Ezai 22:6 - NYANMIƐN NDƐ'N 1998

⁶ Elam sonja'm b'a fa bé ta mun nin be ta mma mun. Sran'm be wo alɛ kakaklolo wie'm be nun, wie'm be o nnɛn kpanngɔ'm be su, be su ba. Sonja nga be fin Kir'n, be su yi be wue sasalɛ like mun fite.

Ezai 22:6 ပူးပေါင်းရင်းမြစ်များ

Bo Bolɛ 10:22

Sɛm wuli Elam, nin Azir, nin Arpaksad, nin Lid yɛ Aram.

2 Famiɛn Mun 16:9

Asiri famiɛn'n kplinnin flɛlɛ bɔ Akaz flɛli i'n su. Ɔ ɔli Damas. Ɔ ko fali alɛ wlali lɔfuɛ'm be sin, ɔ kwlali be, yɛ ɔ trali be lomuɛn ɔli Kir, kpɛkuun ɔ kunnin Rɛzɛn.

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 15:1

Sa ng'ɔ tɔli Moabfuɛ'm be su'n yɛ. Kɔnguɛ afiɛn kunngba bɔ be sacili Ar-Moab'n, ɔ kali lɛ nunnunnin. Kɔnguɛ afiɛn kunngba bɔ be sacili Kir-Moab'n, ɔ kali lɛ mlinnin sa weiin.

Ezai 21:2

Be yili sa kekle kpa kun nglo kleli min. Sran ng'ɔ tu sran'm be ja'n, ɔ o i junman'n su, like sacifuɛ'n ɔ su di i junman'n. Anannganman waan: «Elamfuɛ mun, amun `ko kun alɛ'n! Medifuɛ mun, amun `fa klɔ'n. N ´yo man fɛfɛlɛ'n kwlaa ɔ ´wie.»

Ezai 22:7

Zerizalɛmfuɛ mun, kakaklolo'm b'a yi amun kongo nglanman-nglanman kpa mun. Yɛ alɛ'n ti nnɛn kpanngɔ fufuɛ mun, be jinjin amun klɔ'n i anuan'm be nun .

Amɔs 1:5

Gboklo nga be fa to Damas klɔ'n i anuan'n nun, n ´tu, kpɛkuun n ´nunnun Bikat-Avɛn lɔfuɛ mun nin famiɛn ng'ɔ sie Bɛt-Edɛni'n. Sirifuɛ'm be kusu be liɛ'n, be wa tra be ´kɔ Kir.» Anannganman'n yɛ ɔ kan sɔ kle amun-ɔn .

Amɔs 9:7

«?Izraɛlfuɛ mun, an bu amun klun lɔ kɛ min waan amun kpa tra Etiopifuɛ mun? Nán wafa kunngba nga n fali amun Ezipt lɔ m bali'n, yɛ n fali Filistifuɛ mun Kaftɔr lɔ m bali-ɔ? ?Nɛ́n i kunngba'n yɛ n fali Sirifuɛ mun Kir lɔ m bali-ɔ?»