Ezai 20:1 - NYANMIƐN NDƐ'N 1998

¹ Kɛ Asiri sonja'm bé su kpɛn bɔ Sargɔn b'ɔ ti Asiri famiɛn'n sunmɛnnin i'n ɔ juli Asdɔd lɔ'n, ɔ nin lɛfuɛ'm be kunnin nan ɔ'a fa klɔ'n.

Ezai 20:1 ပူးပေါင်းရင်းမြစ်များ

2 Famiɛn Mun 18:17

Asiri famiɛn'n sunmannin sonja kpɛnngbɛn'm be su kpɛn'n, nin i mantanfuɛ'n, ɔ nin safunyrɛn b'ɔ dun alɛ'n i mmua'n Ezekias sin Zerizalɛm. Kɛ be ´kɔ'n, be nin sonja kpanngban kpa yɛ be ɔli-ɔ. I blɛ sɔ nun'n, wuun i bɔbɔ o Lakis. Be ɔli. Kɛ be juli Zerizalɛm klɔ'n nun lɛ'n, be jrannin nglo lɔ fɛtɛ'n i mmuɛ'n bɔ be yili'n i wun lɛ. Lika sɔ'n wo ble wlafuɛ'm be lika'n i wun lɛ.

2 Be Nyoliɛ 26:6

Ozias nin Filistifuɛ'm be ko kunnin. Ɔ sacili Gat, nin Zabne, ɔ nin Asdɔd be talɛ mun. Klɔ nga be mantan Asdɔd'n, ɔ sili wie'n be wun. Yɛ ɔ sili Filistifuɛ'm be klɔ wie'n bé wun.

Ezai 14:31

Anuan nga amun wo klɔ bɔ be si bé wun'n be nun'n, amun ´bo awuyomo, amun ´kpan kekle kpa. Filistifuɛ'm be kwlaa bé sa sin ɔ'a bubu be, afin sin wɛnsrɛn'n fin mɛn'n i nglo lɔ ba. Be kpɔfuɛ'm bé nuan ti yiawa, sran fi a ka-man siɛn.

Zeremi 25:20

N fa mannin Ezipt lɔ nvle fanunfanun'm be nunfuɛ mun. N fa mannin Iz mɛn nun lɔ famiɛn'n be kwlakwla. N fa mannin Filisti mɛn'n nun lɔ famiɛn'm be kwlakwla, i Askalɔn lɔ liɛ mun o, nin Gaza lɔ liɛ mun o, nin Ekrɔn lɔ liɛ mun o, ɔ nin Asdɔd mɛn nunfuɛ'n be onga nga be ka'n.

Amɔs 1:8

N ´nunnun Asdɔdfuɛ mun nin famiɛn ng'ɔ sie Askalɔn'n. N ´tu mín nyin n ´wɔ Ekrɔnfuɛ mun. Filistifuɛ'm be kwlaa nga be ka'n be ´wie wu.» Anannganman'n yɛ ɔ kan sɔ kle amun-ɔn .

Zozie 11:22

Anakfuɛ ba kun sa ɔ'a ka-man Izraɛl mɛn'n nun san Gaza, nin Gat, ɔ nin Asdɔd lɔ yɛ wie kali-ɔ.

1 Samiɛl 5:1

Filistifuɛ'm be fali Nyanmiɛn i alaka'n Ebɛn-Ezɛr lɛ be ɔli Asdɔd.

1 Samiɛl 6:17

Putɛputɛ'n i ba nga Filistifuɛ'm be fa sika ɔkwlɛ be yoli'n, ɔ ti sa nga be yoli'n i ti kpatalɛ like. Be fa mannin Anannganman. Be nga be yoli mun be yɛ: Asdɔdfuɛ mun, Gazafuɛ mun, Askalɔnfuɛ mun, Gatfuɛ mun, yɛ Ekrɔnfuɛ mun. Klɔ kun su be yo kun klɔ kun su be yo kun.