Ezai 26:2 - NYANMIƐN NDƐ'N 1998

² Amun `tike anuan mun man nvle nga be nunfuɛ'm be yo sa i nuan su'n, bɔ be ti nanwlɛfuɛ'n, be wlu.

Ezai 26:2 ပူးပေါင်းရင်းမြစ်များ

Jue Mun 106:5

Man n nyan ɔ sran nga a kpali be'n be muae'n wie. Man n klun jɔ kɛ ɔ mɛn'n nunfuɛ'm be liɛ'n sa. Man n fa wɔ n di min nuan kɛ be bɔ be ti ɔ liɛ'n be fa di'n sa.

Jue Mun 118:19

An `tike Nyanmiɛn i sufuɛ nanwlɛfuɛ'm be anuan mun man min, man n wlu nan n ko manman Anannganman.

Jue Mun 118:20

Anannganman i anuan'n, i nun yɛ Nyanmiɛn i sufuɛ nanwlɛfuɛ'm be sin-ɔn.

Jue Mun 24:7

Anuan mun, amun `tike nan amun `la su gbauun! Anuan mun, amun o lɛ anannganman-anannganman, amun `tike man Famiɛn'n bɔ i nyrun'n ti nyannyannyan'n ɔ wlu.

Ezipt Lɔ Tulɛ'n 19:6

Sanngɛ amun liɛ'n, amun wa yo min nyrun jranfuɛ'm be nvle. Amun nvle sɔ'n ´yo min liɛ klonglo.› Ndɛ nga a wa kan kle Izraɛlfuɛ mun'n yɛ ɔ o lɛ-ɔ .»

Ezai 45:25

Sanngɛ Anannganman ɔ ´bu Izraɛlfuɛ'm be sran kpa, yɛ be ´fɛ i sɔ'n di bé nuan.

Ezai 54:14

Nanwlɛ'n i dunman nun ti, amun wa ´jran cinnjin kpa, sran'm be su tin-man amun su fii kun, i ti srɛ su kun-man amun. Amun ´nyan amun ti sa sroesroe'm be nun, afin be su kun-man amún srɛ kun.

Ezai 54:17

Alɛ ninnge kwlaa nga be yi i kɛ be ´fa kun amun'n, ɔ ´yo ngbɛn. Sɛ sran wie fa amun kɔ jɔlɛ difuɛ wie ja su'n, amun ndɛ'n ´tɔ i su, be ´bu i fɔ. Sa nga n ´yo man be nga be ti min sufuɛ mun'n, yɛ ɔ o lɛ-ɔ. Like ng'ɔ ti be liɛ b'ɔ ti i nuan su'n, bɔ n ´yo man be'n, yɛ ɔ o lɛ-ɔ.» Anannganman i ndɛ b'ɔ kan'n, yɛ ɔ o lɛ-ɔ.

Ezai 58:8

I liɛ'n, sɛ n ´kwla se'n, amun kpaja weiin kɛ kannin b'ɔ ta'n sa, amun kpaja kɛ nglɛmun wia'n sa, yɛ amún wun kannin'm be ´wie ndɛndɛ kpa, amun sran kpa bɔ amun ti'n, ɔ ´fite nglo weiin kpa, yɛ Anannganman bɔbɔ ɔ ´su amun su ɔ ´sasa amun .

Ezai 60:11

Wɔ anuan'm be ´la su titi, kɔnguɛ nin wia nun'n, be su nyin-man be, i liɛ'n, be ´fa mɛnmɛn'm be nun ninnge kpakpa mun nin be famiɛn mun, ɔ nin famiɛn sɔ'm be sufuɛ mun ´ba .

Ezai 60:18

Sa kekleekle tɛtɛ bɔ be yo'n, be su ti-man be ngan ɔ mɛn'n nun kun. Be su ti-man like sacilɛ'n i ngan ɔ nin awlaboɛ ndɛ mun ɔ́ mɛn'n nun kun. A wa tɔn talɛ ng'ɔ sin yia wɔ'n i dunman kɛ Bé Ti Nyanlɛ Talɛ. Yɛ a wa flɛ wɔ anuan'm be kɛ Nyanmiɛn i Manmanlɛ.

