Ezai 24:5 - NYANMIƐN NDƐ'N 1998

⁵ Sran nga be o asiɛ'n su'n be sacili i yɛlɛ kɛ be tɔnnin mmla'n, be kpɛli ndɛ nga be kan kleli be'n i wun, aenguɛ nga Anannganman nin be trali'n, b'ɔ ti blɛ'n kwlaa nun liɛ'n, b'a fɛ-mɛn i mmla'n su .

Ezai 24:5 ပူးပေါင်းရင်းမြစ်များ

2 Samiɛl 23:5

Kɛ Nyanmiɛn nin min awlo'n be nanti sɔ-ɔ. Ɔ tali min nda kun b'ɔ lɛ-man awieliɛ. Nda sɔ'n ti weiin, i bɔbɔ ɔ nian su. Ɔ de min, like kwlaa nga n kunndɛ'n, ɔ yo man min.

2 Famiɛn Mun 21:12

i ti min Anannganman bɔ n ti Izraɛl Nyanmiɛn'n, min wan yoo: ‹N wa fa nyrɛnnɛn'n n ´yi Zerizalɛmfuɛ nin Zidafuɛ'm bé su. Nyrɛnnɛn sɔ'n, sran nga be ti i ndɛ'n, bé ´kpiti kpli.

2 Famiɛn Mun 21:15

Sa ti bɔ n ´yo sɔ'n, yɛlɛ kɛ, kɛ ɔ fin cɛn bɔ be nannan'm be fin Ezipt lɔ bali lele b'ɔ ´fa ju ndɛ'n, sa ng'ɔ yo-man min fɛ'n, b'ɔ kun min ya'n, yɛ be yo-ɔ.› »

2 Be Nyoliɛ 33:9

Sanngɛ Manase man be fali atin tɛ su. Bé sa tɛ liɛ'n trali nvle nga Anannganman nunnunnin be Izraɛlfuɛ'm be nyrun'n be liɛ'n.

Jue Mun 105:10

Ndɛ kunngba sɔ'n, ɔ kan flannin nun kleli Zakɔb, ɔ fa mannin Izraɛlfuɛ mun mlɔnmlɔnmlɔn, kɛ ɔ o lɛ'n yɛ ɔ wo-ɔ.

Jue Mun 55:5

Srɛ kun-man min ngowa, wie'n i wun srɛ kun min kpa sakpa.

Ezai 10:6

Min waan be wɔ nan be ko kle sran nga be bu-man min like fi'n, be nyrɛnnɛn. Min waan be `ko tɔ sran nga be fɔkɔ min anwlɛn'n be su nan be `fɛn bé bo ninnge'n be `fa. Min waan be tiatia be su kɛ be tiatia atin nun nnɔtiɛ'n nun'n sa.

Ezai 30:9

Afin sran sɔ'm bé nyin ti kekle, be ti ba bɔ be sɔn-man bé su, bɔ be klo-man kɛ be ti min Anannganman min mmla mun.

Ezai 33:8

Atin dandan'm bé su ɔ'a tɔ bliin, yɛ sran fi sin-man atin kanngan'm be su kun. Siefuɛ tɛ'n ɔ'a saci anuansɛ'n i su mmla'n, ɔ'a kan lalofuɛ'm be bo, ɔ bu-man sran fi sran.

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Ezai 9:17

Afin sa tɛ'n ɔ jue kɛ sin b'ɔ yra susrɛ mun nin owie mun'n sa. Sin sɔ'n, ɔ man bo'm be sɔ, yɛ sin wɛnsrɛn'n ɔ ´fu nyanmiɛn su lɔ lukuu.

Zeremi 11:10

Nga be nannan'm bɔ be waan be fa-man min ndɛ'n su'n be yoli'n, yɛ be kusu be su yo i siɛn nin-ɔn. B'a ɔ amuɛn'm be sulɛ. Izraɛlfuɛ nin Zidafuɛ'm b'a yi aenguɛ nga e nin be nannan mun e trali'n i ase.»

Zeremi 50:5

«Be ´usa be kɔwlɛ'n i osu atin. Be ´usa Siɔn i osu atin. Be ´se kɛ: ‹Amun man e fa e wun e ´cici Anannganman'n. E nin i e ´tra aenguɛ kun bɔ é wla su fi-mɛn i le.›

Ezekiɛl 16:59

Afin Anannganman Nyanmiɛn'n wan yoo: «Wɔ bɔ w'a bu-man nda nga a tali'n i akunndan kun'n, kɛ a fa yoli'n, yɛ n kusu n ´fa yo wɔ-ɔ.

Ezekiɛl 20:13

Sanngɛ Izraɛlfuɛ'm be jasoli mín wun aawlɛ flɛnnɛn nun lɔ. B'a fa-man mín nuan ndɛ'n su. Be guali min mmla nga sran fa su-ɔ ɔ nyan nguan'n be blo. B'a bu-man be like fi. Be sacili min wunmiɛn-delɛ-cɛn'n tɛtɛ kpa. M buli akunndan kɛ n ´fa bé wun ya, yɛ n ´ngua-ngua ya sɔ'n i bo nan n ´nunnun be aawlɛ nun lɔ.

