Ezai 20:2 - NYANMIƐN NDƐ'N 1998

² I blɛ sɔ'n nun yɛ Anannganman fali ndɛ wlɛli i Amɔz i wa Ezai i nuan kɛ ɔ kan nin-ɔn. Ɔ dun mmua seli i laa kɛ: «Ko yi bajɛ tralɛ b'ɔ ci wɔ afiɛn'n, yɛ yi ngbabua b'ɔ wo ɔ́ ja'n.» Ezai yoli i sɔ. Kɛ ɔ ´wlan-wlan sin'n, tralɛ nun-mɛn i wun, yɛ ngbabua nun-mɛn i ja.

Ezai 20:2 ပူးပေါင်းရင်းမြစ်များ

2 Samiɛl 15:30

David ´fu Olivie Oka'n kɔ'n, wuun ɔ ´sun. Tannin kɛtɛ i ti, ɔ nanti i ja ngbɛn. Tannin kata be kwlaa nga be nin i fu kɔ'n bé ti. Be ´kɔ'n, wuun be ´sun.

2 Samiɛl 6:20

David kusu ɔli i lika, i waan ɔ ´ko yrɛ i nuan man i awlofuɛ mun. Kpɛkuun Sail i wa Mikal fiteli, ɔ ko kpɛli i atin yɛ ɔ seli i kɛ: «Izraɛl famiɛn'n i wun kpalɛ ng'ɔ kpɛli i i sufuɛ bla nin yasua'm be nyrun lɛ'n man ɔ nyannin nyrun ndɛkɛn dan o! Ɔ kpɛli i wun kɛ sran ngbɛn wie sa!»

2 Famiɛn Mun 1:8

Be tɛli i su kɛ: «Sran sɔ'n, nyɔnngɔnmɛn ndrɛ tralɛ wlɛ i wun, kpɛkuun kplo kun ci i afiɛn.» Yɛ famiɛn'n waan: «Eli b'ɔ fin Tisbɛ nin-ɔn.»

Jue Mun 30:11

Anannganman, sie ɔ su. Si min aunnvuɛ. Anannganman, de min.

Ezipt Lɔ Tulɛ'n 3:5

Anannganman seli i kɛ: «Nán mantan susrɛ'n wa. Yi ɔ ja ngbabua'n, afin lika nga a o nun yɛ'n ti min Nyanmiɛn min lika.

Ezai 1:1

Amɔz i wa Ezai i aolia nun like ng'ɔ wunnin i'n, ɔ nin ng'ɔ tili'n, b'ɔ ti Zida nin Zerizalɛm bé wun ndɛ'n. Ɔ wunnin i Ozias, nin Zɔtam, nin Akaz, ɔ nin Ezekias bɔ be ti famiɛn'n bɔ be fin Zida'n be blɛ su.

Ezai 13:1

Sa nga Anannganman waan ɔ ´fa wla Babilɔnifuɛ'm be nun'n, bɔ Amɔz i wa Ezai wunnin i, b'ɔ tili'n yɛ:

Ezai 37:2

Eliakim b'ɔ ti famiɛn sua'n i su kpɛn'n nin Sɛbna b'ɔ ti fluwa klɛfuɛ'n, ɔ nin Nyanmiɛn nyrun jranfuɛ'm be nun kaklaakla mun'n, Ezekias sunmannin be Amɔz i wa Ezai b'ɔ ti Nyanmiɛn nuan ijɔfuɛ'n i sin. Kɛ be ´kɔ'n, bajɛ tralɛ o bé wun.

Zeremi 48:37

B'a kpu bé ti'm be su tɔɔn! B'a yi be akanza mun wauun! B'a bobo bé sa'm bé wun kannin sa nán sa yolɛ-ɔ. Bajɛ tralɛ'n wo be wun sɛsɛsɛ.

Ezekiɛl 24:17

Fɛfɛ ɔ klun lɔ, nán yo sɛ, fa ɔ kle'n, yɛ wla ɔ ngbabua'n kɛ titi'n sa. Nán kata ɔ nyrun, nán di sɛ aliɛ.»

Ezekiɛl 24:23

Amún ti wun tannin'm be ´ka lɛ, amun ngbabua'm be ´ka amún ja, amun su sun-man, amun su yo-man sɛ. I kusu'n, amun wa yo kokloo amun sa tɛ'm be ti, yɛ sran kun ɔ wa bo i wiengu su awuyomo .

