Ezai 2:2 - NYANMIƐN NDƐ'N 1998

² Cɛn wie lele'n, oka nga Anannganman i sua'n kplan su'n, ɔ wa taka oka'm be su, yɛ ɔ ´yo fleiin tra kpɔlɛ mun. Nvle-nvle'm be kwlaa be ´tu sa kpu be kɔ lɔ.

Ezai 2:2 ပူးပေါင်းရင်းမြစ်များ

Bo Bolɛ 49:1

Zakɔb flɛli i mma mun, ɔ seli be kɛ: «An `yia man n kan sa nga ɔ wa ju amun su cɛn wie'n n kle amun.

Zɔb I Nyrɛnnɛn Wunlɛ 19:25

N si kɛ min ti kpɔfuɛ'n ɔ lafi-man. Asiɛ nga su wa'n, i yɛ ɔ ´jaso kasiɛn ɔ ´kan ndɛ kasiɛn nin-ɔn .

Jue Mun 102:23

blɛ nga bɔ mɛnfuɛ mun nin famiɛn diwlɛ'm be nunfuɛ'm be ´yia be ´su i'n.

Jue Mun 2:8

Sɛ ɔ waan n fa mɛnmɛn mun m `man wɔ'n, sɛ ɔ waan n fa asiɛ'n i lika'n kwlaa n `fa man wɔ'n, kan nan n fa man wɔ, be ´yo ɔ liɛ.

Jue Mun 22:27

Yalɛfuɛ'm be ´di aliɛ be ku ´yi. Be nga be fa bé wun mantan Anannganman'n, be´mɛnmɛn i yɛ be ´nyan nguan tɛnndɛn.

Jue Mun 22:28

Be kwlaa nga be tran asiɛ wunmuan'n su, kannzɛ be o mmua o, man be bu Anannganman i akunndan, yɛ be blɛ i sin. Awlobo-awlobo nga be o nvle-nvle'm be nun'n, man be nunfuɛ'm be kwlaa be koto i bo!

Jue Mun 48:2

Anannganman ti dan. Kɛ ɔ o i bɔbɔ i klɔ'n nun nin i oka'n su'n, ɔ nin manmanlɛ fata lele tra su.

Jue Mun 68:17

?Amun bɔ amun sɔ ninnge mun oka bɔ i ti'm be sɔnnin'n su'n, onin yɛlɛ amun nyin bɔ amun fa blo be nga be sɔ Anannganman i oka b'ɔ kloli i'n b'ɔ fɛli i kɛ ɔ ´fa yo i tranwlɛ'n i wun'n? Anannganman ´tran lɛ titi.

Jue Mun 72:8

Man i yɛ ɔ sie mɛn nin-ɔn . Ɔ `sie i kɛ ɔ fɛ i asiɛ'n i bue kun su b'ɔ ´fa ju i bue kun lɔ'n su'n, yɛ kɛ ɔ fɛ i Efrat'n nuan b'ɔ ´fa ju asiɛ'n i awieliɛ lɔ'n.

Jue Mun 86:9

Min Min, wɔ yɛ a yili nvle-nvlefuɛ'm be kwlaa-a. Be wa ba, be wa koto ɔ bo, be ´bo flɛ wɔ ɔ nyrun nyannyan'n ti.

Jue Mun 87:1

Jue nga ti Kɔre i sran'm be liɛ. Be waan: Zerizalɛm'n taka Nyanmiɛn i oka'm be su.

Jue Mun 87:2

Anannganman i klɔ bɔ yɛlɛ Zerizalɛm klɔ'n, ɔ klo i tra Zakɔb i lika'm be kwlakwla.

Ezai 11:10

I cɛn sɔ nun'n, sran ng'ɔ wa jaso su Izai osu nun'n, ɔ wa yo sran'm be nzɔliɛ like. Nvle-nvle'm be nunfuɛ'm be ´kpɛ bé nyin i wun lɔ. Yɛ i tranwlɛ'n ´yo anyrunnyan lika.