Ezekiɛl 20:24

Sa ti bɔ n yo be sɔ'n yɛlɛ kɛ be fa-man min mmla'm be su, be bu-man mín nuan su ndɛ'n i ndɛ, be nian-man min wunmiɛn-delɛ-cɛn'n su, amuɛn nga be si'm be sɔ be'n yɛ be fa cici be ti-ɔ.

Ezekiɛl 37:26

N ´si min wue'n nun m ´man be aunjuɛ kpa. Yɛ aunjuɛ sɔ'n ɔ ´ka lɛ titi. N ´fa be n ´sie. N ´yo man be ´trɛ.

Daniɛl 7:25

Ɔ wa di Nyanmiɛn bɔ like fi nun-mɛn i sin'n i jɔlɛ tɛ. Ɔ ´kle Nyanmiɛn i nvle'n nunfuɛ'm be nyrɛnnɛn. Ɔ ´bu akunndan kɛ ɔ ´kaci blɛ'n i siesielɛ nga be siesieli'n, yɛ ɔ ´kaci mmla'n. Nyanmiɛn i nvle nunfuɛ'm be ´trɛn i sielɛ'n i bo lele afuɛ nsan nin sin .

Daniɛl 9:10

Kɛ a seli ye kɛ e `fa ɔ mmla nga a kan kleli ɔ sufuɛ nga be ti ɔ́ nuan ijɔfuɛ'm be kɛ be `fa man ye'n bé su'n, y'a sie-man é su ɔ ndɛ sɔ'n i bo.

Daniɛl 9:5

E nyin a yi-man wɔ, e yoli sa tɛ, e fɔnnin, e jasoli ɔ́ wun. Ɔ mmla nin ɔ́ nuan su ndɛ nga a kannin'n, y'a di-man su.

Ndɛ Nga Nyanmiɛn I Nuan Ijɔfuɛ Oze Kannin'n 6:7

«Adam klɔ lɔ yɛ amun nin min buli nun-ɔn, lɛ yɛ amun kacili amun sin sili min-ɔn.

Saun Yolɛ 20:22

Mmla nga n fa man amun'n, amun `nian bé su, yɛ amun `di bé su kpa. Sɛ an fa su'n, mɛn nga n su fa amun kɛ amun ko tran lɔ'n, n su yi-man n sa amún su.

Saun Yolɛ 26:35

Asiɛ'm be ´de wunmiɛn sie i laa blɛ liɛ'n i osu. Kɛ ɔ juli be wunmiɛn delɛ afuɛ'n, amu'an yaci-man be lɛ man b'a de-man wunmiɛn. I ti i sɔ blɛ liɛ'n, be ´fa de wunmiɛn sie i laa liɛ'n i osu.

Mise 2:10

An `sin be wɔ! Pɔɔ dilɛ'n wieli! Sa tɛ nga amun yoli'n i su afɛ nga an wa fɛ'n, be flɛ-mɛn i afɛ.»

JÉSUS-CHRIST I DYASIN FE'N BO LUC KLELI'N 1:6

Be nnyɔn'n be yo e Min Nyanmiɛn klun sa, be fɛ i ndɛ'n nin i mmla'n kwlaa su kpa.

Mmla'n 32:15

Kɛ Izraɛl dili i sɔ like'n, bɔ i ku'n yili'n, b'a sɔn-mɛn i su kun. Kɛ ɔ wa cɛnnin b'ɔ yoli mlanmlan'n, kpɛkuun i Nyanmiɛn i ase yilɛ nun-ɔn, kusu wuun Nyanmiɛn yɛ ɔ yili i-ɔ. Ɔ yoli Nyanmiɛn i finfin, kusu wuun i yɛ ɔ sɛsɛ i-ɔ.

Mmla'n 32:20

Yɛ i waan: «N ´kaci n sin si be, yɛ n wa nian sa ng'ɔ wa ju be su'n. Be nyin yi-man min.

Hébreu 13:20

Nyanmiɛn cɛnnin e Min Jésus b'ɔ ti Bua Tafuɛ Dan'n i mmoja b'ɔ man sran nin Nyanmiɛn be tra aenguɛ tititi'n ti . Man Nyanmiɛn b'ɔ man sran di alaje'n

Hébreu 9:1

Aenguɛ nga Nyanmiɛn nin sran'm be trɛli i laa'n, ɔ lɛ i Nyanmiɛn sulɛ'n su mmla nin i sua asiɛ'n su wa .

Zozie 23:16

Sɛ amun yaci aenguɛ nga Anannganman nin amun trali'n i mmla'n, nan sɛ amun koto ninnge'm be bo nan amun sɔ be'n, Anannganman wa fa ya dan kpa amún wun. Ɔ su sisi-mɛn i bo, ɔ ´nunnun amun mɛn klanman ng'ɔ fa mannin amun yɛ'n nun.»

Zozie 24:25

Le kun sɔ'n nun Zozie man Izraɛlfuɛ'm be tali nda Sisɛm lɔ. Ɔ kpɛli mmla mannin be, ɔ klekleli be wafa nga be ko nanti su'n.