ba Zida mɛn'n nun-ɔn. Sanngɛ Zidafuɛ kaan nga be kali'n bɔ be wanndi bali kɛ be wa fia Ezipt'n, be wa wun sran nga i ndɛ liɛ'n kpɛnnin su'n, sɛ be liɛ nin o, sɛ kusu min liɛ nin o.

Ezekiɛl 20:34

Min kwlalɛ bɔ n kwla'n ti n ´fa amun nvle-nvle nga amun o be nun'n be afiɛn, ɔ nin mɛnmɛn nga amun bo sanndili be nun'n, be nun. N ´yiayia amun. N yo i sɔ'n ya su.

Ezekiɛl 20:41

Kɛ n ko fa amun nvle-nvle'm be nun nin mɛnmɛn nga amun bo sanndili nun be nun n ko ba'n, bɔ n ko yiayia amun'n, n ´sɔ amun nun klanman kɛ tɛ ng'ɔ bɔn fannin'n sa. N wa fa amun n klekle nvle-nvle'm be kɛ min liɛ'n min nzuɛn'n nin klɔ sran liɛ'n ti-man kun .

Ezekiɛl 39:25

Anannganman Nyanmiɛn wan yoo: «N ´fa Zakɔb i anunman nga be trali be lomuɛn'n n ´sa be sin, yɛ n ´si Izraɛlfuɛ'm be aunnvuɛ. N ´si min dunman fɛ'n i ti kwla.

Ezekiɛl 47:19

Ngua lɔ anyialiɛ liɛ'n, ɔ ´bo i bo Tamar, Mɛriba-Kadɛs nzue bo'n nun, ɔ ´san Ezipt nzue dan'n lele ɔ ´ju Mediterane jenvie'n wun lɔ kpɔ. Ngua lɔ anyialiɛ liɛ'n yɛ ɔ o lɛ-ɔ.

Zakari 8:7

Anannganman b'ɔ sie mɛn wunmuan'n wan yoo: «N wa de min nvlefuɛ nga be o wia afiliɛ lɔ'n nin i atɔliɛ lɔ mun.

Zozie 15:4

Ɔ sin Azmɔn ɔ ko to nzue ba kun ng'ɔ nin Ezipt be yia'n kpɛkuun ɔ ko kpɛn Mediterane jenvie'n nuan. Kɛ Zida i awɛ'n i bo ngua lɔ'n ti sa.

1 Famiɛn Mun 8:65

I blɛ kunngba sɔ nun'n, Salomɔn nin Izraɛlfuɛ'm be ngba be dili kpata'm be cɛn'n ekun. Sran'm b'a yia-man ngowa. Be fin bé mɛn'n i lika'n kwlakwla. Kɛ ɔ fɛ i Amat lɔ lele fa ju Ezipt nzue ba'n i nuan'n, lɔfuɛ be kwlaa be bali. Be kwlakwla be yiali Anannganman e Nyanmiɛn'n i nyrun cɛn nso, i sin be dili cɛn nso ekun. I ngba'n yoli cɛn blu nin nnan.