Ezai 25:6

Anannganman b'ɔ sie mɛn wunmuan'n, ɔ man be ´tɔn aliɛ be ´man sran'm be kwlakwla Siɔn oka'n su. Be ´tɔn aliɛ fɛfɛ kpa, be ´sie su nzan fɛfɛ. Nnɛn bɔ lui o nun kpa'n yɛ be ´fa tɔn like sɔ nin-ɔn, nzan fɛfɛ b'ɔ ti weiin kpa'n yɛ be ´fa sie su-ɔ.

Ezai 27:13

I cɛn sɔ nun'n, be ´fita nnɛn wɛ dan'n nun. Yɛ be nga be sanngan Asirifuɛ'm be nun'n, ɔ nin be nga be bo sanndili Ezipt mɛn'n nun'n, be ´koto Anannganman i bo oka b'ɔ ti i liɛ'n klonglo'n b'ɔ o Zerizalɛm lɔ'n su .

Ezai 30:29

Sanngɛ amun liɛ'n, amun wa to jue kɛ cɛn bɔ be di i kɔnguɛ'n sa. Amun klun wa jɔ kɛ be su bo blo nan amun su kɔ Anannganman b'ɔ ti kɛ Izraɛlfuɛ'm be yɛbuɛ sa'n i oka'n su lɔ sa.

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Ezai 56:5

n ´klɛ be dunman'n min sua'n nun lɔ talɛ'n i lika kun su. I sɔ'n ti kpa tra kɛ b'a nyan ba bla mun nin ba yasua mun'n. M ´man be dunman kun b'ɔ ´ka lɛ tititi, sran fi su nunnun-mɛn i.»

Ezai 56:7

n ´fa be m ba m bɔbɔ min oka'n su wa, be ´su min min srɛwa sua'n nun, yɛ n ´yo man be klun ´jɔ. Bé tɛ bɔ be yra be nnɛn'n kɔlikɔli'n nin be sraka mun'n, n ´sɔ be nun min sɔwlɛ'n su, afin be ´flɛ mín sua'n kɛ Nvle-nvlefuɛ'm be Kwlaa be Nyanmiɛn Srɛlɛ Sua .

Ezai 60:3

Nvle-nvle'm be nunfuɛ'm be wa nanti ɔ lika b'ɔ kpaja weiin'n nun, yɛ famiɛn wie'm be ´nanti ɔ lika b'ɔ kpaja weiin sɔ'n i nun wie.

Ezai 65:11

Sanngɛ amun bɔ amun wanndili min'n, bɔ amún wla fili min oka'n i atin'n su'n, bɔ amun man Gad i aliɛ'n, bɔ amun man Mɛni i nzan'n,

Ezai 66:20

Sran sɔ'm bɔ n ´sunman be'n, be ´fa amun niaan bɔ be o nvle-nvle'm be kwlaa be nun lɔ mun ´ba: be ´ba nnɛn kpanngɔ'm bé su, nin kakaklolo'm bé su, nin kakaklolo bɔ be kata bé su'm be su, nin milɛ'm bé su, ɔ nin nyɔnngɔnmɛn'm bé su. Be ´fa be ba lele ´ju min oka'n su Zerizalɛm wa. Ɔ ´yo kɛ be sraka liɛ yɛ be su yi be man min sa. N ´sɔ nun kɛ Izraɛlfuɛ'm be sraka ninnge'm bɔ be guɛ i like saun nun be fa blɛ min min sua'n nun lɔ'n sa.» Anannganman yɛ ɔ se sɔ-ɔ.

Ezai 66:23

«Kɛ ɔ yo sɔ'n, anglo le kun kwlakwla nin le mɔcuɛ'n nun wunmiɛn-delɛ-cɛn'n kwlaa nun'n, sran'm be kwlaa be ´ba, be wa koto mín bo.» Anannganman yɛ ɔ se sɔ-ɔ.

