Ezai 26:5 - NYANMIƐN NDƐ'N 1998

⁵ Be nga be tran oka'm be su'n, ɔ suli bé bo guali asiɛ wun wa. Sɛ klɔ'n b'ɔ o lika kendenglein su lɔ'n ɔ ti sran'n, wuun n ´se kɛ ɔ'a kɛn i ase lele ɔ'a ju ngua wa, ɔ'a su i bo a yi ndutre'n nun.

Ezai 26:5 ပူးပေါင်းရင်းမြစ်များ

Jue Mun 79:8

Nán fa be nga be dun mmua e nyrun'n bé sa tɛ'n fa gua ye su, sanngɛ kɛ bɔ a klo ye'n ti'n, wunnge e wun wa. Nán sisi ɔ bo, afin e tɔlɛ'n ɔ'a yo dan ngboko.

Ezai 13:11

Anannganman waan: «Mɛn'n nunfuɛ'm be klunwi'n ti, m ´bu be fɔ, yɛ be bɔ be sro-man Nyanmiɛn'n, bé sa tɛ bɔ be yo'n ti, m ´bu be fɔ. N ´jran wun tufuɛ'm bé wun dandan bɔ be yo'n, yɛ be nga bɔ kɛ be ´sie sran'm be tin be su'n, bé wun ngbli-ngbli yolɛ'n, n ´kɛn i ase.

Ezai 14:13

A seli ɔ klun lɔ kɛ: «N ´fu lele n ju nyanmiɛn su lɔ. N ´fa min famiɛn bia'n n ´sie i Nyanmiɛn i nzraama'm be su nglo. N ´ko tran oka bɔ ninnge nga be su be'n be kwlakwla be yia su'n i su. N ´ko tran be oka su'n wie.

Ezai 2:12

Anannganman b'ɔ sie mɛn wunmuan'n ɔ'a sie cɛn kun. Cɛn sɔ nun'n, ɔ ´kan be nga be tu bé wun'n be ase, ɔ ´kan be nga be yo bé wun dandan'n be ase, ɔ ´kan be nga be man bé wun su'n be ase .

Ezai 24:10

Klɔ nvuɛn'n ɔ'a saci ɔ'a bubu, sua'm be kwlaa be anuan'n ɔ'a nyin, be wlu-man be nun kun.

Ezai 25:2

Afin wɔ man klɔ'n ɔ'a yo kɛ yɛbuɛ kwle bɔ i nun yɛbuɛ'm be tian be wiengu su'n sa, klɔ'n bɔ i wun ti siwa'n ɔ'a saci. Be wun-man aofuɛ'm be sua kpakpa mun klɔ'n nun kun. Be su kplan-man klɔ sɔ'n i uflɛ kun.

Ezai 32:19

Sanngɛ laglasi b'ɔ fin nglo lɔ gua'n i ti'n, bo'n ɔ ´saci, yɛ klɔ'n ɔ ´bubu tɛ kpa.

Ezai 47:1

Babilɔni, sɛ a ti bla'n, wuun n ´se kɛ: «Ɔ bɔ a ti talua bɔ a si-man bian'n, jra, tran ase ndutre'n nun. Kaldefuɛ'm bé wa bla, tran ase asiɛ wun, afin a ti-man famiɛn kun. Be su flɛ-man wɔ kɛ Babilɔni Klanman kun. Be su flɛ-man wɔ kɛ Babilɔni Klanman Lɛkɛlɛkɛ kun.

Zeremi 51:37

Babilɔni ´kaci yɛbuɛ kwle. Lɔ yɛ nsoso'm be ´la-a. Sran fi su ijɔ-man su kun. Be wun i sa-a, bé nuan'n yɛ ɔ ´bo bé wun-ɔn. Nyrɛnnɛn yɛ ɔ ´yo sa ngbɛn-ɔn.

Zeremi 51:64

Kpɛkuun se kɛ yoo: ‹Kɛ Babilɔni i liɛ'n ´wie kɛ nga sa. Nyrɛnnɛn nga Anannganman'n ´fa yi i su'n, ɔ su fin-man nun fite-man kun. Sran'm be ´fɛ ngbɛn .› » Zeremi i ndɛ'n i awieliɛ'n yɛ.

Ngwlɛ Yilɛ 2:2

I nvle'n i nun sua mun, ɔ sacili be ɔ'a si-man be aunnvuɛ mlɔnmlɔn. Ɔ fa ya bubuli Zida klɔ nga be sisili bé wun'n. Ɔ yili Zida mɛn'n nin i famiɛn i awlo lɔ sran dandan'm be ase, ɔ yoli be wannzo.

Ezekiɛl 26:11

Be nnɛn kpanngɔ'm bé ja'm be ´tia atin'm be kwlaa be su. Ɔ ninnge nga a taka be'n bɔ ɔ fa di ɔ nuan'n, be ´bu tɔ asiɛ wun.

Ezekiɛl 28:17

Ɔ klanman'n ti a tuli ɔ́ wun. A fali ɔ klanman fa sacili ɔ ngwlɛlɛ'n. N ´yi wɔ asiɛ'n su. N ´yo man famiɛn'm be ´yo wɔ kɛ ngowa kanlɛ like sa.

Sa nglô yile 18:2

Ɔ kpan seli kɛ: «Babilɔni klɔ dan'n ɔ'a saci, ɔ'a saci! Ɔ'a kaci asiɛ usu'm be tranwlɛ, ɔ'a kaci mmusu nin tete anunman bɔ sran'm be kpɔ be'n bé sua,