Ezai 26:3 - NYANMIƐN NDƐ'N 1998

³ Sran ng'ɔ tran cinnjin ɔ́ sa nun'n, Anannganman, a mɛn i aunjuɛ, ɔ man i wun jɔ i fɔuun, afin ɔ fɛ i wla'n gua ɔ su.

Ezai 26:3 ပူးပေါင်းရင်းမြစ်များ

1 Be Nyoliɛ 5:20

Alɛ sɔ'n i kunlɛ nun'n, be kpan flɛli Nyanmiɛn nan ɔ'a tɛ be su, afin be fa be wla'n be guɛli i su. Ɔ ukali be, ɔ man be kwlali Agarenfuɛ mun nin be mantanfuɛ mun.

2 Be Nyoliɛ 13:18

I cɛn sɔ nun'n, Izraɛlfuɛ'm bé nyin guali ase dan. Zidafuɛ'm be liɛ'n, kwlalɛ bɔ be kwlali'n fin Anannganman be nannan'm be Nyanmiɛn'n i su bɔ be kisali'n.

2 Be Nyoliɛ 16:8

?Manndɛ kɛ a nin Etiopifuɛ mun nin Libifuɛ'm bé kun'n, be sonja mun nin be alɛ kakaklolo mun, ɔ nin be nnɛn kpanngɔ su fufuɛ mun be sɔnnin kpa, nɛ́n i-ɔ? Sanngɛ Anannganman yili be mannin wɔ, yɛlɛ kɛ a kisali i bɔbɔ i Anannganman'n su.

Jue Mun 119:165

Sran nga be klo ɔ mmla'n, aunjuɛ nga be lɛ i'n ɔ ti dan. ?Nguɛ sa ti yɛ man be ´usu-ɔ ?

Jue Mun 125:1

Zerizalɛm kɔlɛ'n i su jue. Be nga be fa bé wla'n gua Anannganman su'n, be ti kɛ Siɔn oka b'ɔ keje-man b'ɔ o lɛ titi'n sa.

Jue Mun 9:10

Anannganman ti be nga be mian-mian be'n be fiawlɛ. Sɛ nyrɛnnɛn tɔ be su-ɔ, i yɛ be talo i-ɔ.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 26:12

Anannganman, wɔ man é wun jɔ ye. Afin like nga e yo'n, wɔ yɛ a yiɛ i nuan man ye-ɔ.

Ezai 27:5

Sanngɛ sɛ be talo min'n, sɛ be kpata min'n, sɛ be tra n ja'n, i liɛ ɔ lɛ i wun.»

Ezai 31:1

Be nga be kɔ Ezipt kɛ be ´ko kunndɛ ukalɛ'n be yako. Nnɛn kpanngɔ'm be su yɛ be bu be akunndan'n be gua-a. Alɛ kakaklolo kpanngban'm be su yɛ bé wla'n wo-ɔ. Nnɛn kpanngɔ su fufuɛ'm be su yɛ be kisa-a, afin be si alɛ kun. Be kpɛ-man bé nyin Izraɛl Nyanmiɛn'n i wun lɔ, be usa-man Anannganman osu.

Ezai 32:17

Sɛ e ´kwla se'n, like ng'ɔ su sa nuan su yolɛ'n su'n yɛlɛ aunjuɛ. Yɛ ɔ yo man bé wla gua ase tititi, yɛ sa su nyan-man be.

Ezai 32:18

I nvle'n nunfuɛ'm be wa tran aunjuɛ lika kun nun. Be ´tran lika bɔ be klun titi-man be lɛ'n nun. Be ´tran kan lɛ ti diin'n nun.

Ezai 42:19

?Wan yɛ ɔ ti anyansifuɛ-ɔ? San min sufuɛ'n cɛ yɛ ɔ ti sɔ-ɔ. ?Wan yɛ ɔ ti sutrefuɛ-ɔ? San min jasin bofuɛ'n bɔ n sunmɛn i'n yɛ ɔ ti sɔ-ɔ? «?Wan yɛ ɔ ti anyansifuɛ kɛ sran nga i wun ɔ'a jɔ i'n sa-a? ?Wan yɛ ɔ ti anyansifuɛ kɛ Anannganman i sufuɛ'n sa-a?»

Ezai 42:6

«Min Anannganman, n flɛli wɔ kɛ a wa yo sa b'ɔ ti i nuan su'n. N tra ɔ́ sa, n sasa wɔ, n yi wɔ kɛ a yo aenguɛ bɔ e nin sran mun e tra'n i nun aowa, n yi wɔ kɛ a yo mɛnmɛn'm be like b'ɔ kpaja be atin'n su'n.

Ezai 48:2

Amun bɔ Nyanmiɛn i klɔ'n i dunman'n wo amun su'n, amun bɔ amun kisa Izraɛl Nyanmiɛn bɔ i dunman yɛlɛ Anannganman b'ɔ sie mɛn wunmuan'n i su'n, amun `tie ndɛ nga.

