Ezai 24:1 - NYANMIƐN NDƐ'N 1998

¹ Amun `nian, Anannganman wa saci asiɛ'n, ɔ man asiɛ'n i sufuɛ'm be ´wie. Ɔ ´utu i nyin ase, yɛ ɔ ´sanngan be nga be o su'n be nun.

Ezai 24:1 ပူးပေါင်းရင်းမြစ်များ

2 Famiɛn Mun 21:13

N wa nunnun Zerizalɛm kɛ n fa nunnunnin Samari nin Akab i awlo'n sa. N wa utu Zerizalɛm'n nyin ase kɛ kpongbo bɔ be wunnzin nun wie kpɛkuun be utu i nyin ase'n sa.

Neemi 1:8

Sanngɛ man ɔ́ wla kpɛn ndɛ nga a fa wlali ɔ sufuɛ Moiz nuan kɛ ɔ kan kle ye'n su . Ɔ waan sɛ e yo sa tɛ'n, wɔ man e ´bo sanndi nvle uflɛ'm be nun,

Jue Mun 146:9

Anannganman nian aofuɛ'm bé su. Ɔ nian aika nin angboti bla'm be lika. Sanngɛ klunwifuɛ'm be like liɛ nga be sunnzun kɛ be ´yo'n, ɔ saci.

Ezai 13:13

I sɔ'n ti, min Anannganman bɔ n sie mɛn wunmuan'n, min ya dan bɔ m'an fa'n nin min anwlɛn bɔ fita min klun'n ti, n wa keje nyanmiɛn su lɔ'n, yɛ n ´keje asiɛ'n kusu.

Ezai 13:5

Be fin mɛn kun nun mmua kpa, be fin asiɛ'n i tiwa lɔ yɛ be ba-a. Anannganman nin be ng'ɔ fa be yi i ya'n i nglo'n be ´fa nyrɛnnɛn be ´yi mɛn wunmuan'n su.

Ezai 2:19

Anannganman i ya dan'n nin i nyrun b'ɔ yo sro'n ti'n, sran'm be wa wlu yɛbuɛ buɛ'm be nun, be ´fia kunman'm be nun asiɛ'n i bo lɔ, afin Anannganman ɔ wa jaso, ɔ ´wlanwlan asiɛ'n sufuɛ mun .

Ezai 24:19

Asiɛ'n su kpaci, asiɛ'n su tɛtɛ, asiɛ'n su keje.

Ezai 24:20

Sɛ asiɛ'n ti sran'n, wuun e ´se kɛ ɔ su bo nvaka kɛ nzanboɛfuɛ sa. Ɔ keje kɛ kuku wie sa. Asiɛ'n sufuɛ'm be sa tɛ'n tin be su kɛ trɔ sa. B'a tɔ yɛ be kwla jaso-man kun.

Ezai 27:10

Klɔ nga be sili i wun'n, ɔ ´tɔ kouun, sran fi su tran-man nun kun, ɔ ´tɔ srololo kɛ aawlɛ flɛnnɛn'n sa. Nannin ba'm be ´didi lɔ, be ´la lɔ, yɛ be ´di susrɛ'm be nun nnya-nnya mun.

Ezai 29:16

?Nguɛ sinnzin sa yɛ amun yo i sɔ-ɔ? ?Ɔ yo sɛ ti yɛ amun fa ufa'n sunnzun sɛ wufuɛ nin-ɔn?» ?Sɛ'n ɔ kwla se i ufuɛ'n kɛ: «Nán wɔ yɛ a wuli min-ɔn?» ?Sɛ'n ɔ kwla se i ufuɛ'n kɛ ɔ si-man ngwlɛlɛ?

Ezai 29:2

n ´kle amun nun. Amun ´fɛfɛ, amun ´kplin. Klɔ'n ɔ ´yo kɛ min sɔwlɛ sa.

Ezai 30:32

Be ngble nuan kwlaa nga Anannganman ´bla be'n, sran'm be ´bo su klɛn nin jru. Anannganman bɔbɔ nin be ´kun.

Ezai 32:12

Amun `fin amun wue'n nun, amun `sun fie nglanman nin vinyi bɔ be su nglanman bɔ b'a saci'n be ti.

Ezai 33:9

Ɔ yo kɛ sɛ yɛ ɔ'a tɔ mɛn'n su sa, ɔ'a wu kee. Sɛ Liban'n ti sran'n, wuun e ´se kɛ ɔ'a wun nyannzuɛn, yɛ i wunmiɛn'n ɔ'a wie. A wun Sarɔn lɔ lika kpɛtɛkplɛɛ'n sa-a ɔ waan aawlɛ flɛnnɛn wie-ɔ. Sɛ Bazan mɛn'n nin Karmɛl oka'n be ti waka'n, wuun e ´se kɛ bé ti'm b'a kpa.

