Ezai 2:19 - NYANMIƐN NDƐ'N 1998

¹⁹ Anannganman i ya dan'n nin i nyrun b'ɔ yo sro'n ti'n, sran'm be wa wlu yɛbuɛ buɛ'm be nun, be ´fia kunman'm be nun asiɛ'n i bo lɔ, afin Anannganman ɔ wa jaso, ɔ ´wlanwlan asiɛ'n sufuɛ mun .

Ezai 2:19 ပူးပေါင်းရင်းမြစ်များ

2 Samiɛl 22:46

Aofuɛ'm b'a wie kpɔnzɔ. Kɛ be fin bé fiawlɛ'm be nun ´fite'n, bé usu sa tututu.

Zɔb I Nyrɛnnɛn Wunlɛ 9:6

Ɔ man asiɛ'n keje, kpɛkuun i bo'n ɔ taka-man kpa kun.

Jue Mun 7:6

man min kpɔfuɛ wie fuan min tra min, man ɔ yi min ase tiatia min su, ɔ kun min nan n dunman saci asiɛ'n su.

Ezai 13:13

I sɔ'n ti, min Anannganman bɔ n sie mɛn wunmuan'n, min ya dan bɔ m'an fa'n nin min anwlɛn bɔ fita min klun'n ti, n wa keje nyanmiɛn su lɔ'n, yɛ n ´keje asiɛ'n kusu.

Ezai 2:10

Anannganman i ya dan'n, nin i nyrun b'ɔ yo sran sro'n ti, amun `wlu yɛbuɛ buɛ'm be nun, amun `fia kunman'm be nun asiɛ'n i bo lɔ.

Ezai 2:21

Anannganman i ya dan'n nin i nyrun b'ɔ yo sro'n ti'n, sran'm be ´wlu yɛbuɛ buɛ'm be nun, be ´wanndi. Afin Anannganman ɔ wa jaso, ɔ ´wlanwlan asiɛ'n sufuɛ mun.

Ezai 24:1

Amun `nian, Anannganman wa saci asiɛ'n, ɔ man asiɛ'n i sufuɛ'm be ´wie. Ɔ ´utu i nyin ase, yɛ ɔ ´sanngan be nga be o su'n be nun.

Ezai 24:18

Sran ng'ɔ wanndi srɛ b'ɔ kun i ti'n, ɔ ´tɔ buɛ'n nun. Sran ng'ɔ fin kunman'n nun fite b'ɔ nyɛn i ti'n, ɔ ´tɔ tɛ bɔ b'a gua'n nun. Afin nyanmiɛn su lɔ nzue'n, sɛ e ´kwla se'n, e se kɛ b'a tike i anuan. Yɛ asiɛ'n ɔ keje lele ju i bo lɔ.

Ezai 24:19

Asiɛ'n su kpaci, asiɛ'n su tɛtɛ, asiɛ'n su keje.

Ezai 30:32

Be ngble nuan kwlaa nga Anannganman ´bla be'n, sran'm be ´bo su klɛn nin jru. Anannganman bɔbɔ nin be ´kun.

Ezai 33:10

Anannganman'n wan yoo: «Siɛn'n, n wa tin min wun ase, siɛn'n, n wa yi min wun nglo, siɛn'n, n wa kle kɛ n ti dan.

Ezai 7:19

Be ´ba, be wa tran kongo kploun'n nin yɛbuɛ buɛ'm be nun. Be ´tran susrɛ'm be kwlaa be su, be ´tran kan nnɛn'm be didi lɛ'n kwlaa nun.

Zeremi 16:16

Anannganman waan: «N wa sunman jue trafuɛ kpanngban kɛ be ko tra be. I sin n ´sunman koniɛn difuɛ kpanngban kɛ be di be wun koniɛn oka mun, nin kpɔlɛ'm be su, ɔ nin yɛbuɛ buɛ'm be kwlakwla be nun.

Zeremi 4:29

Kɛ klɔ'n nunfuɛ'm be ti nnɛn kpanngɔ fufuɛ nin ta tofuɛ'm be ngan'n, be kwlaa be lɛ wanndilɛ. Be ko fia susrɛ'm be nun. Be ko fu yɛbuɛ'm be su. Klɔ ngbɛn'n nannan lɛ, sran fi nun-man su kun.

Zeremi 48:28

An `yaci klɔ'm be lɛ, an `ko tran yɛbuɛ-yɛbuɛ'm be nun. An `yo kɛ auble'm be sa. Amun `yo kɛ auble'm bɔ be yo be sua yɛbuɛ ng'ɔ seli piaa i wun'n sa.

Ezekiɛl 33:27

Kan ndɛ nga kle be man min, se be kɛ: ‹Min Anannganman Nyanmiɛn bɔ min nyin o su'n, n se amun kɛ be nga be kali klɔ buebue'm be nun'n, be ´kun be. Be nga be o blo lɔ'n, blo nnɛn tɛtɛ'm be ´di be. Be nga be fia oka'm be nun nin yɛbuɛ buɛ'm be nun'n, tukpacɛ b'ɔ sa ndɛndɛ'n ɔ ´kun be.

