Ezai 2:16 - NYANMIƐN NDƐ'N 1998

¹⁶ Cɛn sɔ nun'n, ɔ nin Tarsis lɔ mmeli dandan'n be kwlaa be ´nyɛn i, ɔ nin mmeli nglanman'm be kwlaa be ´nyɛn i.

Ezai 2:16 ပူးပေါင်းရင်းမြစ်များ

1 Famiɛn Mun 10:22

Famiɛn'n lɛ mmeli mun, ɔ man be nin famiɛn Iram i liɛ mun be kɔ mmua, be kɔ Tarsis. Afuɛ nsan kwlaa be ba kpalɛ kun. Be ´ba'n, be fa sika ɔkwlɛ, nin jɛtɛ ufue, nin sui je mun, nin ndo mun, ɔ nin anunman fanunfanun mun ba.

Jue Mun 47:7

Amun `to jue bo flɛ Nyanmiɛn, amun `to jue bo flɛ i. Amun `to jue bo flɛ e famiɛn'n, amun `to jue bo flɛ i.

Ezai 2:17

Klɔ sran'n i wun dandan yolɛ'n ɔ ´kan ase, i wun tulɛ'n ɔ ´go nun. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 23:1

Sa ng'ɔ ´ju Tir klɔ'n su'n. Sɛ Tarsis lɔ mmeli'm be ti sran'n, wuun n ´se be kɛ be `sun kpa, afin Tarsis klɔ'n ɔ'a saci: sua nun-man lɔ kun, be wlu klɔ'n nun-ɔn, ɔ yo-man ye kun. Kɛ be fin Kitim mɛn'n nun lɔ bali'n yɛ be tili ndɛ sɔ nin-ɔn.

Ezai 23:14

Sɛ Tarsis mmeli'm be ti sran'n, wuun n ´se be kɛ be `la kondo, afin be sasafuɛ'n ɔ'a saci.»

Ezai 60:9

Be nga be tran jenvie'n nuan mmua mmua lɔ'n, bɔ be lafi min su'n, be yɛ be ba-a. Tarsis lɔ mmeli'm be dun mmua be nyrun, be sua ɔ mma bɔ be o mmua mmua lɔ'n mun ba. Be jɛtɛ ufue'n nin be sika ɔkwlɛ'n wo mmeli sɔ'm be nun wie. Be ba Anannganman ɔ Nyanmiɛn'n i manmanlɛ, afin ɔ yo man a nyan nyrun.

Ezai 66:19

N ´fa min sielɛ'n i nzɔliɛ'n n ´sie be afiɛn. Sɛ n di be jɔlɛ wie'n, be nga be ´ka lɛ'n, n ´sunman be Tarsisfuɛ mun, nin Pilfuɛ mun, ɔ nin Lidfuɛ'm bɔ be si ta'n i to kpa'm bé sin. N ´sunman be Tibalfuɛ mun nin Zavanfuɛ'm bé sin ekun. Asiɛ bɔ nzue sin yia be'n, bɔ be o mmua-mmua lɔ'n, bɔ be nian kan-man min wun ndɛ be nian ti-mɛn i lɔ le'n, bɔ lɔfuɛ'm be nian wun-man min nyrun nyannyan'n le'n, n ´sunman be nga be ´ka lɛ sɔ'm be lika sɔ'm be kwlaa be nun lɔ wie. Yɛ be nga n ´sunman be sɔ'n, be ´kan min nyrun bɔ n lɛ i'n i ndɛ kle nvle-nvle'm be nunfuɛ mun.

Ezekiɛl 27:25

«Tarsis lɔ mmeli'm be sua wɔ aata ninnge mun. Be di-man wɔ anyanbeun ninnge'm be yalɛ jenvie'n i afiɛn. Yɛ wɔ anyrunnyan'n ti dan lɔ ekun.

Kalɛ 33:52

amun `kan lɔfuɛ nga be o amun nyrun'n bé bo, amun `bubu amuɛn nga be fali yɛbuɛ annzɛ blalɛ yoli'n mun, amun `saci be sraka yiwlɛ lika bɔ be o kpɔlɛ'm be su mun.

Sa nglô yile 18:11

Asiɛ'n su aata difuɛ'm be kusu be ´sun, yɛ be ´bo awuyomo, afin sran fi su to-man be aata ninnge'm be kun.

Sa nglô yile 8:9

i nun ninnge'm be wuli, yɛ i su mmeli'm be sacili .