Ezai 24:7 - NYANMIƐN NDƐ'N 1998

⁷ Sɛ nzan'n ti sran'n, wuun n ´se kɛ sɛ ɔ'a tɔ nzan lɔflɛ'n i su. Vinyi'n ɔ'a glɔ. Be kwlaa nga be o aklunjuɛ nun laa'n be su fɛfɛ.

Ezai 24:7 ပူးပေါင်းရင်းမြစ်များ

Ezai 16:10

Kɛ amun wo amun fie'm be su'n, be wun-mɛn i kɛ amun klun jɔ kun, be wun-mɛn i kɛ amún wun kpaja amun kun. Be ti-mɛn i kɛ amun to jue vinyi fie'm be nun kun, be ti-mɛn i kɛ amun bo sro kun. Be nga be yi nzan'n, be yi-man guɛ-mɛn i nzan guawlɛ dandan'm be nun kun. Be srolɛ'n kwlaa ɔ'a wie.

Ezai 16:8

Ɛsbɔn lɔ bo'n nin kacɛ'n b'a wie saci. Sibma lɔ vinyi fie bɔ be kɔ lele ju Zaɛzɛr nin aawlɛ flɛnnɛn'n nun lɔ'n, mɛn-mɛn'm be siefuɛ'm b'a saci be nun vinyi bɔ bé sama'm be trɛ lele ju jenvie'n i sin lɔ'n.

Zeremi 7:34

N ´yo man Zida klɔ'm be su nin Zerizalɛm akpɔ'm be su bo srolɛ nin aklunjuɛ jue tolɛ'n ɔ ´wie. Gbanflɛn nga b'a ja bla uflɛ uflɛ'n nin talua nga b'a ja bian uflɛ uflɛ'n be jue tolɛ'n ɔ ´wie. Afin mɛn'n ɔ ´wie nunnun.»

Ezekiɛl 6:14

N ´yi min kwlalɛ bɔ n kwla'n i nglo bé su, kpɛkuun n ´kle be nun. N ´saci be mɛn'n i lika nga sran'm be tran lɛ'n, be kwlaa be ´tɔ sa srololo, sran su tran-man nun kun. Ɔ ´bo i bo ngua lɔ aawlɛ flɛnnɛn'n nun lɔ lele ɔ ´fa to klɔ nga be flɛ i Ribla b'ɔ o mɛn'n i nglo lɔ lika'n nun'n. Sran'm be kwlaa be wa si jrɛiin kɛ min yɛ n ti Anannganman nin-ɔn.› »