Ezai 21:2 - NYANMIƐN NDƐ'N 1998

² Be yili sa kekle kpa kun nglo kleli min. Sran ng'ɔ tu sran'm be ja'n, ɔ o i junman'n su, like sacifuɛ'n ɔ su di i junman'n. Anannganman waan: «Elamfuɛ mun, amun `ko kun alɛ'n! Medifuɛ mun, amun `fa klɔ'n. N ´yo man fɛfɛlɛ'n kwlaa ɔ ´wie.»

Ezai 21:2 ပူးပေါင်းရင်းမြစ်များ

Bo Bolɛ 10:22

Sɛm wuli Elam, nin Azir, nin Arpaksad, nin Lid yɛ Aram.

2 Famiɛn Mun 17:6

Kɛ Oze yoli famiɛn'n, i afuɛ ngwlan'n su yɛ Salmanazar fali Samari klɔ nin-ɔn. Ɔ fali Izraɛlfuɛ mun ɔli Asiri. Ɔ man be trannin Ala. Klɔ sɔ'n wo Gɔzan lɔ nzue ba bɔ be flɛ i Kabɔr'n i nuan. Yɛ ɔ man wie'm be trannin Medifuɛ'm be klɔ'm bé su.

Jue Mun 119:158

Kɛ n wun be bɔ b'a kaci bé sin b'a si wɔ'n, b'ɔ ɔ ndɛ'n i su falɛ ti-man be ndɛ'n, bé wun yo min tɛ.

Jue Mun 12:5

Man ɔ nunnun be bɔ be se kɛ: «E si nga e ko kan nan y'a nyan kwlalɛ'n. E nuan waka'n wo lɛ. ?Wan cɛ yɛ ɔ kwla sie ye-ɔ?»

Jue Mun 25:3

Sran ng'ɔ lafi ɔ su'n, ɔ wun-man nyannzuɛn le. Be bɔ be yi wɔ blo'n, be yɛ be nin nyannzuɛn'n ɔ fata-a, nán be nyan like fi.

Jue Mun 60:3

Ee Nyanmiɛn, a yili e blo, a sanngannin e nun, a fali é wun ya sɔ, sanngɛ fa e sie e osu'n nun.

Jue Mun 79:11

Man bisuafuɛ'm be kplinlɛ'n to wɔ lɔ. Ɔ kwlalɛ bɔ a kwla dan'n ti, de be bɔ b'a bu be fɔ kɛ be ´kun be'n.

Nyanndra Mun 13:15

Sran ng'ɔ si ngwlɛlɛ'n, be bu i sran. Klunwifuɛ'm be atin'n ɔ ti mlinlɛ atin.

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 14:4

amun `sro jue ng'ɔ o yɛ'n wɔ Babilɔni famiɛn'n. Amun `se kɛ: Ai! ?Sran ng'ɔ sie sran mun bɔ tin be su'n, i liɛ a wie? ?Mianlɛ bɔ be mian sran mun kplɔlɔlɔ'n, i blɛ'n ɔ'a sin?

Ezai 14:7

Asiɛ wunmuan'n ɔ'a jɔ fɔuun, sran'm be klun ti jɔwa, be bo sro.

Ezai 22:6

Elam sonja'm b'a fa bé ta mun nin be ta mma mun. Sran'm be wo alɛ kakaklolo wie'm be nun, wie'm be o nnɛn kpanngɔ'm be su, be su ba. Sonja nga be fin Kir'n, be su yi be wue sasalɛ like mun fite.

Ezai 24:16

Be to jue asiɛ'n i awieliɛ lɔ, e ti. Be se kɛ: «Man be manman Nyanmiɛn b'ɔ yo sa i nuan su'n.» Sanngɛ n liɛ'n, n se min wun kɛ: «M'an mlin, m'an mlin, nyrɛnnɛn o n su.» Be nga be tu sran'm bé ja'n, be o be junman'n su. Be tu sran'm bé ja! Be di be junman'n.

Ezai 33:1

Ɔ bɔ a saci like'n bɔ be nian saci-man wɔ wie'n, ɔ yako! Ɔ bɔ a laka ɔ wiengu mun'n bɔ be nian laka-man wɔ wie'n, ɔ yako! Kɛ a ko wie ninnge'm be saci'n, be ´saci wɔ wie kusu. Kɛ a ko wie ɔ wiengu be laka'n, be ´laka wɔ be ´nyan wɔ wie kusu.

Ezai 35:10

Lɛ yɛ be ng'ɔ deli be'n be ´sin yɛ be ´sa bé sin be ´ba-a. Kɛ be ´ba'n, bé wun bɔ ´kpaja be'n ti, be ´to jue lele be wlu Siɔn lɛ. Aklunjuɛ'n ɔ ´yi be piɛ. Bé wun'n ´nyrɛn be, i ti be awlaboɛ'n nin be fɛfɛlɛ'n be wie.

Ezai 47:6

N fali min nvle'n nunfuɛ'm be wun ya, n yoli min sran sɔ'm be finfin, n yili be m mannin wɔ. W'a si-man be aunnvuɛ, yɛ sielɛ nga a sieli sran oke mun'n, ɔ yoli kekle.

Zeremi 25:25

N fa mannin Zimri famiɛn'm be kwlakwla. N fa mannin Elam famiɛn'm be kwlakwla. N fa mannin Medi famiɛn'm be kwlakwla.

