Ezai 2:20 - NYANMIƐN NDƐ'N 1998

²⁰ I cɛn sɔ nun'n, sran'm be amuɛn mun bɔ be fa jɛtɛ ufue yoli be kɛ be ´koto bé bo'n, ɔ nin be amuɛn mun bɔ be fa sika ɔkwlɛ yoli be kɛ be ´koto be bo'n, be ´to be gua gbekle nin akpannin'm be bo.

Ezai 2:20 ပူးပေါင်းရင်းမြစ်များ

Bo Bolɛ 35:4

Yɛ be fali amuɛn ng'ɔ o bé sa nun'n kwlaa nin be asunmanndi mun mannin Zakɔb-ɔ. Nan Zakɔb ɔ'a fa ninnge sɔ mun ɔ'a wla be ase sɛni waka ng'ɔ o Sisɛm lɛ'n i bo.

Akunndanfuɛ'n 3:6

Ɔ lɛ blɛ kun bɔ be fa kunndɛ like-ɔ, yɛ ɔ lɛ blɛ kun bɔ be fa saci like bɔ be nyɛnnin nin-ɔn. Ɔ lɛ blɛ kun bɔ be fa yia like su-ɔ, yɛ ɔ lɛ blɛ kun bɔ be fa yi like blo-ɔ.

Ezai 10:3

?Fɔ bulɛ cɛn nun'n, nin nyrɛnnɛn ng'ɔ fin mmua ba'n i cɛn nun'n, amun ´yo i sɛ? ?Wan yɛ amun ´wanndi ko talo i-ɔ? ?Yɛ nin yɛ amun ´yaci amun anyanbeun ninnge mun-ɔn?

Ezai 17:8

Ɔ su kpɛ-mɛn i nyin amuɛn sɔwlɛ nga i bɔbɔ yoli'n be su. Amuɛn b'ɔ fɛli i bɔbɔ sa yoli be'n nin waka b'ɔ takali be'n, ɔ nin ansans yrawlɛ mun, ɔ su fɛ-mɛn i nyin sie-man be su kun.

Ezai 30:22

Amun amuɛn mun bɔ amun klo jɛtɛ ufue annzɛ sika ɔkwlɛ gua be wun'n, amun `bu be like fiɛnfiɛn. Amun `gua be blo kɛ be gua like tɛtɛ'm be blo'n sa. Amun `se be kɛ: «Amun `fɛ li sɔ'n be fite lɔ.»

Ezai 31:7

Cɛn sɔ nun'n, amun amuɛn bɔ be ti sika ɔkwlɛ annzɛ jɛtɛ ufue'n, bɔ amun fa amún sa yoli'n, amun ´gua be blo.

Ezai 40:19

Sran'm bɔ bé sa si ngwlɛlɛ'n, be yɛ be yi amuɛn mun-ɔn, be yɛ be klo like kɛ blalɛ sa'n be fa yo be-ɔ. Yɛ ajuin difuɛ'm be klo sika ɔkwlɛ gua amuɛn sɔ'm bé wun, kpɛkuun be fa jɛtɛ ufue jrɔkɔ kanngan sende-sende bé wun.

Ezai 46:1

Bɛl ɔ'a koto, Nɛbo ɔ'a klu. Amun fa be nzɔliɛ mun sie nnɛn nga be sua trɔ'n be su. Be sua be kɛ trɔ sa. Be kaci trɔ nɔnnin-nɔnnin nnɛn sɔ'm bɔ b'a fɛ'n be su.

Ezai 46:6

Sran wie'm be fa sika ɔkwlɛ be bɔlɛ'n nun, yɛ be sunnzun jɛtɛ ufue toe su, yɛ be fa ajuin difuɛ kɛ ɔ `fa sika sɔ'n ɔ `yi amuɛn man be. Kpɛkuun be su amuɛn sɔ'n, be koto i bo.

Ezekiɛl 14:6

I sɔ'n ti kan kle Izraɛlfuɛ'm be kɛ: ‹Anannganman Nyanmiɛn'n wan yoo: An `sa amún sin, an `kaci amún sin si amun amuɛn mun. Nán an kpɛ amún nyin amun tete ninnge'm be su kun.

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Ezekiɛl 7:19

Be ´to be sika'n be ´guɛ klɔ'n nun atin'm be nun. Be sika ɔkwlɛ'n ´saci. Afin cɛn nga Anannganman i ya dan'n ɔ jaso'n, be jɛtɛ ufue nin be sika ɔkwlɛ'm be su kwla-man be de, be ku su yi-man kun, yɛ be klun su like nga be waan be ´yo'n, be su kwla yo-man. Afin jɛtɛ ufue nin sika ɔkwlɛ'n ti yɛ be tɔli tɛ nun nin-ɔn .

Ndɛ Nga Nyanmiɛn I Nuan Ijɔfuɛ Oze Kannin'n 14:8

Be nga be ti min liɛ'n, sɛ n ´kwla se'n be wa tran min fɔnvɔ'n bo, be wa lua ble mma, be ´nyin kɛ vinyi sa, be dunman'n ´fu kɛ Liban nzan'n sa.

Saun Yolɛ 11:19

ɔ nin awieman, nin wɔngɔ nin i wafa'n kwlaa, nin beyra'n, ɔ nin akpannin'n.

Sofoni 2:11

Anannganman'n su yo-man be blɛblɛ, ɔ ´kuakua asiɛ'n su amuɛn fanunfanun mun. Ɔ man nvle nga be o mmua-mmua kpa'n be ´koto i bo bé mɛn'm be nun sɛsɛsɛ .

JÉSUS-CHRIST I DYASIN FE'N BO LUC KLELI'N 23:30

Yɛ be ´se kɛ: ‹Oka mun ee, amun tɔ e su o! Kpɔlɛ mun ee, amun kata e su o !›