Ezai 22:5 - NYANMIƐN NDƐ'N 1998

⁵ Afin ndɛkɛn Anannganman b'ɔ sie mɛn wunmuan'n, ɔ'a fa sannganlɛ nin nyrɛnnɛn, ɔ nin nyannzuɛn ɔ'a yi e su.» Kongo nga be wun aolia nun ninnge'm be lɔ'n, be su bubu talɛ'n i nun lɔ, yɛ sran'm be kpan lɔ, be kpanlɛ'n ɔ kɔ lele ju oka'n i wun lɔ.

Ezai 22:5 ပူးပေါင်းရင်းမြစ်များ

2 Famiɛn Mun 19:3

Be ko seli i kɛ: «Ezekias waan e se wɔ kɛ: ‹Ndɛ cɛn'n ti awlaboɛ nin fɔ tulɛ, ɔ nin nyannzuɛn cɛn. Ɔ ti kɛ ba bɔ b'a sie wulɛ, bɔ sanngɛ fanngan nga be ko fa ko wu be'n nun-man lɛ'n sa.

2 Famiɛn Mun 25:10

Babilɔni sonja nga be nin gladi difuɛ'm be su kpɛn bali'n, be bubuli talɛ ng'ɔ si Zerizalɛm klɔ'n i wun'n.

Ɛstɛr 3:15

Be nga be sunmannin be'n, be kannin bé wun ɔli kɛ famiɛn'n kannin'n sa. Be boli ndɛ sɔ'n i jɔ sinnin Siz b'ɔ ti famiɛn klɔ'n su. Kɛ famiɛn'n nin Aman be yiali bɔ be ´nɔn nzan'n, wuun ayrɛ ɔ'a gua Siz klɔ'n sufuɛ'm bé wun.

Ezai 10:6

Min waan be wɔ nan be ko kle sran nga be bu-man min like fi'n, be nyrɛnnɛn. Min waan be `ko tɔ sran nga be fɔkɔ min anwlɛn'n be su nan be `fɛn bé bo ninnge'n be `fa. Min waan be tiatia be su kɛ be tiatia atin nun nnɔtiɛ'n nun'n sa.

Ezai 22:1

Sa b'ɔ ´ju Kongo nga be wun aolia nun ninnge'm be lɔ'n i su'n. ?Zerizalɛmfuɛ mun, nguɛ ti yɛ amun kwlakwla amun fu sua'm be su-ɔ,

Ezai 25:10

Afin Anannganman i sa kpa'n wo oka nga su.» Be tiatia Moabfuɛ'm be su kan be o lɛ'n, be tiatia be su kɛ ijre bɔ be tiatia su angrɛ kunman'n nun'n sa.

Ezai 37:3

Be ko seli i kɛ: «Ezekias waan e se wɔ kɛ: ‹Ndɛ cɛn'n ti awlaboɛ cɛn nin fɔ tulɛ cɛn, ɔ nin nyannzuɛn cɛn. Ɔ ti kɛ ba bɔ b'a sie wulɛ bɔ sanngɛ fanngan nga be ko fa ko wu be'n nun-man lɛ'n sa.

Ezai 5:5

Ɔ man yoo, n wa kle amun like nga n wa fa yo min vinyi fie'n. M ´bubu i wun talɛ'n, yɛ nnɛn'm be wa di vinyi nga n tali'n. N ´saci awa ng'ɔ si i wun'n, yɛ be nga be ´sin'n be ´tiatia vinyi'n su.

Ezai 63:3

Min ngunmin yɛ n dili junman vinyi mma nzue yiwlɛ lɔ-ɔ, nvle'm be nun sran ba kun sa a uka-man min. Kɛ n fali ya'n, n tiatiali be su, n wɛtɛli be. Be mmoja'n, ɔ nyrɛn guali mín wun tralɛ'm be nun, i ti yɛ man be yoli fiɛn nin-ɔn.

Ezai 63:6

Kɛ n fali ya'n, n wɛtɛli sran wie mun. N fali ya dan, i ti n yoli man be kacili kɛ sran bɔ nzan ɔ'a bo be sa. Yɛ n guali be mmoja'n i ase.»

