Ezai 27:1 - NYANMIƐN NDƐ'N 1998

¹ I cɛn sɔ nun'n, Anannganman ´fɛ i tokofi dan b'ɔ yo sro'n, b'ɔ ti kekleke'n, ɔ ´fa kun wuo dan bɔ be kwla trɛ-mɛn i'n, b'ɔ blibli nɔnngɔnnɔnngɔn'n. Ɔ ´kun like sroesroe sɔ'n b'ɔ o jenvie nun'n.

Ezai 27:1 ပူးပေါင်းရင်းမြစ်များ

Zɔb I Nyrɛnnɛn Wunlɛ 26:13

Kɛ i nuan nun aunngban'n fita sa'n, nyanmiɛn'n su yo sɔ weiin! Ɔ wɔli wuo b'ɔ su wanndi'n i like boli nun i bue kun lɔ .

Zɔb I Nyrɛnnɛn Wunlɛ 3:8

Man be bɔ be bo cɛn'm be sannzan, man be nga be tinnge Leviatan'n , be bo cɛn sɔ'n i sannzan!

Zɔb I Nyrɛnnɛn Wunlɛ 40:19

N yili i nan m'an yi like'n kwlaa. San min bɔ n yili i'n, min kunngba yɛ n kwla lo i-ɔ.

Zɔb I Nyrɛnnɛn Wunlɛ 41:1

«Sɛ a jaso kɛ a ´ko trɛ i'n, kɛ ɔ nyinma'n b'ɔ ´guɛ i wun sa cɛ'n, wuun w'a la ɔ nyin aanga lalaa.

Jue Mun 104:26

I nyin su yɛ mmeli'm be sin-ɔn. Nnɛn sroesroe Leviatan bɔ a yili i kɛ ɔ `kan ngowa nun'n, ɔ wlan sin nun.

Jue Mun 45:3

Ɔ klanman liɛ'n tra sran'm be kwlaa be liɛ'n. A si ijɔ man o yo klanman. Nyanmiɛn'n man ɔ ninnge'm be yoli ye, be yo sɔ tititi.

Ezai 26:21

Afin Anannganman fin i tranwlɛ'n nun lɔ su ba kɛ ɔ wa tu be nga be wo asiɛ'n su'n be fɔ sa tɛ bɔ be yo'n ti. Mmoja ng'ɔ guali asiɛ'n su'n, be ´wun i, sran nga be wuli'n, like fi su kata-man be su kun.

Ezai 51:9

Min Min, jaso! Jaso ndɛndɛ! Sɛ ɔ fanngan'n ti kɛ tralɛ sa'n, wuun n ´se kɛ a `wlɛ i kɛ laa'n sa! Jaso kɛ laa blɛ nun'n sa! Jaso kɛ sran laa'm bé blɛ'n su'n sa! ?Nán wɔ yɛ a yili Eziptfuɛ'm be ase nin-ɔn? ?Nán wɔ yɛ a boli jenvie nun dragɔn i kannin nin-ɔn?

Ezai 65:12

n ´yo man amun ´wu tɛ kpa. Amun ´koto amún ja bue su klo yɛ be ´kpɛ amun kɔmin-ɔn. Afin n flɛli amun amu'an tɛ-man min su. Sa nga min waan be ti tɛ'n, be cɛ yɛ amun yo be-ɔ, sa nga n klo-man be'n, yɛ amun yo be-ɔ.

Ezai 65:25

Blo alua nin bua'n be ´didi likawlɛ, asɔmɔli'n ɔ ´di ijre kɛ nannin sa, wuo'n kusu, ndutre yɛ ɔ ´di-ɔ. Be su yo-man sa tɛ, yɛ be su saci-man like min oka'n su.» Anannganman'n yɛ ɔ se sɔ-ɔ.

Ezai 66:16

Sin yɛ Anannganman ´fa di sran'm be kwla be jɔlɛ-ɔ, yɛ tokofi yɛ ɔ ´fa bu be fɔ-ɔ. Ɔ ´kun sran kpanngban kpa.

Zeremi 47:6

Amun kusu amun waan: ?Anannganman i tokofi'n li, ɔ kun sran sa-a, ɔ lo-man wunmiɛn? Jran sɔ ke, nja! Wlu ɔ bua'n nun nan tran diin wie!›

Zeremi 51:13

Nja b'ɔ tran nzue dan'n i nuan'n, nja bɔ i bo ninnge'n be di-man be yalɛ'n, ɔ liɛ ɔ'a wie andɛ .