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Zeremi 23:20

Sɛ a ´wun kɛ Anannganman'n i ya'n ɔ ´jɔ'n, wuun sa ng'ɔ guguli kɛ ɔ ´yo'n ɔ'a wie kwlaa yo. Cɛn wie yɛ amun wa wun i wlɛ-ɔ.

Zeremi 26:18

«Ezekias b'ɔ ti Zida famiɛn'n i blɛ su'n, Mise b'ɔ fin Mɔresɛt'n ɔ kannin Nyanmiɛn nuan ndɛ kleli Zidafuɛ'm be kwlaa kɛ: ‹Anannganman b'ɔ sie mɛn wunmuan'n wan yoo: Siɔn ´yo kɛ asiɛ bɔ b'a funndan nun sa. Zerizalɛm ´kaci kɛ yɛbuɛ yɛ b'a tiɛn i nuan'n sa, yɛ oka nga Nyanmiɛn i sua'n wo su'n ɔ ´kaci bo.›

Zeremi 3:17

I blɛ sɔ nun'n, be ´flɛ Zerizalɛm klɔ'n kɛ: Anannganman I Famiɛn Bia. Nvle'm be kwlaa be ´ba min wun wunlɛ Zerizalɛm lɛ. Be ´yaci be akunndan tɛtɛ bɔ i cɛ yɛ be waan be ´fa su'n.

Zeremi 30:24

Anannganman i ya dan ng'ɔ fali'n, ɔ ´yo i kwlaa ng'ɔ guguli kɛ ɔ ´yo'n kwlaa nan ɔ'a wie. Cɛn kun amun ´wun i sɔ'n i wlɛ.»

Zeremi 31:12

Be ´bo sro be ´ba Siɔn oka'n su. Be ´wanndi yɛ be ´ba ninnge nga Anannganman'n fa man be'n i falɛ-ɔ, ɔliɛ ble o, nzan lɔflɛ o, ngo uflɛ o, bua o, boli o, nannin o. Be klun'n ´jɔ, be ´yo kɛ fie bɔ nzue tɔ su'n bɔ i su jɔ flɔlɔ'n sa. Be su yo-man kɛ asiɛ b'ɔ su srɛ nzue'n sa.

Zeremi 48:47

Anannganman wan yoo: ‹Sanngɛ cɛn wie lele n ´fa Moabfuɛ mun n ´sie be osu laa nun.› » Ndɛ nga Anannganman kɛnnin i nyrɛnnɛn ng'ɔ wa tɔ Moab su'n i awieliɛ'n yɛ.

Zeremi 49:39

«Sanngɛ cɛn wie lele n ´yo man Elamfuɛ'm be ´sa be sin be osu laa'n nun.» Anannganman'n yɛ ɔ kan sɔ-ɔ.

Zeremi 51:44

Anannganman'n wan yoo: «Babilɔni lɔ amuɛn nga be flɛ i kɛ Bɛl'n, e nin i y'a nyɛn i. Like ng'ɔ dili'n, n ´yo man ɔ ´fi. Ɔ man nvle-nvlefuɛ nga be kɔ lɔ beblebe'n, be ´yaci lɔ kɔlɛ. Talɛ ng'ɔ si Babilɔni wun'n, ɔ'a bu ɔ'a tɔ.

Ezekiɛl 38:16

A wa kata min nvle Izraɛl'n i su kɛ aosin bɔ ɔ'a kata mɛn'n su'n sa. Gɔg, kɛ ɔ ´cɛ lele'n, n ´fa wɔ a ko tɔ min mɛn'n su kɛ ɔ ´yo nan nvle-nvle'm b'a si min'n ti, yɛ n fa wɔ n kle be kɛ min nzuɛn'n nin klɔ sran liɛ'n ti-man kun.»

