Ezai 26:6 - NYANMIƐN NDƐ'N 1998

⁶ Yalɛfuɛ mun nin be nga be ti fakafaka'n, be tiatiali su.»

Ezai 26:6 ပူးပေါင်းရင်းမြစ်များ

2 Famiɛn Mun 9:33

Zei seli be kɛ: «Amun `su i bo man ɔ fin fenɛtri'n nun lɔ tɔ!» Yɛ be suli i bo-ɔ. Ɔ fin fenɛtri'n nun lɔ tɔli. Kɛ ɔ tɔli'n, i mmoja'n guali talɛ'n nin nnɛn kpanngɔ'm bé wun. Zei fɛli i kakaklolo'n sinnin i su ɔli.

Ezai 11:4

Be nga be ti yalɛfuɛ'n, ɔ ´di be ndɛ'm be kpa. Be nga be kle be yalɛ mɛn'n nun'n, ɔ ´bu be ndɛ mun kɛ ɔ fata'n sa. I ndɛ ng'ɔ fin i nuan ´fite'n ɔ ´yo kɛ waka bɔ be fa bo sran'n sa, ɔ ´fa bo mɛn'n nunfuɛ mun. Ndɛ ng'ɔ fin i nuan fite'n, ɔ ´yo man sran tɛ'm be wu.

Ezai 25:10

Afin Anannganman i sa kpa'n wo oka nga su.» Be tiatia Moabfuɛ'm be su kan be o lɛ'n, be tiatia be su kɛ ijre bɔ be tiatia su angrɛ kunman'n nun'n sa.

Ezai 28:3

Amun `nian, klɔ bɔ ti kɛ famiɛn kle sa'n, bɔ Efraim nzanboɛfuɛ'm be fa di be nuan'n, b'a tiatia su.

Ezai 29:19

Be nga be kan bé wun ase'n, Anannganman ti be klun ´jɔ titi ´kɔ i nyrun. Be nga be ti sran'm be nun yalɛfuɛ'n, Izraɛl Nyanmiɛn'n ti bé wun ´kpaja be.

Ezai 3:14

Anannganman su di i sran'm be afɔtuɛ manfuɛ mun nin be kpɛnngbɛn'm be jɔlɛ. Ɔ se be kɛ: «Amu'an saci vinyi'n. Like nga amun fali be yalɛfuɛ'm bé sa nun'n, be o amún sua'm be nun.

Ezai 3:15

?Nzu ti yɛ amun tin min sran'm be su-ɔ? ?Nzu ti yɛ amun yo yalɛfuɛ'm be tokotoko sɔ-ɔ?» Min, Anannganman bɔ n sie mɛn wunmuan'n min yɛ n usa sɔ-ɔ.

Ezai 37:25

N wɔli lele n ko kpɛli nzue kunman mɛn kun nga'm be nun, kɛ n fali min ja n takali Ezipt asiɛ'n su sa ngbɛn'n, Nil b'ɔ ti nzue ba dan'n ɔ nin i sama mun be ka lɛ be wieli nun wein yɛ be wuli kee.

Ezai 60:14

Be nga be yoli wɔ tɛtɛ'n, be mma'm be ´ba ɔ nyrun, yɛ be ´kluklu bé ti'n, yɛ be kwlaa nga be yoli wɔ finfin'n, be ´koto ɔ́ bo, be ´flɛ wɔ kɛ Anannganman i Klɔ, be ´flɛ wɔ ekun kɛ Izraɛl Nyanmiɛn'n i Siɔn'n .

Zeremi 50:45

Babilɔni wun akunndan nga Anannganman ɔ'a fa'n, an `tie, Kaldefuɛ'm be nvle'n i wun gugulɛ nga ɔ'a gugu'n, an ´tie. Be ´fa be kɔ kɛ bua mun sa. Ba kun sa su ka-man lɛ. Be ´saci be tranwlɛ'n mlɔnmlɔn.

Daniɛl 7:27

Famiɛn diwlɛ nga be wo asiɛ'n su wa'n, be ´fa be nun famiɛn bia mun, yɛ be ´fa kwlalɛ'n nin be anyrunnyan'n be ´man Nyanmiɛn bɔ like fi nun-mɛn i sin'n i nvle'n nunfuɛ mun. Nyanmiɛn i nvle'n nunfuɛ sɔ'm be famiɛn diwlɛ'n ɔ ´tran lɛ tititi. Yɛ mɛn'n nun siefuɛ'm be kwlaa bé nyin ´yi i, yɛ be ´su i.›

Sofoni 3:11

«Cɛn sɔ nun'n sa nga amun yoli min'n, fɔnlɛ nga amun fɔnnin min wun'n, amun su fɛ-mɛn i su afɛ'n kun, afin be nga be tu bé wun beblebe'n, n ´kan be bo amun wun lɛ. Kpɛkuun amun ´yaci amun wun tulɛ min Nyanmiɛn min oka'n su.

JÉSUS-CHRIST I DYASIN FE'N BO LUC KLELI'N 10:19

Nian, n seli amun kɛ, m mannin amun kwlalɛ, ɔ man amun ´tia wuo nin nyannglan'm be su, amun ´kwla kpɔfuɛ'n, yɛ like fi su yo-man amun.

Rɔmfuɛ Mun 16:20

Ɔ cɛ kaan Nyanmiɛn b'ɔ man sran di alaje'n, ɔ man amun ´tia Satan su yɛ amun ´nunkun i. Man e Min Jésus yo amun ye tititi!

1 Korɛntfuɛ Mun 1:26

Aniaan mun, an `nian amun wafa nga an ti bɔ Nyanmiɛn fa flɛli amun'n, be bɔ sran'm be bu be ngwlɛlɛfuɛ'n, nin sran dan'n, ɔ nin wlengbi'n b'a sɔn-man amun nun.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

Zozie 10:24

Kɛ famiɛn'm be juli Zozie nyrun lɛ cɛ'n, ɔ flɛli Izraɛlfuɛ mun nan ɔ'a se alɛ'n su kpɛnngbɛn nga be ukɛli i be kunnin alɛ'n be kɛ: «Amun `wunnge wa nan amun `fa amún ja `tiatia famiɛn nga'm be kɔmin'm be su.» Yɛ kpɛnngbɛn'm be wunngeli lɛ nan b'a fa bé ja b'a tiatia be kɔmin'm be su.

Sa nglô yile 2:26

Sran ng'ɔ kwla'n, b'ɔ yo min klun sa lele guɛ i ti nin i bo'n, n ´yo man ɔ ´sie nvle-nvle mun

Sa nglô yile 3:9

An `nian, Satan i minniɛn atofuɛ'm bɔ be tɔn bé wun suɛn kɛ be ti Zuif'n, n ´yo man be wa koto amun bo, yɛ be ´si kɛ n klo amun .