Ezai 34:10

Kɔnguɛ o, wia nun o, ɔ su nuan-man. I wɛnsrɛn'n ɔ ´jaso tititi. Mɛn sɔ'n ɔ ´ka lɛ ngbɛn afuɛ'n kwlakwla, sran fi su si-man nun kun mlɔnmlɔn le.

Ezai 34:2

Anannganman'n i ya'n ɔ wa tɔ nvle-nvle'm be nunfuɛ'm be su. I ya dan'n ɔ wa tɔ be alɛ kunfuɛ akpasua'm be kwlaa be su. Anannganman wa kun be kwlaa, ɔ wa nunnun be ngba.

Ezai 42:15

N ´saci oka mun nin kpɔlɛ mun, n ´yo man bé su ijre nin waka'm be kwlaa be ´wu kee. N ´yo man nzue ba'm be ´wie nun, yɛ fɛtɛ'm be ´wu kee.

Ezai 5:6

N ´saci i, be su kpɛkpɛ-man vinyi'n su kun, be su tutu-man fie'n nun kun. Flɔn nin owie'm be ´fifi nun, yɛ n ´se nzue ng'ɔ mlan'n kɛ nán ɔ tɔ su.

Zeremi 4:7

Asɔmɔli'n ɔ'a fin susrɛ'n nun ɔ'a fite, mɛnmɛn'm be sacifuɛ'n su ba. Ɔ fin i lika nun lɔ su ba amun mɛn'n i nunkunlɛ. Amun klɔ'm be wa nunnun. Sran fi su tran-man be su kun.

Zeremi 40:15

Zosanan bɔbɔ ɔ fia wa toli Gɛdalia Mizpa lɔ, nan ɔ'a se i kɛ: «Jran man n ko kun Ismaɛl sɔ'n ke! N ´kun i sa bɔ sran fi su si-man kɛ wɔ yɛ man be kunnin i-ɔ. Ɔ'a yo-man sɔ-ɔ, ɔ wa kun wɔ sa sɔ ngbɛn kpɛkuun Zidafuɛ nga be o ɔ wun wa yɛ'n be kwlaa be wa bo be sanndi ekun, ɔ man Zida mɛn'n ´mlin.»

Zeremi 50:17

Izraɛl ti kɛ bua bɔ asɔmɔli'm b'a fuɛn i bɔ ɔ'a mlin'n sa. Sran ng'ɔ dun mmua dili i'n yɛlɛ Asiri famiɛn'n. Kpɛkuun Babilɔni famiɛn'n kusu ɔ wa boboli i owie'n.

Zeremi 51:34

«Nɛbikadnɛzar b'ɔ ti Babilɔni famiɛn'n ɔ'a yo-man ye blɛblɛ, ɔ kunnin ye mlɔnmlɔn. Ɔ'a gua ye lɛ kɛ kpongbo bɔ like fi nun-man nun kun'n sa. Ɔ mɛnnin e kɛ wuo ɔ'a mɛn like sa. E sa nun like kpakpa'n, ɔ wieli i kwlaa di trili. Kpɛkuun ɔ tuli ye i mɛn'n nun.

Zeremi 9:16

Anannganman b'ɔ sie mɛn wunmuan'n yɛ ɔ kan sɔ-ɔ. «An `bu bla nga sunlɛ yɛ ɔ ti be junman'n be ko flɛlɛ akunndan. An `ko flɛ be nga be si sun kpa'n man be bla.

Ezekiɛl 12:20

Klɔ'm be su sran'm be ´wie, yɛ mɛn'n ´saci mlɔnmlɔn, kpɛkuun amun wa si jrɛiin kɛ min yɛ n ti Anannganman nin-ɔn.› »

Ezekiɛl 24:11

Yɛ fa blalɛ sɛ ngbɛn'n sie sɛnmlɛn'n su nan ɔ lo, nan ɔ blo, nan i fiɛn'n ɔ klo i klun lɔ.

Ezekiɛl 35:14

I sɔ'n ti'n, Anannganman Nyanmiɛn wan yoo: ‹Kɛ ɔ ´yo nan mɛn wunmuan'n i klun ɔ'a jɔ'n ti, n ´yo man a ´kaci aawlɛ flɛnnɛn.

