Ezai 26:4 - NYANMIƐN NDƐ'N 1998

⁴ Amun `fa amún wla gua Anannganman su tititi. Afin ɔ ti kɛ yɛbuɛ sa, i yɛ be talo i-ɔ, ɔ o lɛ anannganman anannganman.

Ezai 26:4 ပူးပေါင်းရင်းမြစ်များ

2 Be Nyoliɛ 20:20

Kɛ i aliɛ cɛnnin'n, nglɛmun ndɛ kpa'n, be jasoli be fali Tekoa aawlɛ flɛnnɛn'n i atin'n. Kɛ be wa kɔ'n, Zozafat jaso jrannin nan ɔ'a kan ndɛ ng'ɔ o yɛ'n ɔ'a kle be. I waan: «Zerizalɛmfuɛ mun nin Zidafuɛ mun, amun `tie ndɛ nga n kan'n! Amun `fa amún wla'n gua Anannganman amun Nyanmiɛn'n su kpa, yɛ ɔ ´man amun fanngan. Amun `fa amun wla'n guɛ i nuan ijɔfuɛ'm be su, yɛ amun wa kwla amun kpɔfuɛ mun.»

2 Be Nyoliɛ 32:8

I liɛ'n, i sonja'm be ti sran, sanngɛ e liɛ'n, Anannganman e Nyanmiɛn'n yɛ ɔ o é sin-ɔn. Ɔ ´uka ye, ɔ ´kun alɛ'n man ye.» Famiɛn Ezekias i ndɛ sɔ'n wlali klɔ'n sufuɛ'm be kwlaa be fanngan.

Zɔb I Nyrɛnnɛn Wunlɛ 9:19

Sɛ min waan e nin i e ´tu ngondin-ɔn, i fanngan liɛ'n ɔ tra min liɛ'n. Sɛ min waan e `wɔ jɔlɛ difuɛ'm be ja su-ɔ, ɔ su bo-man wɛ kɔ-man bɔ ngbɛn.

Jue Mun 125:1

Zerizalɛm kɔlɛ'n i su jue. Be nga be fa bé wla'n gua Anannganman su'n, be ti kɛ Siɔn oka b'ɔ keje-man b'ɔ o lɛ titi'n sa.

Jue Mun 18:2

Ee! Anannganman, n klo wɔ! Wɔ yɛ a man min wunmiɛn-ɔn.

Jue Mun 46:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i'n fluwa'm be nun wie. Kɛ be ´to'n, be man be aniɛn'n su. Be waan:

Jue Mun 55:22

I nuan nun ndɛ'n ti sa wɛtɛɛ, ɔ ti sa fɛfɛfɛ! Sanngɛ i like b'ɔ klo i'n yɛlɛ alɛ. I nuan nun ndɛ'm be ti kɛ ngo mɔntɔɔn wie sa, kusu wuun be la kpa kɛ kue sa.

Jue Mun 62:11

Nán amun fa bé wla gua sa kekleekle'm bé yolɛ'n su. Ninnge nga be fɛ i be wue kekle su'n, nán amun sunnzun kɛ amun ´nyan like nun. Kannzɛ amun nyan amún wun kɔ amun nyrun'n, nán amun fɛ i sɔ'n cici amun wla.

Jue Mun 62:8

Sɛ n ´nyan mín ti o, sɛ n ´nyan nyrun o, ɔ fin i. Ɔ ti kɛ yɛbuɛ sa i yɛ n talo i-ɔ, ɔ sasa min. Ɔ ti min fiawlɛ.

Jue Mun 62:9

Sran mun, amun `fa amún wun wlɛ i sa nun tititi. Like ng'ɔ mian amún sa'n, amun `kan kle i. Ɔ ti e fiawlɛ.

Jue Mun 66:7

Ɔ kwla tititi, ɔ nian mɛn'n nunfuɛ'm bé su. Nán man nyin keklefuɛ'm be yo bé wun kpakpa.

Jue Mun 93:1

Anannganman ti famiɛn, i anyrunnyan dan'n kɛtɛ i wun kɛ kondro sa, i fanngan'n ɔ ci i bo kɛ cisu sa. I sɔ'n ti asiɛ'n ti cinnjinnjin, be su i-ɔ ɔ su-man.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 17:10

Afin Izraɛlfuɛ mun, amun wla fili Nyanmiɛn b'ɔ deli amun'n i su. Amun wla ɔ'a kpɛn-man Anannganman b'ɔ ti kɛ yɛbuɛ sa b'ɔ man amun fanngan'n i su. I ti amun dili fie be mannin amun amuɛn'n. Waka kanngan bɔ be bo nnyrɛ'n, bɔ be wu ndɛndɛ'n, yɛ amun luali be fie sɔ'n be su-ɔ. Yɛ amun luali mɛn uflɛ'm be nun waka mma mun fie sɔ'm bé su wie.

Ezai 30:29

Sanngɛ amun liɛ'n, amun wa to jue kɛ cɛn bɔ be di i kɔnguɛ'n sa. Amun klun wa jɔ kɛ be su bo blo nan amun su kɔ Anannganman b'ɔ ti kɛ Izraɛlfuɛ'm be yɛbuɛ sa'n i oka'n su lɔ sa.

