1 I cɛn sɔ nun'n, be ´to jue ng'ɔ o yɛ'n Zida mɛn'n nun. Be ´se kɛ: «E lɛ klɔ kun bɔ be sili i wun'n kpa. Anannganman i delɛ b'ɔ de ye'n, ɔ ti kɛ talɛ nnyɔn sa yɛ be si klɔ'n i wun-ɔn.
Nyanmiɛn i ayɛ yilɛ nin i manmanlɛ jue ng'ɔ o yɛ'n, be ´to'n wuun be ´sɔ su. Be se kɛ: «Anannganman ti kpa, afin i klun-ufue'n ng'ɔ yo Izraɛlfuɛ mun'n wo lɛ tititi.» Nzrafuɛ'm be kpannin kekle kpa, afin be klun ti jɔwa, be manmannin Anannganman i sua'n i bo ase bɔ be su wla'n ti.
A fɛ i sɔfuɛ mun fia kan ɔ bɔbɔ ɔ́ nyin ta lɛ'n. Bé wun sa wla bɔ sran'm be cici'n, wie fi nyan-man be. A fa be sie, ɔ man sran'm be nuan tɛ kwla to-man be.
Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.
Anuan nga amun wo klɔ bɔ be si bé wun'n be nun'n, amun ´bo awuyomo, amun ´kpan kekle kpa. Filistifuɛ'm be kwlaa bé sa sin ɔ'a bubu be, afin sin wɛnsrɛn'n fin mɛn'n i nglo lɔ ba. Be kpɔfuɛ'm bé nuan ti yiawa, sran fi a ka-man siɛn.
Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.
I cɛn sɔ nun'n, sran'm be amuɛn mun bɔ be fa jɛtɛ ufue yoli be kɛ be ´koto bé bo'n, ɔ nin be amuɛn mun bɔ be fa sika ɔkwlɛ yoli be kɛ be ´koto be bo'n, be ´to be gua gbekle nin akpannin'm be bo.
I cɛn sɔ nun'n, be ´se kɛ: «I yɛ ɔ ti e Nyanmiɛn nin-ɔn. E lafili i su yɛ ɔ deli ye, Anannganman yɛ e fali é wla guɛli i su-ɔ. Man é wun blibli ye. Man e klun jɔ delɛ b'ɔ deli ye'n ti.
Kɛ anunman'm be fa be ndɛwa'n kata be mma'm be su'n, i kunngba nin-ɔn, Anannganman b'ɔ sie mɛn wunmuan'n, ɔ ´kata Zerizalɛmfuɛ'm be su sɔ. Ɔ ´nian be su, yɛ ɔ ´de be, ɔ ´sasa be, yɛ ɔ ´kata be su.
Be safunyrɛn'm be ´wanndi, srɛ ´kun famiɛn i awlo lɔ sran dandan mun, be ´yaci be flanga'm be lɛ be ´wanndi. Anannganman bɔ i sin'n wo Siɔn lɔ'n, bɔ i sin dan'n wo Zerizalɛm'n yɛ ɔ kan sɔ-ɔ.
Anannganman i nvle nunfuɛ mun, Anannganman yɛ ɔ nian amun su-ɔ, amun klun su ti-man amun. Ngwlɛlɛ nin sa'm be silɛ'n be ti anyanbeun, be yɛ man sran fite nun-ɔn. Amun nyin b'ɔ yi Anannganman'n yɛ ɔ ti amun anyanbeun-ɔn.
Cɛn kun'n, mma nga Anannganman luali'n ɔ ´yo nyɛnmɛn. Ɔ ´yo anyrunnyan like. Mma sɔ'n ɔ ´fifi. Ɔ ´yo Izraɛlfuɛ nga be ka'n be liɛ. Ɔ man be ´nyan kɔmin. Yɛ be ´fa di be nuan .
Min waan n ´to jue m bo flɛ min aenguɛ'n. Min aenguɛ'n ɔ nin i vinyi fie bé wun jue yɛ min waan n ´to-ɔ . Min aenguɛ'n ɔ lɛ i vinyi fie kun, i vinyi fie sɔ'n wo kpɔlɛ wie bɔ i asiɛ'n ti kpa'n su.
n ´klɛ be dunman'n min sua'n nun lɔ talɛ'n i lika kun su. I sɔ'n ti kpa tra kɛ b'a nyan ba bla mun nin ba yasua mun'n. M ´man be dunman kun b'ɔ ´ka lɛ tititi, sran fi su nunnun-mɛn i.»
Sa kekleekle tɛtɛ bɔ be yo'n, be su ti-man be ngan ɔ mɛn'n nun kun. Be su ti-man like sacilɛ'n i ngan ɔ nin awlaboɛ ndɛ mun ɔ́ mɛn'n nun kun. A wa tɔn talɛ ng'ɔ sin yia wɔ'n i dunman kɛ Bé Ti Nyanlɛ Talɛ. Yɛ a wa flɛ wɔ anuan'm be kɛ Nyanmiɛn i Manmanlɛ.
Zerizalɛmfuɛ mun, amun `fite, amun `fin klɔ'n nun `fite ndɛndɛ. Amun `siesie atin kun be `man be nga be su sa bé sin be ´ba'n. Amun `kata atin nun buɛbuɛ mun, amun `yiyi i nun yɛbuɛ mun. Yɛ amun `man flanga kun su nvle-nvle'm be nunfuɛ'm bé su.
Amun `nian, kɛ ɔ fɛ i asiɛ'n i bue kun lele fa ju i bue kun lɔ'n. Anannganman kan ndɛ kle sran mun. I waan be `se Siɔnfuɛ'm be kɛ: «Sran'n b'ɔ ´de amun'n ɔ su ba, akatua'n wo i sa nun, i junman'n i su like ng'ɔ nyɛnnin i'n ɔ ´fa ba .»
Nian, talɛ kun wo gua su wa, ɔ sin yia Nyanmiɛn i sua dan'n. Sran i sa nun ndɛma'n ti mɛtri nsan. Ɔ sunnzunnin talɛ i kpikplikpi nin i nglo-nglo su'n, yɛ be nnyɔn'n be ti mɛtri nsan-nsan.