Ezai 2:6 - NYANMIƐN NDƐ'N 1998

⁶ W'a yi ɔ nvle'n nunfuɛ'm be ase. W'a yi Zakɔb i osu'n nunfuɛ'm be ase. Afin wia afiliɛ lɔfuɛ'm be nzuɛn'n yɛ be fa-a, be yi wunnzue kɛ Filistifuɛ'm be sa, yɛ be nin nvle kun nga'm be nunfuɛ'm bé bo ti kun .

Ezai 2:6 ပူးပေါင်းရင်းမြစ်များ

2 Famiɛn Mun 1:2

Le kun Akazia fin i nglo sua ng'ɔ o Samari lɔ'n i fenɛtri nun tɔli. Like yaya yoli i, yɛ ɔ sunmannin i sufuɛ wie'm be kɛ be ko usa Ekrɔnfuɛ'm be amuɛn'n bɔ be flɛ i Baal-Zɛbib'n kɛ like nga ɔ'a yo i yɛ'n, ɔ ´jaso.

2 Famiɛn Mun 17:20

Anannganman yili Izraɛlfuɛ'm be kwlaa be ase. Ɔ guali bé nyin ase. Ɔ fali be wlali nvle wie'm bé sa nun kɛ be fɛn bé bo ninnge mun. I sin ɔ fuannin be.

1 Be Nyoliɛ 10:13

Sa ti bɔ Sail wuli'n yɛlɛ kɛ ɔ kacili i sin sili Anannganman. Ɔ'a fɛ-mɛn i ndɛ'n su. Yɛ ɔ ɔli be nga be nin wunmiɛn'm be ijɔ'n bé sin bɔbɔ .

2 Be Nyoliɛ 15:2

Azaria ko toli Aza-a. Ɔ seli i kɛ: «Nannan Aza, a nin Zidafuɛ mun, nin Bɛnzamɛnfuɛ mun kwlaa, amun `tie, n ´kan ndɛ. Sɛ amun nin Anannganman o nun'n, i kusu nin amun wo nun. Sɛ amun fa amun wun mɛntɛn i'n, ɔ ´yo man amun ´wun i. Sɛ amun kpɔci i'n, ɔ ´kpɔci amun.

2 Be Nyoliɛ 24:20

Anannganman i Wawɛ'n jrali Zɛozada wa Zakari b'ɔ ti Anannganman bɔbɔ nyrun jranfuɛ'n i su. Ɔ jrannin nzrafuɛ'm be nyrun, nan ɔ'a se be kɛ: «Amun `tie ndɛ nga Anannganman kan'n. I wan yoo: ‹?Ɔ yo sɛ ti yɛ amun fa-man min mmla'm be su-ɔ? Amun yo like fi-ɔ, ɔ su yo-man ye, afin amu'an kaci amun si b'a si min. I ti'n, n kusu n ´kpɔci amun.› »

Neemi 13:23

I blɛ sɔ nun'n, n wunnin kɛ Zuif wie'm b'a ja Asdɔd, nin Amɔn, ɔ nin Moab bla mun.

Jue Mun 106:35

Be fali bé wun ko wlɛli i nvle kun nga'm be nunfuɛ bɔ be si-man Nyanmiɛn'n be nun. Nvle sɔ'm bé sa nga be yo'n, be niannin su be yoli wie.

Ezipt Lɔ Tulɛ'n 22:18

Sran ng'ɔ nin nnɛn be la'n, man be kun sran sɔ'n.

Ezipt Lɔ Tulɛ'n 34:16

I kunngba'n, kɛ ɔ ´yo nan amu'an fa-man lɔ bla amu'an man-man amun wa yasua mun, nan bla sɔ'm be kusu kɛ be ´sɔ be amuɛn mun'n, b'a cuɛn-man amun mma liɛ mun b'a wla-man amuɛn sɔ'm be sɔlɛ nun wie'n ti.

Nyanndra Mun 6:1

Mín wa, sɛ sran kun ´ko usa sran wie afɛ'n nan sɛ wɔ yɛ a dun mmua i nyrun'n, b'ɔ ti kɛ sɛ ɔ'a kwlɛ-mɛn i tannin-ɔn wɔ yɛ be si wɔ'n,

Ezai 14:29

Amun Filistifuɛ mun kwlaa, nán amun klun jɔ waka nga be fa boli amun'n i bubulɛ bɔ ɔ'a bubu'n ti! Yɛlɛ kɛ ɔnda ´fite wuo'n i osu'n nun, yɛ dragɔn b'ɔ tu'n, ɔ ´fin i nun fite.