Zeremi 31:20

Efraim ti mín wa kun bɔ n klo i. Min mma'm be nun'n, i yɛ n klo i dan-an. Kɛ m ´mɛn i ndɛ'n, wuun blɛ liɛ b'a se kɛ mín nyin `kpɛn kpɛn i su-ɔ. N klo i kekleke. I ti san n ´si i aunnvuɛ.» Anannganman'n yɛ ɔ kan sɔ-ɔ.

Zeremi 31:25

Afin be kwlaa nga b'a fɛ'n, n ´gua be anwlɛn su nzue. Be kwlaa nga be fɛfɛ'n, n ´fa like ng'ɔ fata'n m ´man be.»

Zeremi 45:3

‹A waan: M'an wun min nyrun ngboko! Laa min waan n wo afɛ nun, kannzu ato yɛ m buali-ɔ, sanngɛ Anannganman ɔ'a uka su siɛn'n. M'an kplin lele m'an fɛ ngbɛn, nán wunmiɛn bɔ kan sa yɛ n ko nyɛn i n ko lo-ɔ.› »

Zeremi 49:34

Zida famiɛn Sedesias blɛ su'n, ndɛ nga Anannganman'n fa wlali Zeremi nuan kɛ ɔ `kan man Elam'n yɛ.

Zeremi 49:35

Anannganman'n wan yoo: «Elam i ta bɔ i nun yɛ i fanngan'n wo'n, n wa bu nun.

Zeremi 50:14

Ta tofuɛ mun, an `sin be wa jranjran Babilɔni wun sɛsɛsɛ. Amun `to i wun ta. Nán an se kɛ amun ´yaci ta mma'n wie lɛ. Ɔ fɔnnin Anannganman wun ngboko, an `to i wun ta.

Zeremi 50:34

Sanngɛ bé ti ngondin tufuɛ'n ɔ lɛ wunmiɛn. Be flɛ i kɛ: Anannganman B'ɔ Sie Mɛn Wunmuan'n. Ɔ ´tu bé ti ngondin. Ɔ man be mɛn'n ´nyan fɔundi. I kunngba'n man Babilɔnifuɛ'm bé wun ´usu be.»

Zeremi 51:11

Akunndan nga Anannganman'n ɔ'a fa'n yɛlɛ Babilɔni nunnunlɛ. I yɛ ɔ wlawla Medi famiɛn mun kɛ be nin i be `yia nun nin-ɔn. Ɔ ´kunndɛ kɛ ɔ `tu i klunngbɔ i sua'n dunman nun. An `kpita amun cua'm bé nuan. An `sua be klɔun an `gua be amun pata'm be nun.

Zeremi 51:44

Anannganman'n wan yoo: «Babilɔni lɔ amuɛn nga be flɛ i kɛ Bɛl'n, e nin i y'a nyɛn i. Like ng'ɔ dili'n, n ´yo man ɔ ´fi. Ɔ man nvle-nvlefuɛ nga be kɔ lɔ beblebe'n, be ´yaci lɔ kɔlɛ. Talɛ ng'ɔ si Babilɔni wun'n, ɔ'a bu ɔ'a tɔ.

Zeremi 51:53

Sɛ bɔ Babilɔni fu lele ju nyanmiɛn su lɔ'n, sɛ i fiawlɛ'n yo klanman'n, sɛ b'ɔ ko fia kplɛ'n, kannzɛ ɔ yo sɛ'n m bɔbɔ n ´sunman i nunnunfuɛ mun be ´ko to i lɔ.» Anannganman'n yɛ ɔ kan sɔ-ɔ.

Ngwlɛ Yilɛ 1:22

Nán ɔ́ wla fi be klun wi'n su. Sa nga a fa yoli min'n, mín nyin kekle'n ti-ɔ, fɛ i sɔ sa'n yo be wie. M'an kplin lele min anwlɛn ba'n ɔ yo min ya siɛn'n.»

Daniɛl 5:28

LIKE NUN BUBULƐ'n i bo'n yɛlɛ kɛ: be bubuli ɔ famiɛn diwlɛ'n nun be mannin Medifuɛ mun nin Pɛrsfuɛ mun .»

Daniɛl 5:9

Kɛ ɔ yoli sɔ'n, srɛ kunnin famiɛn Bɛlsazar trali su, kpɛkuun i nyrun'n kacili. I sran dandan'm be kwlaa bé wla boli bé wun.

Daniɛl 8:2

Kɛ n ´cɛn laliɛ'n, n ´wun i-ɔ, n wo Sizi b'ɔ ti Elam akpasua'n i famiɛn klɔ'n su, n wo nzue nga be flɛ i Ilai'n i nuan lɛ.

Daniɛl 8:20

Bua nene b'ɔ lɛ wɛ nnyɔn bɔ a wunnin i'n, ɔ ti Medi nin Pɛrs be famiɛn'm be nzɔliɛ.

Sa nglô yile 13:10

Sran nga be sieli kɛ be `wlɛ bisua'n, san be ´wlɛ, yɛ sran ng'ɔ fa tokofi kun sran'n, san be ´fa tokofi kun i wie. I kwlaa sɔ'n nun'n, man be wun kɛ Nyanmiɛn i sran'm be lɛ anwlɛn yɛ be lafi i su .

1 Samiɛl 24:13

Anannganman bɔbɔ yɛ ɔ ´bu ndɛ sɔ nin-ɔn. Mín wun akunndan tɛ'n bɔ a bu'n ti Anannganman ɔ ´tu mín ti ngondin. M bɔbɔ n su ´yo-man wɔ like fi.