Ezekiɛl 4:1

Anannganman'n kɛnnin i ekun kɛ: «Klɔ sran, fa bliki kun fa sie ɔ nyrun nan fa Zerizalɛm klɔ'n i nzɔliɛ'n fa klɛ su.

Ezekiɛl 4:5

Ɔ fɛlɛ'n i blɛ'n nin afuɛ nga be dili i sa tɛ'n i yolɛ'n nun'n ɔ ´sɛ. A wa sua Izraɛlfuɛ'm be sa tɛ'n i su afɛ'n sɔ lele cɛn ba ya nsan cɛn ba ablangwlan.

Mise 1:11

Safirfuɛ mun, an `fa amun nyrun nyannzuɛn'n nin amun wun ngbɛn'n be `sin be wɔ. Ɔ kle-man Zaananfuɛ'm be kɛ be `fin klɔ'n nun be `fite, nyinmuɛn'n b'ɔ o Bɛt-Aɛzɛl nyin bo'n ti. Ɔ man an kunman be kɔ i su-ɔ ɔ yo-man ye kun.

Mise 1:8

I sɔ'n ti n ´sun, n ´koko, n ´nanti mín ja ngbɛn ɔ nin mín wun ngbɛn. N ´kpan kɛ nsoso sa, n ´kplin kɛ klɔnsoklo sa.

Zakari 13:4

I sɔ blɛ nun'n, be nga be tɔn be wun suɛn kɛ be ti min nuan ijɔfuɛ sɔ'm be aolia nun ninnge nga be wun i'n, i kanlɛ ´yo be nyannzuɛn. Ɔ su kpɛn-man be klun kɛ be `wla nnɛn ndrɛ tralɛ nan be `lakalaka sran mun kun.

Matthieu 16:24

Kɛ ɔ yoli sɔ'n, ɔ seli i sɔnnzɔnfuɛ'm be kɛ sran nga i waan ɔ ´su n su'n, man ɔ klɛn i wun man min, yɛ ɔ ´suɛ i waka'n nan ɔ su n su.

Matthieu 3:4

Nyɔnngɔnmɛn ndrɛ tralɛ o Zan wun, yɛ kplo kun ci i afiɛn. Lalo nin wɛma nzue yɛ ɔ di-ɔ .

Jean 21:7

Yɛ sɔnnzɔnfuɛ nga Jésus klo i'n ɔ seli Piɛr kɛ: «E Min nin-ɔn!» Kɛ Simɔn Piɛr tili kɛ e Min'n, ɔ fɛ i tralɛ'n blɛblɛli i bo, afin i wun ti kplɛn, nan ɔ'a tɔ nzue'n nun.

Sa nga bé yôli'n 19:16

Yɛ bian bɔ like sɔ'n su i su'n, ɔ tɔli bé su, i wunmiɛn'n tinnin be liɛ'n su, ɔ yoli be tɛtɛ kpa lele kɛ be fin sua lɔ be ´fite'n, bé wun ti kplokplowa yɛ bé wun ti kplɛn.

Sa nga bé yôli'n 21:11

Ɔ fali Pɔl bo kplo'n, ɔ fa cili i bɔbɔ i ja nin i sa yɛ ɔ seli kɛ: «Nyanmiɛn Wawɛ'n waan: ‹Sran ng'ɔ lɛ kplo nga'n, kɛ Zuif'm be wa ci i kɛ nga sa Zerizalɛm lɔ, yɛ be ´fɛ i man be bɔ be ti-man Zuif'n.› »

Zozie 5:15

Anannganman i alɛ kunfuɛ'm be su kpɛnngbɛn'n seli Zozie kɛ: «Yi ɔ ja ngbabua'n, afin lika nga a o nun yɛ'n ti Nyanmiɛn liɛ .» Yɛ Zozie yili i ngbabua nin-ɔn.

Sa nglô yile 11:3

N yo man min ndɛ kanfuɛ nnyɔn'm be ´wla bajɛ tralɛ, be ´kan min ndɛ'n cɛn ba akpi kun cɛn ba ya nnyɔn cɛn ba ablesiɛn (1.260).»

1 Samiɛl 19:24

Ɔ yili i wun tralɛ'n kɛ be nga'm bé sa. Ɔ kannin Nyanmiɛn i nuan su ndɛ mun Samiɛl nyrun lɛ. Ɔ fɛli i wun kplɛn'n lali lɛ le kun sɔ'n nun ɔ nin kɔnguɛ. I sɔ'n ti, be fa di kata flɛnnɛn kɛ: «?Sail li, ɔ o Nyanmiɛn nuan ijɔfuɛ'm be nun wie?»