Ezai 8:19

Sran wie'm be se kɛ: «Be nga be nin wunmiɛn mun ijɔ'n, bɔ be tu be aswre'n, bɔ be ijɔ blɛblɛblɛ be kan sa nga be wa ju'n, amun `wɔ bé sin.» Be se ekun kɛ: «Sɛ sran'm be usa be amuɛn'm be sa-a ɔ ti-man tɛ. Yɛ sɛ sran kun usa wunmiɛn'm be sa sran wie'm be dunman nun'n, ɔ ti-man sa.» Sɛ be se amun sɔ'n,

Zeremi 10:2

Anannganman'n wan yoo: «Nán an sɔnnzɔn nvle kun nga mun. Nzɔliɛ ng'ɔ fite nyanmiɛn'n b'ɔ la nglo lɔ plaii'n i su'n b'ɔ yo nvle kun nga'm be sro'n, nán be yo amun sro.

Zeremi 12:7

«M'an yi min awlo'n m'an man gua. M'an yi min aja'n i ase. M'an yi like nga n klo i lele tratra su'n m'an wla min kpɔfuɛ'm be sa nun.

Ngwlɛ Yilɛ 5:20

?Nguɛ ti yɛ ɔ́ wla ɔ ´fi é mlɔnmlɔnmlɔn sa-a? ?Nguɛ ti yɛ ɔ waan a ´yi e blo sa tititi nin-ɔn?

Saun Yolɛ 19:31

Sran nga be nin wunmiɛn be ijɔ'n, ɔ nin wunnzue yifuɛ mun'n, nán amun nin be di mɛn. Sɛ ɔ ti-mɛn i ti-ɔ, fiɛn ɔ ´kan amun . Min yɛ n ti Anannganman amun Nyanmiɛn nin-ɔn.

Saun Yolɛ 20:6

Sran nga ɔ nin wunmiɛn'n ijɔ annzɛ ɔ yi wunnzue'n, i sɔfuɛ ɔ ti amuɛn sɔfuɛ, i sɔfuɛ'n, e nin i e lɛ i. N ´kɛn i bo Izraɛl nvle'n nun.

Mise 5:11

N ´saci amun wunnzue yilɛ ninnge mun, kɔmiɛnfuɛ su tran-man amun lɔ kun.

Mise 5:12

N ´nunnun amun amuɛn nga amun kplan be'n, nin amun waka sran mun. An su koto-man amun bɔbɔ amún sa nuan ninnge'm be bo kun.

Sofoni 1:8

«Mín tɛ yilɛ cɛn sɔ nun'n, i kpɛnngbɛn mun o, i famiɛn awlo lɔ sran dandan mun o, n ´tu be fɔ. Be kwlaa nga be fa nvle uflɛ'm be nzuɛn'n, n ´tu be fɔ .

Kalɛ 23:7

Balaam seli kɛ: «Moab famiɛn Balak ko flɛli min Siri mɛn'n nun lɔ oka-oka lika'n nun lɔ kɛ m bla wa. Ɔ seli min kɛ: Bla nan w'a bo Izraɛlfuɛ'm bɔ be ti Zakɔb i osu'n nunfuɛ'm be sannzan. Yo nan nyrɛnnɛn `tɔ bé su.

Rɔmfuɛ Mun 11:20

Ɔ ti sɔ. Nyanmiɛn bɔ be lafi-mɛn i su kpa'n ti yɛ be kpɛkpɛli be-ɔ, ɔ kusu, i su bɔ a lafi'n ti yɛ man a o lɛ-ɔ. Nán tu ɔ wun, sanngɛ nian ɔ wun kpa,

1 Samiɛl 6:2

Filistifuɛ'm be flɛli be amuɛn nyrun tranfuɛ ɔ nin be kɔmiɛn difuɛ mun nan b'a usa be kɛ: «?E ´yo Anannganman i alaka'n sɛ? ?E ´yo i sɛ nan y'a fa sɛ i sin i osu lɔ?»