Ezekiɛl 5:14

N wa bubu Zerizalɛm klɔ'n. Nvle nga be sin yia amun lɛ'n, ɔ nin be nga be ´sin'n amun nyrun lɛ'n, amun ´sokpa be nun .

Ezekiɛl 5:2

Kɛ klɔ'n i utulɛ blɛ'n ko sin'n, bubu nun nsan, yrɛ i bue kun sin nun klɔ'n i afiɛn. Fɛ i bue kun ekun nan fa ɔ tokofi'n fa finfin su sin yia klɔ'n. Yɛ sanndi i bue kun ng'ɔ ka lɛ'n nun man aunngban'n fa wɔ, kpɛkuun n ´su i su nin min tokofi'n.

Ezekiɛl 6:14

N ´yi min kwlalɛ bɔ n kwla'n i nglo bé su, kpɛkuun n ´kle be nun. N ´saci be mɛn'n i lika nga sran'm be tran lɛ'n, be kwlaa be ´tɔ sa srololo, sran su tran-man nun kun. Ɔ ´bo i bo ngua lɔ aawlɛ flɛnnɛn'n nun lɔ lele ɔ ´fa to klɔ nga be flɛ i Ribla b'ɔ o mɛn'n i nglo lɔ lika'n nun'n. Sran'm be kwlaa be wa si jrɛiin kɛ min yɛ n ti Anannganman nin-ɔn.› »

Ezekiɛl 6:6

Lika kwlaa nga an tran lɛ'n, amun klɔ'm be ´bubu kpɛkuun amun sraka yiwlɛ'm bɔ be o kpɔlɛ'm be su'n be ´tɔ srolo. Amun sraka yiwlɛ'm be ´bubu, be su yo-man be nun like fi kun. Be ´saci amun amuɛn mun, be ´nunnun be osu'n mlɔnmlɔn, amun ansans'm be yrawlɛ'm be ´saci, amuɛn nga amun takali be'n be kwlaa be ´saci mlɔnmlɔn.

Ezekiɛl 7:12

Blɛ'n su ba, cɛn'n ɔ'a mantan koko. Nán man like tofuɛ'n i klun jɔ. Nán man like atɛ yofuɛ'n i wla bo i wun, afin min ya dan'n ɔ'a jaso sran kpanngban nga be o klɔ'n nun'n be kwlaa bé wun.

Ezekiɛl 7:14

Be ´bo awɛ'n, be ´siesie bé wun, sanngɛ sran fi su kɔ-man alɛ kunlɛ, afin min ya dan'n ɔ'a jaso amun sran kpanngban sɔ'm be kwlaa bé wun.› »

Naɔm 1:5

Kɛ ɔ kɛn i wun'n, oka'm be keje, kpɛkuun kpɔlɛ'm be bubu be gua. Kɛ ɔ ´ba'n, asiɛ wunmuan'n keje, asiɛ wunmuan'n nin i su sran'm be kwlaa be usu.

Naɔm 2:10

Be `fɛn jɛtɛ ufue'n nin sika ɔkwlɛ'n. Klɔ'n su aunnyan'n su wie-man le, afin ninnge kpakpa'm be yi klɔ'n piɛ!

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

Sa nga bé yôli'n 17:6

Kɛ b'a to-man be lɛ'n, be trali Zazɔn nin e niaan wie mun, be fa be ɔli jɔlɛ difuɛ'm bé ja su, be seli kɛ: «Minniɛn'm bɔ be saci mɛn wunmuan'n, be yɛ b'a ba wa yɛ. Zazɔn ɔ'a sike be.

Mmla'n 28:64

Anannganman ´fa amun ´sanndi nvle'm be kwlaa be nun kɛ ɔ fɛ i asiɛ'n i bue kun b'ɔ fa ju i bue kun ekun lɔ'n. Kpɛkuun amun wa sɔ amuɛn wie mun bɔ amun nannan'm b'a si-man be nan ´se kɛ amun bɔbɔ'n . Amuɛn sɔ'm be ti waka nin yɛbuɛ.

Mmla'n 32:26

N waan wuun n ´nunnun be mlɔnmlɔn nan be dunman'n mlin mɛn'n nun.

Mmla'n 4:27

Anannganman ɔ ´yo man amun ´bo sanndi nvle kun nga'm be nun. Amun ´ka kaan sa mɛn nga Anannganman ´fa amun ´kɔ nun sɔ'n i nun lɔ.

Jacques 1:1

N Zak bɔ n ti Nyanmiɛn nin e Min Jésus-Krist be sran'n, n ´yo nvle blu-nin-nnyɔn bɔ b'a sanndi mɛn wunmuan nun'n be like.