Ezekiɛl 40:2

Aolia nun'n, Nyanmiɛn mannin min su ɔli Izraɛl mɛn'n nun. Ɔ ko sieli min oka kendenglein kpa kun i ti su. I bue ng'ɔ kaci mɛn'n i ngua lɔ'n, sua'm be o lɛ, be ti kɛ klɔ wie sa.

Daniɛl 10:14

M bali kɛ n wa fa like ng'ɔ wa ju ɔ nvle'n su blɛ ng'ɔ ´ba lɔ'n nun'n n kle wɔ. Afin a wa wun aolia nun like uflɛ b'ɔ ti blɛ sɔ'n nun lɔ ndɛ.›

Daniɛl 2:28

Sanngɛ nglo lɔ, Nyanmiɛn kun wo lɔ i yɛ ɔ tike nvialiɛ nun sa'm be su-ɔ. Nannan Nɛbikadnɛzar, Nyanmiɛn sɔ'n yɛ ɔ su fa sa ng'ɔ wa ju blɛ ng'ɔ ´ba lɔ nun'n kle wɔ-ɔ. Kɛ a ´lafi'n, laliɛ nga a cɛnnin'n yɛ.

Daniɛl 2:35

Kɛ ɔ yoli sɔ'n, i blalɛ o i aaba o, i jɛtɛ ufue o, i sika ɔkwlɛ o, be kwlaa be fufuli kpɛ kunngba, be kacili ndutre. Aunngban'n mannin be su kɛ ɔ fa man ble ja'n su sa, ɔ fitali be ɔli, b'a wun-man be osu mlɔnmlɔn kun. Sanngɛ yɛbuɛ b'ɔ wa finnin like ng'ɔ ti kɛ waka sran sa'n, ɔ kacili oka dan kpa kun, yɛ ɔ dili asiɛ wunmuan'n .

Daniɛl 2:45

I nyanndra yɛlɛ yɛbuɛ nga bɔ nán sran yɛ ɔ toli-ɔ, b'ɔ fɛ i oka'n su lɔ vii ɔ wa fufuli blalɛ, nin aaba, nin wufa, nin jɛtɛ ufue, ɔ nin sika ɔkwlɛ'n be nun bɔ be kacili sanmlɛn'n. Nannan, Nyanmiɛn Kpli'n fali sa nga be wa ju'n kleli wɔ. Ɔ laliɛ'n ɔ ti sa nga be wa ju'n be nglo yilɛ sakpa, yɛ i bo nga n ´tu kle wɔ yɛ'n kusu, bu i nanwlɛ, yɛ lafi su.»

Ndɛ Nga Nyanmiɛn I Nuan Ijɔfuɛ Oze Kannin'n 3:5

Kɛ ɔ ´cɛ kɔ'n, Izraɛlfuɛ'm be wa sa bé sin be ´kunndɛ Anannganman b'ɔ ti be Nyanmiɛn'n. Be wa sa bé sin be ´kunndɛ David i osu nunfuɛ b'ɔ ti be famiɛn'n. Be nga be ´wunnge Anannganman aklunyefuɛ sɔ'n i wun'n, bé wun ´usu be yɛ be ´ba-a.

Zakari 14:10

Lika ng'ɔ mantan Zerizalɛm lɛ'n, kɛ ɔ fɛ i Gɛba b'ɔ o mɛn'n i nglo lɔ lika'n nun b'ɔ ´fa ju Rimɔn ngua wa lika nun'n, ɔ ´yo kpɛtɛkplɛɛ. Kpɛkuun Zerizalɛm ´tran nglo. Ɔ ´kɛ i osu nun lɛ. Ɔ ´fɛ i Bɛnzamɛn anuan'n nun lɛ ɔ ´fa ju cɔnjɔ su anuan'n nun lɔ kan anuan klikli'n wo lɛ'n. Kpɛkuun ɔ ´fɛ i Ananeɛl i sasawlɛ nglo sua'n wun lɛ ɔ ´fa ju famiɛn'n i nzan yiwlɛ'n nun lɔ.