Zeremi 51:34

«Nɛbikadnɛzar b'ɔ ti Babilɔni famiɛn'n ɔ'a yo-man ye blɛblɛ, ɔ kunnin ye mlɔnmlɔn. Ɔ'a gua ye lɛ kɛ kpongbo bɔ like fi nun-man nun kun'n sa. Ɔ mɛnnin e kɛ wuo ɔ'a mɛn like sa. E sa nun like kpakpa'n, ɔ wieli i kwlaa di trili. Kpɛkuun ɔ tuli ye i mɛn'n nun.

Ezekiɛl 29:3

Se kɛ ndɛ nga Anannganman Nyanmiɛn kan'n yɛ: ‹Ezipt famiɛn, wɔ bɔ a ti kɛ alɛngɛ dan sa bɔ a la ɔ nzue ba'm be afiɛn'n, bɔ a se kɛ: Nil nzue'n ɔ ti min liɛ, m bɔbɔ yɛ n yili n like-ɔ, e nin wɔ e lɛ i.

Amɔs 9:3

Sɛ be ko fia Karmɛl oka'n i ti su nglo lɔ'n, n ´kɔ bé sin, n ´wun be, n ´tra be lɔ. Sɛ be waan be ´mlɔn jenvie'n bo lɔ nan be ´mlin-mlin min nyrun'n, n ´sunman jenvie nun wuo'n kɛ ɔ ´kɔ ka be lɔ.

Sa nglô yile 12:3

Abonuan sa kun ekun fiteli nglo nyanmiɛn su lɔ. Dragɔn ɔkwlɛ sroesroe dan kpa kun o lɛ, i ti'n ti nso, yɛ i wuɛ'n ti blu, sika kle o i ti nso sɔ'm bé su .

Sa nglô yile 13:11

N wunnin nnɛn kun ekun, ɔ fin asiɛ'n nun fiteli. Ɔ lɛ wuɛ nnyɔn, i wɛ sɔ'm be ti kɛ bua bɔ b'a kpɛ ´cro'n be liɛ'n sa, nnɛn sɔ'n ɔ ijɔ kɛ dragɔn sa.

Sa nglô yile 13:4

Be kotoli dragɔn'n i bo, afin ɔ tinnin nnɛn sɔ'n. Be kotoli nnɛn'n i bo, yɛ be seli kɛ: «?Wan yɛ ɔ nin nnɛn'n be sɛ b'ɔ nin i kwla kun-ɔn?»

Sa nglô yile 16:13

N wunnin like tɛtɛ nsan, be fin dragɔn'n, nin nnɛn'n, nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ'n bé nuan nun fiteli, like sɔ'm be ti kɛ klɛ sa .

Sa nglô yile 17:1

I sin anz nso bɔ klowa nso'n wo bé sa nun'n be nun kun wa seli n kɛ: «Bla man n kle wɔ fɔ nga be wa fa tu tekle bla dan'n b'ɔ ti nzue'm be anyialiɛ'n su'n .

Sa nglô yile 17:15

Anz'n seli min ekun kɛ: «Nzue nga a wunnin be lika nga tekle bla'n ti lɛ'n, be ti sran wafa-wafa mun, nin sran kpanngban, nin mɛnmɛnfuɛ mun, nin be bɔ be aniɛn'n ti wafa-wafa'n.

Sa nglô yile 19:21

Be fali tokofi'n b'ɔ o sran ng'ɔ fu nnɛn kpanngɔ'n su'n i nuan nun'n, kunnin be nga mun, yɛ anunman'm be kwlaa be dili be be ku yili.

Sa nglô yile 2:16

I sɔ'n ti, an `kaci amun nzuɛn'n, sɛ ɔ'a yo-man sɔ-ɔ, n ´to amun lɔ icra'n, n ´fa tokofi ng'ɔ o mín nuan nun'n, min nin be e ´kun.

Sa nglô yile 20:2

Dragɔn bɔ be flɛ i wuo lalaa'n, bɔ be flɛ i ekun kɛ mmusu'm bé si Satan'n, anz sɔ'n ɔ trɛli i yɛ ɔ cili i, ɔ ´ka lɛ lele afuɛ akpi.