Ezai 32:2

Be ngba be wa yo kɛ like bɔ be fiɛ i bo bɔ kɛ aunngban'n ɔ ´fita'n ɔ nyan-man be'n sa. Be ´yo kɛ lika bɔ be fia nun, bɔ kɛ aunngban dan'n ɔ ´tu'n, ɔ kan-man be'n sa. Be ´yo kɛ nzue ba b'ɔ sonji lika kee nun'n sa. Be ´yo kɛ yɛbuɛ dan wie b'ɔ man fɔnvɔ lika bɔ waka fi fifi-man lɛ'n sa.

Ezai 44:8

Nán srɛ kun amun, yɛ nán amun usu. ?M'an kan-man sa sɔ mun m'an kle-man amun laa? ?M'an bo-man bé su m'an kle-man amun? ?Nyanmiɛn uflɛ o mín sin ekun? Amun ti min lalofuɛ: Yɛbuɛ uflɛ fi nun-man lɛ kun, n si-man wie fi kun.»

Ezai 45:17

Sanngɛ Izraɛlfuɛ'm be liɛ'n, Anannganman yɛ ɔ de be-ɔ, be ´ka sɔ tititi. Be nyin su gua-man ase le, Be su wun-man nyannzuɛn le .

Ezai 45:24

Be ´se kɛ: «Anannganman kunngba cɛ yɛ ɔ di nanwlɛ-ɔ, i kunngba cɛ yɛ ɔ lɛ wunmiɛn-ɔn.» Be kwlaa nga be jasoli i wun'n, be ´bɛ i sin, yɛ be ´wun nyannzuɛn .

Ezai 50:10

?Amun nun onin yɛ i nyin yi Anannganman b'ɔ ti i sufuɛ'n i ndɛ b'ɔ kan nin-ɔn? Sran ng'ɔ nanti aosin'n nun'n, bɔ like kpɛjɛ-mɛn i atin'n su'n, man ɔ lafi Anannganman i dunman'n su, yɛ man ɔ kisa i Nyanmiɛn'n su.

Ezai 51:5

Min nanwlɛ dilɛ cɛn'n ɔ'a mantan. Sran'm bɔ min waan n ´de be'n, bé ti nyanlɛ blɛ'n su wa ju. N wa di nvle-nvle'm be jɔlɛ. Be nga be tran jenvie nuan mmua mmua lɔ'n, be ´fa bé wla gua mín su, be ´fa bé wun wla min sa nun.

Ezai 63:1

?Wan yɛ ɔ fin Bɔzra b'ɔ ti Edɔm mɛn'n i famiɛn klɔ'n su lɔ ba-a, b'ɔ wla tralɛ ɔkwlɛ youun nin-ɔn? Ɔ wla tralɛ dan kun b'ɔ ti klanman kpa, ɔ ´nanti-ɔ, i ti'n man su, ɔ nanti fanngan su. Anannganman waan: «Min bɔbɔ-ɔ, min bɔ n kan ndɛ i nuan su nin-ɔn, min bɔ n lɛ sran'm be delɛ'n i wun fanngan nin-ɔn.

Daniɛl 3:17

I kwlaa nun'n, si kɛ e Nyanmiɛn nga e su i'n, ɔ kwla de ye. Nannan, sakpa, ɔ wa de ye sin'n nun, yɛ ɔ wa de ye ɔ́ sa nun.

Daniɛl 3:28

Yɛ famiɛn'n waan: «Be `manman Sadrak nin Mesak, ɔ nin Abɛd-Nego be Nyanmiɛn'n. Afin ɔ sunmɛnnin i anz'n kɛ ɔ wa de i sufuɛ mun. Be fali be wla'n be guɛli i su, i ti b'a fa-man min nuan ndɛ'n su. Be kplinnin su kɛ be `kle be wunnɛn i yalɛ, afin be wunnin i kɛ i sɔ'n ɔ ti kpa tra kɛ b'a yaci be Nyanmiɛn'n lɛ nan b'a su amuɛn mun.

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

Mmla'n 32:15

Kɛ Izraɛl dili i sɔ like'n, bɔ i ku'n yili'n, b'a sɔn-mɛn i su kun. Kɛ ɔ wa cɛnnin b'ɔ yoli mlanmlan'n, kpɛkuun i Nyanmiɛn i ase yilɛ nun-ɔn, kusu wuun Nyanmiɛn yɛ ɔ yili i-ɔ. Ɔ yoli Nyanmiɛn i finfin, kusu wuun i yɛ ɔ sɛsɛ i-ɔ.

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.

Mmla'n 33:27

Kɛ ɔ fin lalafuɛ nun lele'n, Nyanmiɛn yɛ ɔ ti ɔ fiawlɛ nin-ɔn. I fanngan b'ɔ o lɛ titi'n ti, ɔ sasa wɔ. Ɔ fuan ɔ kpɔfuɛ mun ɔ nyrun. Ɔ se wɔ kɛ: ‹Nunnun be.›

Filipfuɛ Mun 4:13

Krist b'ɔ wla n fanngan'n ti'n, n kwla like kwlaa yo.

1 Samiɛl 2:2

Klɔ sran i nzuɛn'n nin Anannganman i liɛ'n ti-man kun. Nyanmiɛn uflɛ nun-mɛn i sin. Like uflɛ nun-man lɛ b'ɔ kwla sasa ye-ɔ.