Zakari 14:9

Anannganman'n yɛ ɔ ´sie mɛn wunmuan nin-ɔn. I kunngba yɛ ɔ ´yo Nyanmiɛn bɔ sran'm be kwlaa be su i-ɔ. I kunngba yɛ sran'm be kwlaa be ´bo i dunman-an.

Zakari 8:22

Nvle kaka kpa nin mɛn nga be yo sro'n be nunfuɛ'm be ´ba Zerizalɛm, be ´fa bé wun ´mantan Anannganman b'ɔ sie mɛn wunmuan'n yɛ be ´srɛ i.

Zakari 8:3

Anannganman wan yoo: «I sɔ'n ti yɛ n sali min sin Siɔn wa yɛ min wan n wa tran Zerizalɛm wa nin-ɔn. Be wa flɛ Zerizalɛm kɛ: Nanwlɛ Klɔ, yɛ be ´flɛ Siɔn oka'n kɛ: Nyanmiɛn Oka.»

Malasi 3:12

Nvle uflɛ nga be o lɛ mun'n be ´se amun kɛ amun liɛ su ti ye! Afin amun mɛn'n nun tranlɛ ɔ wa yo fɛ kpa.» Anannganman b'ɔ sie mɛn wunmuan'n yɛ ɔ kan sɔ-ɔ.

Kalɛ 24:14

Siɛn'n, n su sa mín sin n kɔ min mɛn'n nun, sanngɛ kwlaa nan m'an wɔ'n, bla nan n wa bo sa nga Izraɛlfuɛ'm be wa fa yo ɔ nvle'n cɛn kun'n su n kle wɔ.»

Sa nga bé yôli'n 2:17

‹Nyanmiɛn waan: An `nian, sa nga cɛn wie lele kɛ mɛn'n ɔ ´kɔ i bue nuan'n, m ma yo'n yɛ: N ´fa n Wawɛ'n man sran kwlaa. Amún mma yasua nin amun mma mmla'm be ´ijɔ min nuan, amun mma gbanflɛn'm be ´wun like aolia nun, yɛ amún si ngbɛn-ngbɛn'm be ´cɛn laliɛ.

2 Timote 3:1

Ndɛ nga m ma kan kle wɔ yɛ'n, fa sie ɔ klun kpa: «Cɛn wie lele'n, kɛ mɛn'n ɔ ´kɔ i bue nuan'n, lika'n ɔ ´yo kekle.»

Hébreu 1:2

Sanngɛ e bɔ e su kɔ mɛn'n i bue nuan'n, ɔ man i Wa'n yɛ ɔ kan ndɛ kleli ye-ɔ. I yɛ ɔ man ɔ yili mɛn'n nin ninnge'n kwlaa-a, yɛ ɔ seli kɛ ɔ ´fa like'n kwlaa mɛn i.

2 Piɛr 3:3

Man an si kpa kɛ cɛn wie lele kɛ mɛn'n ɔ ´kɔ i bue nuan'n, sran wie'm be ´ba, be ´yo sa nga be klun klo'n, yɛ be ´sri amun ,

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 20:4

N wunnin bia mun, be nga be ti be su'n, be sieli be kɛ be di jɔlɛ. Be nga ndɛ nanwlɛ bɔ Jésus yili i nglo'n, nin Nyanmiɛn i ndɛ'n bɔ be kan ti be kunnin be'n, bɔ b'a koto-man nnɛn'n i wunsu bɔ be yoli'n i bo'n, bɔ nnɛn'n i nzɔliɛ'n nun-man be ngban su nin bé sa'n su'n, n wunnin be wawɛ'n. Be cɛnnin, yɛ be nin Krist be dili famiɛn afuɛ akpi .