Zeremi 30:7

Nguɛ nyrɛnnɛn liɛ yɛlɛ nga! Afin cɛn sɔ'n yo sro, be nian wun-mɛn i sɔ cɛn'n wie le. Ɔ ti Zakɔb osufuɛ mun be awlaboɛ blɛ. Sanngɛ be ´fin nun fite .»

Ngwlɛ Yilɛ 1:5

Zerizalɛm i kpɔfuɛ'm be yɛ b'a kwla-a. B'a nyan manndran. I sa tɛ beblebe b'ɔ yo be'n ti, Anannganman ɔ'a kɛn i ase. I mma'm be yɛ be kpɔfuɛ'm be ´kankan be ´dun mmua be nyrun yɛ, be ´ko fa be yo be kanga .

Ngwlɛ Yilɛ 2:2

I nvle'n i nun sua mun, ɔ sacili be ɔ'a si-man be aunnvuɛ mlɔnmlɔn. Ɔ fa ya bubuli Zida klɔ nga be sisili bé wun'n. Ɔ yili Zida mɛn'n nin i famiɛn i awlo lɔ sran dandan'm be ase, ɔ yoli be wannzo.

Ngwlɛ Yilɛ 2:8

Anannganman guguli kɛ ɔ ´bubu Zerizalɛm wun talɛ'n. Kɛ ɔ sunnzunnin i nin nyanman'n, b'ɔ boli Izraɛl'n bubulɛ'n bo'n, ɔ kɛli i ja nun bubuli i ngba. Klɔ'n i wun talɛ wafa nnyɔn'n, kɛ be wun be be sa'n, b'a wun-man like nga be fali be'n kun-ɔn.

Ezekiɛl 7:7

Amun bɔ amun wo mɛn'n nun'n, amun blɛ liɛ'n ɔ'a to amun. Blɛ'n su ba, blɛ'n su mantan koko. Blɛ sɔ'n ti akunndan sannganlɛ blɛ, be su ti-man aklunjuɛ kpanlɛ oka'm bé su kun.

Ndɛ Nga Nyanmiɛn I Nuan Ijɔfuɛ Oze Kannin'n 10:8

Bɛt-Avɛn lɔ amuɛn bo nga Izraɛlfuɛ'm be yo be sa tɛtɛ nun'n, be kwlaa be ´saci. Ijre tɛtɛ mun nin owie'm b'a di sraka yiwlɛ bɔ be o kpɔlɛ lika'm be su mun. I sɔ blɛ liɛ nun'n, be wa se kɛ: «Oka mun ee! An `kata e su o! Kpɔlɛ mun ee! An `tɔ e su o !»

Mise 7:4

Be nun kun ng'ɔ flunman kan'n, i like b'ɔ fɛ i'n yɛlɛ ako owie. Be nun nanwlɛfuɛ'n i gblɛ'n i tɛ'n tra agualɛ. Amun fɔ tulɛ cɛn nga amun klɔ sasafuɛ'm be kɛnnin i ndɛ'n kusu yɛ ɔ ´ba lɛ. Nanwlɛ, kɛ e ´se yɛ'n, amun klun titi amun.

Sofoni 1:15

Cɛn sɔ'n, ɔ ´yo Nyanmiɛn i ya i nglo yilɛ cɛn, ɔ su yo-man aklunjuɛ cɛn, ɔ ´yo awlaboɛ cɛn. Ɔ ti mɛn'n nin ninnge'm be nunnunlɛ cɛn. Cɛn sɔ'n, aosin'n ɔ ´wla tritritritri. Ɔ ´yo nzue mlanlɛ lika sa tuun, yɛ ɔ ´yo bɔlɛ ufue lika sa munnduun .

JÉSUS-CHRIST I DYASIN FE'N BO LUC KLELI'N 23:30

Yɛ be ´se kɛ: ‹Oka mun ee, amun tɔ e su o! Kpɔlɛ mun ee, amun kata e su o !›