Ezai 23:9 - NYANMIƐN NDƐ'N 1998

⁹ Anannganman b'ɔ sie mɛn wunmuan'n i yɛ man sa sɔ'n ɔ juli-ɔ kɛ ɔ ´yo nan be kwlaa nga be tu bé wun'n, bé wun tulɛ'n ɔ'a wie'n ti, kɛ ɔ ´yo nan ɔ'a kan be nga sran'm be bu be sran asiɛ su'n be ase'n ti.

Ezai 23:9 ပူးပေါင်းရင်းမြစ်များ

Zɔb I Nyrɛnnɛn Wunlɛ 12:21

Ɔ kuakua sran dandan mun, ɔ yi kwlafuɛ'm be kwlalɛ cisu'n.

Jue Mun 107:40

Nyanmiɛn'n kuakua be wlengbi mun. Ɔ yo man be wlan aawlɛ flɛnnɛn bɔ atin nun-man nun'n i nun sa daan.

Ezipt Lɔ Tulɛ'n 8:4

Famiɛn'n yiali Moiz nin Aarɔn nan ɔ'a se be kɛ: «Amun `kpata Nyanmiɛn nan ɔ yo man klɛ'm be jaso e nin min nvlefuɛ mun é wun lɛ be wɔ mmua, kpɛkuun n wa man amun sran'm be atin nan be ko yi tɛ be man Anannganman.»

Ezai 10:33

Amun nian, Anannganman Nyanmiɛn b'ɔ sie mɛn wunmuan'n, ɔ ´fɛ i wunmiɛn'n kwlaa kpɛkpɛ waka sama mun. Waka nga be ti fleiinfleiin'n, ɔ ´kpɛ bé bo, nga be ti ndɛnndɛn kpa'n, ɔ ´bu bé bo gua.

Ezai 13:11

Anannganman waan: «Mɛn'n nunfuɛ'm be klunwi'n ti, m ´bu be fɔ, yɛ be bɔ be sro-man Nyanmiɛn'n, bé sa tɛ bɔ be yo'n ti, m ´bu be fɔ. N ´jran wun tufuɛ'm bé wun dandan bɔ be yo'n, yɛ be nga bɔ kɛ be ´sie sran'm be tin be su'n, bé wun ngbli-ngbli yolɛ'n, n ´kɛn i ase.

Ezai 14:24

Anannganman b'ɔ sie mɛn wunmuan'n ɔ tali nda kɛ: «Sa nga n guguli kɛ n ´yo'n, san ɔ ´kpɛn su, like nga n kannin kɛ ɔ ´ju'n, san i nuan ´yia.

Ezai 14:26

Like nga Anannganman ɔ'a fua kɛ ɔ ´fa yo asiɛ wunmuan'n i sufuɛ mun'n yɛ ɔ o lɛ-ɔ. Sa nga i waan ɔ ´fa wlɛ i nvle-nvle'm be nunfuɛ'm be kwlaa be nun'n yɛ ɔ o lɛ-ɔ.

Ezai 14:27

?Sa nga Anannganman b'ɔ sie mɛn wunmuan'n ɔ gugu kɛ ɔ ´yo'n, wan yɛ ɔ ´kwla jrɛn i-ɔ? ?Sɛ ɔ mɛn i sa'n su kɛ ɔ ´yo sran like'n, wan yɛ ɔ kwla kpalo i sa sɔ nin-ɔn?

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:12

Anannganman b'ɔ sie mɛn wunmuan'n ɔ'a sie cɛn kun. Cɛn sɔ nun'n, ɔ ´kan be nga be tu bé wun'n be ase, ɔ ´kan be nga be yo bé wun dandan'n be ase, ɔ ´kan be nga be man bé wun su'n be ase .

Ezai 2:17

Klɔ sran'n i wun dandan yolɛ'n ɔ ´kan ase, i wun tulɛ'n ɔ ´go nun. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 23:10

Tirfuɛ mun, amun `di asiɛ wun junman siɛn'n, afin mmeli'm be jranwlɛ bɔ be o jenvie nuan'n be nun-man lɛ kun.

Ezai 32:13

Min nvle'n nunfuɛ'm be asiɛ'n, ndre tɛ'n yɛ ɔ'a fu nun siɛn nin-ɔn, yɛ owie-owie'm b'a fifi nun. Klɔ'n bɔ be si able su'n, ndre tɛ sɔ'n ɔ'a fu nun wie, yɛ owie sɔ'm b'a fifi nun wie.

Ezai 5:13

I sɔ'n ti be wa fa be kɔ mɛn uflɛ nun, afin be wun-man sa wlɛ. Awe'n ´kun be nun sran kpakpa mun, be ´wu. Yɛ nzue we'n ´kun be kun nga mun.

Ezai 9:15

Be nga be ti sran nga'm be nyrun dunfuɛ'n, be mlinlɛ yɛ be mlinnin be-ɔ. Be nga be kplin be su kɛ be dun be nyrun mmua'n, be fa atin tɛ'n.

Zeremi 13:9

«Min Anannganman'n min wan yoo: ‹Like nga Zidafuɛ'm be fa di be nuan, like nga Zerizalɛmfuɛ'm be fa di be nuan beblebe'n, kɛ n ´saci i sa.

Zeremi 51:62

Kpɛkuun `kan gua su kɛ: ‹Anannganman, ɔ bɔbɔ yɛ a kannin lika nga ndɛ kɛ be `nunnun i-ɔ, ɔ nin i sran mun o, ɔ nin i nnɛn mun o! Wɔ yɛ ɔ waan like fi su tran-man su kun, nan ɔ ´bubu flɛnnɛnnɛn, man be su kplɛn-mɛn i kun nin-ɔn.›

Abdias 1:2

Anannganman'n kan ndɛ kleli Edɔm. Ɔ seli kɛ: «N ´yo wɔ kaan nvle-nvle'm be nun. Mɛn wunmuan'n su bu-man wɔ like fi kun .

Sa nga bé yôli'n 4:28

kɛ be ´yo kwlaa nga ɔ bɔbɔ Nyanmiɛn a dun mmua buli i akunndan kɛ be `yo'n.

Efɛzfuɛ Mun 1:11

Like kwlaa nga Nyanmiɛn klo kɛ ɔ yo'n, ɔ yo, ɔ man kɛ e nin Krist e kacili sran wunmuan'n ɔ fa e kacili i liɛ, afin i bɔbɔ yɛ ɔ sieli i sɔ-ɔ.

Efɛzfuɛ Mun 3:11

Kɛ ɔ yoli sɔ'n, sa ng'ɔ dun mmua buli i akunndan lalafuɛ nun kɛ ɔ man e Min Krist-Jésus yo'n, ɔ kpɛnnin su.

Jacques 4:6

Sanngɛ ye nga Nyanmiɛn yo ye'n ti dan, afin be klɛli i kɛ: «Nyanmiɛn nin be nga be tu be wun'n mun be lɛ i, sanngɛ ɔ yo aenvuɛfuɛ'm be ye .»