Ezai 60:21

Be nga be o ɔ mɛn'n nun'n, be ´yo sran kpa ngunmin kokoko, be yɛ be ´sie mɛn nin-ɔn. Be ti kɛ waka bɔ n tali be'n sa, be ti mín sa nuan like. N yili be kɛ be manman min.

Ezai 61:3

I waan nán Siɔnfuɛ bɔ be o sɛ nun'n be fa nzuɛn gua bé ti'n su kun. I ti i waan m blɛ be kle klanman. I waan nán be tran aunnvuɛ-aunnvuɛ kun. I ti i waan m blɛ be ngo fannin. I waan nán bé wla bo kun. I ti i waan m blɛ be cɛn dilɛ tralɛ. I liɛ'n, be ´flɛ be kɛ Sɛsɛ Yolɛ Waka Mun. Yɛ be ´flɛ be ekun kɛ Fie B'ɔ Yi Anannganman i Nyrun Nyannyan'n i Nglo.

Ezai 62:1

Siɔn, n klo wɔ, i ti n su muan-man min nuan, Zerizalɛm n klo wɔ, i ti n su tran-man lɛ sa ngbɛn lele san ɔ́ sa bɔ a yo i nuan su'n ɔ ´fite su wein kɛ wia'n b'ɔ fite nglɛmun'n sa, lele san delɛ bɔ Anannganman ɔ ´de wɔ'n, ɔ ´fite nglo wein kɛ tɛ bɔ be sɔ i nuan b'ɔ kpaja'n sa.

Ezai 62:10

Zerizalɛmfuɛ mun, amun `fite, amun `fin klɔ'n nun `fite ndɛndɛ. Amun `siesie atin kun be `man be nga be su sa bé sin be ´ba'n. Amun `kata atin nun buɛbuɛ mun, amun `yiyi i nun yɛbuɛ mun. Yɛ amun `man flanga kun su nvle-nvle'm be nunfuɛ'm bé su.

Ezai 62:2

Kɛ ɔ ko yo sɔ'n, kpɛkuun nvle-nvle'm be nunfuɛ'm be ´wun kɛ a yo sa i nuan su, yɛ famiɛn'm be kwlaa be ´wun kɛ a lɛ nyrun. Yɛ ɔ dunman uflɛ bɔ Anannganman ɔ ´kle'n, be ´fa flɛ wɔ .

Zakari 8:20

Anannganman b'ɔ sie mɛn wunmuan'n wan yoo: «Nvle uflɛ mun nin klɔ uflɛ sufuɛ'm be wa tran Zerizalɛm wa kaka kpa.

Sa nga bé yôli'n 2:47

Be manman Nyanmiɛn, bé wun yo sran be fɛ, yɛ cɛn kwlaa e Min Nyanmiɛn'n fa be bɔ be fite nun'n uka be su.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

2 Piɛr 3:13

Nyanmiɛn seli kɛ ɔ ´man e nyanmiɛn su lɔ nin asiɛ uflɛ, lɔ yɛ be nga be yo sa kpa'n be ´tran-an. I yɛ e su minndɛ i-ɔ .

Jude 1:3

N sran kpa mun, kɛ n waan n ´klɛ ti nyanlɛ bɔ e nin amun e nyɛnnin i'n i ndɛ blɛ amun'n, n wunnin kɛ sɛ n klɛ amun fluwa nan n wla amun fanngan kɛ an jran Krist sulafilɛ ndɛ'n su'n, ɔ ti kpa. Nyanmiɛn man be kan ndɛ sɔ'n kleli i sran mun kpɛ kunngba cɛ.

Sa nglô yile 21:24

Nvle-nvlefuɛ'm be ´nanti i kpajalɛ'n nun, yɛ asiɛ'n su famiɛn'm be wa fa be anyanbeun ninnge mun ´ba klɔ sɔ'n su.

Sa nglô yile 5:9

Be to jue uflɛ uflɛ kun, be se kɛ: «Wɔ yɛ a ti fluwa'n i fafuɛ-ɔ, bɔ a kwla kpɛkpɛ like nga be fa cicili i nun-ɔn. Afin be kunnin wɔ, sran'm bɔ be fin nvle-nvle'n kwlaa nun'n, nin be bɔ be aniɛn'n ti wafa-wafa'n kwlaa'n, ɔ nin be nga be fin mɛnmɛn'n kwlaa nun, a fa ɔ́ wun toli be mannin Nyanmiɛn .