Ezai 22:7 - NYANMIƐN NDƐ'N 1998

⁷ Zerizalɛmfuɛ mun, kakaklolo'm b'a yi amun kongo nglanman-nglanman kpa mun. Yɛ alɛ'n ti nnɛn kpanngɔ fufuɛ mun, be jinjin amun klɔ'n i anuan'm be nun .

Ezai 22:7 ပူးပေါင်းရင်းမြစ်များ

Ezai 22:6

Elam sonja'm b'a fa bé ta mun nin be ta mma mun. Sran'm be wo alɛ kakaklolo wie'm be nun, wie'm be o nnɛn kpanngɔ'm be su, be su ba. Sonja nga be fin Kir'n, be su yi be wue sasalɛ like mun fite.

Ezai 22:8

Zidafuɛ'm be lɛ-man like fi be fa sasa-man bé wun kun. Cɛn sɔ nun'n, alɛ ninnge nga be fa be sieli sua nga be flɛ i kɛ Bo Nun Sua'n i nun lɔ'n, be su yɛ be akunndan'n trannin-ɔn.

Ezai 37:34

Atin ng'ɔ fali su bali'n, i kunngba'n i su yɛ ɔ ´fa yɛ ɔ ´sɛ i sin-ɔn. Klɔ nga, ɔ su wlu-man nun. M bɔbɔ min Anannganman yɛ n se sɔ-ɔ.

Zeremi 1:15

Nian, n wa flɛ famiɛn diwlɛ ng'ɔ o Izraɛl mɛn'n i nglo lɔ'n i nun nin akpasua kunngun'm be nun sran mun kɛ be bla. Be wa kpɛ be ngblaliɛ mun Zerizalɛm anuan'n nun Zerizalɛm klɔ'n i talɛ'm be wun sɛsɛsɛ ɔ nin Zida klɔ'm be talɛ'm be wun.

Ezekiɛl 4:2

Kɛ be nian nzɔliɛ sɔ'n, man ɔ kle weiin kɛ b'a utu klɔ'n, nan b'a fu kunman b'a sin a yiɛ i, b'a si i wun talɛ yɛ b'a fa alɛ ninnge mun b'a siesie i wun sɛsɛsɛ a sin a yia nun.

Ezekiɛl 4:3

Fa blalɛ paplapa kun fa kpɛ a nin klɔ'n amun afiɛn kɛ talɛ sa. Kpɛ ɔ́ nyin klɔ'n su lɔ, wuun ɔ ti kɛ b'a utu i yɛ ɔ o lɛ-ɔ, wɔ yɛ a utuli i-ɔ. Ɔ ti sa b'ɔ wa ju Izraɛl nvle'n su'n i kan klelɛ nzɔliɛ kun.