Ezai 22:8 - NYANMIƐN NDƐ'N 1998

⁸ Zidafuɛ'm be lɛ-man like fi be fa sasa-man bé wun kun. Cɛn sɔ nun'n, alɛ ninnge nga be fa be sieli sua nga be flɛ i kɛ Bo Nun Sua'n i nun lɔ'n, be su yɛ be akunndan'n trannin-ɔn.

Ezai 22:8 ပူးပေါင်းရင်းမြစ်များ

1 Famiɛn Mun 10:17

Ɔ boli nyrɛn kanngan ya nsan. Be boli sika ɔkwlɛ'n kɛ blalɛ sa yɛ be fa yoli be-ɔ. Kun nun sika ɔkwlɛ'n ti kilo kun nin sin, kun nun sika ɔkwlɛ'n ti kilo kun nin sin. Ɔ fali be sieli i sua nga be flɛ i «Liban bo'n» i nun lɔ.

1 Famiɛn Mun 7:2

Be kplannin sua nga be flɛ i kɛ Liban Bo'n, i tɛnndɛn nun'n ti mɛtri ablenun, i tɛtrɛ nun'n ti mɛtri ablaɔn-nin-nnun, yɛ i nglo-nglo su'n ti mɛtri blu-nin-nnun. Sa ti bɔ be flɛ i sɔ'n, yɛlɛ kɛ i kofiaja nyanman nnan'm be ti sɛdri waka. Yɛ plafɔn i waka bɔ be o kofiaja'm be su'n, be kusu be ti sɛdri waka ekun.

Ngɔjue Fɛfɛ Kpa'n 4:4

Ɔ kɔmin'n ti kɛ David i sua mlomlo bɔ be kplɛn i kɛ be ´fa alɛ ninnge'm be ´sie nun'n sa. Nyrɛn akpi sata-sata sua sɔ'n i wun sin yiɛ i. Nyrɛn sɔ'm be ti safunyrɛn'm be liɛ.

Ezai 22:7

Zerizalɛmfuɛ mun, kakaklolo'm b'a yi amun kongo nglanman-nglanman kpa mun. Yɛ alɛ'n ti nnɛn kpanngɔ fufuɛ mun, be jinjin amun klɔ'n i anuan'm be nun .