Ezai 49:8

Ndɛ nga Anannganman ɔ kan'n yɛ. I waan: «N tili ndɛ nga amun kɛnnin i blɛ ng'ɔ ti kpa'n i nun'n, yɛ i nun bɔ n deli sran mun, n jrannin amún sin. N sasali amun. N fali amun kɛ amun `yo aenguɛ bɔ e nin sran mun e tra'n i nun aowa. N wa yo man mɛn'n ɔ ´nyan nyrun ekun, yɛ n wa cɛcɛ min asiɛ bɔ ɔ'a saci ndɛ yɛ'n i nun .

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Ezai 50:10

?Amun nun onin yɛ i nyin yi Anannganman b'ɔ ti i sufuɛ'n i ndɛ b'ɔ kan nin-ɔn? Sran ng'ɔ nanti aosin'n nun'n, bɔ like kpɛjɛ-mɛn i atin'n su'n, man ɔ lafi Anannganman i dunman'n su, yɛ man ɔ kisa i Nyanmiɛn'n su.

Ezai 66:12

Afin Anannganman waan: «Sɛ aunjuɛ'n ti nzue ba'n, wuun n ´yo man ɔ ´sonji ba Zerizalɛm. Sɛ nvle-nvle'm be nyrun bɔ be lɛ i'n ti nzue ba bɔ ɔ'a yi a kpa su'n, wuun n ´yo man ɔ ´sonji kpuu ba lɛ wie. N wa nian amun lika kɛ bla ta'n fa nian i wa b'ɔ mɛn i nyɔnflɛn'n i lika'n sa, ɔ fɛ i i sa su, ɔ fɛ i sie i ja su, yɛ ɔ kɛn i nyrun ngowa.

Zeremi 39:18

N ´yo man a ´fite nun. Alɛ'n su di-man wɔ. Min su bɔ a lafili'n ti'n, a ´nyan ɔ́ ti.› » Anannganman'n yɛ ɔ kan sɔ-ɔ.

Daniɛl 3:17

I kwlaa nun'n, si kɛ e Nyanmiɛn nga e su i'n, ɔ kwla de ye. Nannan, sakpa, ɔ wa de ye sin'n nun, yɛ ɔ wa de ye ɔ́ sa nun.

Daniɛl 3:28

Yɛ famiɛn'n waan: «Be `manman Sadrak nin Mesak, ɔ nin Abɛd-Nego be Nyanmiɛn'n. Afin ɔ sunmɛnnin i anz'n kɛ ɔ wa de i sufuɛ mun. Be fali be wla'n be guɛli i su, i ti b'a fa-man min nuan ndɛ'n su. Be kplinnin su kɛ be `kle be wunnɛn i yalɛ, afin be wunnin i kɛ i sɔ'n ɔ ti kpa tra kɛ b'a yaci be Nyanmiɛn'n lɛ nan b'a su amuɛn mun.

Daniɛl 6:23

Min Nyanmiɛn'n sunmɛnnin i anz'n kun ɔ wa katali asɔmɔli'm bé nuan'n. B'a yo-man min like fi. Afin Nyanmiɛn wunnin i kɛ m'an yo-man sa tɛ fi, yɛ Nannan, wɔ kusu, m'an yo-man sa tɛ fi ɔ́ wun .»

Mise 5:5

Bé sa nun alɛ ninnge'n ti, be ´kwla Asiri asiɛ'n su sran wunmuan'n, be ´kwla Nimrɔd mɛn wunmuan'n. Sɛ Asirifuɛ'm be wlu e mɛn'n nun'n, nan bé ja tia e mɛn'n nun asiɛ su'n, ɔ ´de ye bé sa nun.

Jean 14:27

N ´yo man amún wun ´jɔ amun fɔuun, yɛ amun ´di alaje kɛ min sa. Alaje nga mɛn nunfuɛ'm be yra bé nuan kɛ sran di'n, ɔ nin n liɛ'n ti-man kun. Nán amún wla bo, nán srɛ kun amun.

Jean 16:33

N kɛnnin i kwlaa sɔ'n kleli amun nan amún wun `jɔ amun fɔuun sran wunmuan bɔ min nin amun y'a kaci'n ti. Amun wa wun amún nyin su kpa, sanngɛ an `tra amun anwlɛn, mɛn nga nun wa'n, min yɛ n kwlaa-a.»

Rɔmfuɛ Mun 5:1

I sɔ'n ti, Nyanmiɛn a bu ye sran kpa i su bɔ e lafi'n ti, ɔ man siɛn'n e Min Jésus-Krist ti e nin i e afiɛn a sɛ.

Filipfuɛ Mun 4:7

Yɛ ɔ man amún wun ´jɔ amun fɔuun, amun su wun-man sa ti bɔ amun wun jɔ amun fɔuun sɔ'n i bo mlɔnmlɔn. Aunjuɛ sɔ'n man amún wla su bo-man, yɛ amun akunndan su sanngan-man sran wunmuan bɔ amun nin Krist-Jésus ti'n ti.