Ndɛ Nga Nyanmiɛn I Nuan Ijɔfuɛ Oze Kannin'n 10:8

Bɛt-Avɛn lɔ amuɛn bo nga Izraɛlfuɛ'm be yo be sa tɛtɛ nun'n, be kwlaa be ´saci. Ijre tɛtɛ mun nin owie'm b'a di sraka yiwlɛ bɔ be o kpɔlɛ lika'm be su mun. I sɔ blɛ liɛ nun'n, be wa se kɛ: «Oka mun ee! An `kata e su o! Kpɔlɛ mun ee! An `tɔ e su o !»

Mise 7:17

Be ´nɔn ndutre'n kɛ wuo nin nnɛn nga be cuɛn bé wun ase'n be sa. Be ´fin be fiawlɛ'm be nun be ´ba-a be lɛ usulɛ. Be ´ba wɔ Anannganman bɔ a ti e Nyanmiɛn'n ɔ sin, srɛ ´kun be, be wa sro wɔ.

Naɔm 3:11

Niniv, sa kunngba sɔ'n, ɔ ´nyan wɔ wie. Sa yaya sɔ'n ɔ ´ju wɔ sɛsɛ man a ´yo kɛ ɔ ti yɛ ɔ'a saci sa. Ɔ blɛ liɛ su'n, a ´kunndɛ a wanndi ɔ kpɔfuɛ'm bé bo ´ko fia.

Ndɛ Nga Nyanmiɛn I Nuan Ijɔfuɛ Aze Kannin'n 2:6

Afin, Anannganman b'ɔ sie mɛn wunmuan'n wan yoo: ‹Ɔ ka kaan n ´keje nyanmiɛn su lɔ nin asiɛ'n, n ´keje jenvie'n nin asiɛ'n .

Ndɛ Nga Nyanmiɛn I Nuan Ijɔfuɛ Aze Kannin'n 2:7

N ´keje aofuɛ'm be nun. Bé bo ninnge kpakpa'm be ´sɔn kpanngbangban. N ´yo man mín sua'n ´nyan nyrun ekun. M bɔbɔ min yɛ n kan sɔ-ɔ.

JÉSUS-CHRIST I DYASIN FE'N BO LUC KLELI'N 23:30

Yɛ be ´se kɛ: ‹Oka mun ee, amun tɔ e su o! Kpɔlɛ mun ee, amun kata e su o !›

2 Tɛsalonikfuɛ Mun 1:9

Fɔ ng'ɔ ´fa tu be'n yɛlɛ kɛ be awieliɛ'n ´wie be tɛ, be ´ka nun sɔ mlɔnmlɔn, be nin e Min'n ´bu, ɔ man be su wun-man i anyrunnyan dan bɔ lɛ i'n .

Hébreu 11:38

Be kpa'n ti'n, be nin mɛn nga nun tranlɛ a fata-man! Be wlan-wlan aawlɛ flɛnnɛn'm be nun nin oka'm bé su, yɛ be tran yɛbuɛ buɛ nin kunman'm be nun.

Hébreu 12:26

Laa kɛ ɔ ´ijɔ'n, asiɛ'n kejeli, sanngɛ siɛn'n ɔ se e kɛ: «M ma keje asiɛ'n ekun nin nyanmiɛn b'ɔ la nglo lɔ plaii'n kusu .»

Sa nglô yile 11:13

Be osu kunngba sɔ'n nun, asiɛ'n kejeli dan kpa, klɔ'n i bue kan bubuli, sran akpi nso (7.000) be wuli asiɛ'n i kejelɛ sɔ'n ti. Srɛ kunnin be wie mun kusu nan b'a manman Nyanmiɛn b'ɔ o nyanmiɛn su lɔ'n.

Sa nglô yile 11:19

Be tikeli Nyanmiɛn i sua b'ɔ o nyanmiɛn su lɔ'n i anuan'n, nan b'a wun aenguɛ nga Nyanmiɛn nin sran'm be trali i alaka'n lɔ. Nyanmiɛn'n kpali sin, be tili sran'm be nɛn, nyanmiɛn'n kplali, asiɛ'n kejeli, yɛ nzraama bɔ kɛ nzue'n ´tɔ-ɔ ɔ gua'n, ɔ guali dan kpa .

Sa nglô yile 16:18

Nyanmiɛn'n kpali sin, be tili sran nɛn, nyanmiɛn'n kplali, yɛ asiɛ'n kejeli dan kpa. Kɛ Nyanmiɛn yili sran mun lele'n, asiɛ'n nian keje-man sɔ le .

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.

Sa nglô yile 9:6

Blɛ sɔ'n nun'n, sran'm be ´kunndɛ wie'n, sanngɛ be su wu-man. Be ´fa bé wun man wie'n, sanngɛ ɔ su kun-man be .

1 Samiɛl 13:6

Izraɛlfuɛ'm be ´nian-an, Filistifuɛ mun b'a mantan be koko kpa, kɛ be wun-man bé wun fɛ'n, be ko fiali yɛbuɛ buɛ'm be nun, wie'm be ko fiali susrɛ'm be nun, nin yɛbuɛ dandan'm be afiɛn, nin lika nga be sisili bé wun'n be nun, ɔ nin nzue gbo'm be nun lɔ.

1 Samiɛl 14:11

Yɛ be fali bé wun kleli Filistifuɛ mun-ɔn. Filistifuɛ'm be waan: «Ebre'm be su fin buɛ nga be fiali nun'n be nun ´fite.»