Ezai 2:12 - NYANMIƐN NDƐ'N 1998

¹² Anannganman b'ɔ sie mɛn wunmuan'n ɔ'a sie cɛn kun. Cɛn sɔ nun'n, ɔ ´kan be nga be tu bé wun'n be ase, ɔ ´kan be nga be yo bé wun dandan'n be ase, ɔ ´kan be nga be man bé wun su'n be ase .

Ezai 2:12 ပူးပေါင်းရင်းမြစ်များ

2 Samiɛl 22:28

Sran nga be kan bé wun ase'n, a de be nvle'n. Yɛ be nga be tu bé wun'n, a kan be ase.

Zɔb I Nyrɛnnɛn Wunlɛ 24:1

?Ɔ yo sɛ ti yɛ Nyanmiɛn b'ɔ kwla like kwlaa yo'n ɔ'a sie-man cɛn bɔ ɔ ´fa di i jɔlɛ nin-ɔn? ?Ɔ yo sɛ ti yɛ ɔ yi-man cɛn sɔ'n i nglo kle-man be bɔ be si i mun-ɔn?

Jue Mun 131:1

Zerizalɛm kɔlɛ'n i su jue. Jue sɔ'n ɔ ti David liɛ. I waan: Anannganman, n ti-man wun tufuɛ, n yo-man mín wun dandan, like ng'ɔ ti-man mín wun su liɛ'n, n yo-man.

Jue Mun 18:28

Sran nga be kan bé wun ase'n, a de be nvle'n. Yɛ be nga be yo bé wun dandan'n, a kan be ase.

Jue Mun 37:13

Srilɛ yɛ Anannganman sri i-ɔ. Afin ɔ si kɛ sran sɔ'n i fɔ bulɛ cɛn'n ɔ'a mantan.

Jue Mun 94:2

Wɔ yɛ a ti asiɛ'n sufuɛ'm be jɔlɛ difuɛ nin-ɔn, jaso! A nin be bɔ be yo bé wun dandan'n be `yia nun. Fa bé sa tɛ'n i ti akatua'n man be.

Nyanndra Mun 16:5

Be nga be yo bé wun dandan'n, Anannganman i nyin ci be. Kannzɛ ɔ yo sɛ ɔ su yaci cɛ-man be.

Ezai 10:12

Sɛ Anannganman ko wie i junman'n kwlakwla di Siɔn oka'n su lɔ nin Zerizalɛm lɔ'n, ɔ nin Asiri famiɛn'n be ´yia nun i wun tulɛ'n nin i wun dandan yolɛ'n ti.

Ezai 10:33

Amun nian, Anannganman Nyanmiɛn b'ɔ sie mɛn wunmuan'n, ɔ ´fɛ i wunmiɛn'n kwlaa kpɛkpɛ waka sama mun. Waka nga be ti fleiinfleiin'n, ɔ ´kpɛ bé bo, nga be ti ndɛnndɛn kpa'n, ɔ ´bu bé bo gua.

Ezai 13:11

Anannganman waan: «Mɛn'n nunfuɛ'm be klunwi'n ti, m ´bu be fɔ, yɛ be bɔ be sro-man Nyanmiɛn'n, bé sa tɛ bɔ be yo'n ti, m ´bu be fɔ. N ´jran wun tufuɛ'm bé wun dandan bɔ be yo'n, yɛ be nga bɔ kɛ be ´sie sran'm be tin be su'n, bé wun ngbli-ngbli yolɛ'n, n ´kɛn i ase.

Ezai 13:6

Amun `bo awuyomo, afin Anannganman i cɛn'n ɔ'a mantan koko. Ɔ ´ba kɛ Anannganman b'ɔ kwla like'n kwlaa yo'n i like b'ɔ saci like'n kwlaa'n sa .

Ezai 13:9

Amun `nian, Anannganman i cɛn'n ɔ su ba, i ya dan'n i cɛn'n su ba, i ya ble'n i cɛn'n su ba, cɛn sɔ'n ti-man blɛblɛ. Anannganman ´yo man asiɛ'n su ´tɔ koun, ɔ ´nunnun sa tɛ yofuɛ mun .

Ezai 14:15

Sanngɛ be suli ɔ bo yili i blