Ezai 2:7 - NYANMIƐN NDƐ'N 1998

⁷ Be di-man sika ɔkwlɛ'n nin jɛtɛ ufue'n be yalɛ bé mɛn'n nun. Be ninnge kpakpa'm be sɔnnin tratra su. Be nnɛn kpanngɔ be sɔnnin kpa. Be alɛ kakaklolo'm be ti kpokpaa sɔ ngbɛn .

Ezai 2:7 ပူးပေါင်းရင်းမြစ်များ

Zɔb I Nyrɛnnɛn Wunlɛ 3:15

E nin famiɛn i awlo lɔ sran dandan mun nga be lɛ sika ɔkwlɛ, bɔ jɛtɛ ufue'n ɔ'a yi bé sua mun'n, wuun e nin be y'a la-man ndia'n nun diin!

Jue Mun 20:7

Siɛn'n m'an wun i kɛ Anannganman de famiɛn b'ɔ sieli i'n. Kɛ ɔ o nyanmiɛn su lɔ kan ɔ tran lɔ'n, ɔ tie i srɛlɛ'n yɛ ɔ tɛ i su. Ɔ tu i klun ukɛ i, ɔ de i.

Ezai 30:16

Amun waan: ‹E kplin-man su, e ´fu e nnɛn kpanngɔ'm be su e ´wanndi e kɔ.› Ɔ ´yo sɔ bɔ le, sanngɛ amun su kɔ-man sa ngbɛn, san be ´fuan amun yɛ amun ´wanndi kɔ-ɔ. Amun waan: ‹E ´fu e nnɛn kpanngɔ nga bé ja nun yo mmlɛ'n be su yɛ e ´kɔ-ɔ.› Ɔ ti sɔ, sanngɛ be bɔ be ´fuan amun'n, be wa kwla wanndi tra amun.

Ezai 31:1

Be nga be kɔ Ezipt kɛ be ´ko kunndɛ ukalɛ'n be yako. Nnɛn kpanngɔ'm be su yɛ be bu be akunndan'n be gua-a. Alɛ kakaklolo kpanngban'm be su yɛ bé wla'n wo-ɔ. Nnɛn kpanngɔ su fufuɛ'm be su yɛ be kisa-a, afin be si alɛ kun. Be kpɛ-man bé nyin Izraɛl Nyanmiɛn'n i wun lɔ, be usa-man Anannganman osu.

Ezai 57:17

Izraɛlfuɛ'm bé sa tɛtɛ nga be yoli be'n, ɔ man ya kunnin min nan m'an tu be fɔ. N fali ya, i ti n kacili ń sin n sili be. Sanngɛ b'a yaci-man bé nyin kekle'n i yolɛ, nga be waan be ´yo'n yɛ be yoli-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 14:3

An `sa amun sin bla Anannganman'n i wun. An `se i kɛ yoo: «Yaci é sa tɛ'm be kwlaa cɛ ye, manmanlɛ nga e manman wɔ'n, man ɔ yo wɔ fɛ! Nán yi ɔ́ nyin é wun, tɛ nga e ko yi e ko man wɔ'n, yɛlɛ wɔ ayɛ yilɛ nga e ´yi i yɛ'n.

Mise 5:10

N ´nunnun amun mɛn'n nun klɔ mun, m ´bubu amun klɔ nga be sili be wun mun.

Sa nglô yile 18:3

afin ɔ man nvle-nvlefuɛ'm be kwlaa b'a nɔn i nzan'n. I nzan sɔ'n yɛlɛ i tekle bolɛ dan'n. I yɛ ɔ ti bla bɔ asiɛ'n su famiɛn'm be nin i lali nin-ɔn. Ninnge kpakpa'm b'ɔ kunndɛ be dan'n ti'n, asiɛ'n su aata difuɛ'm b'a nyan bé wun .»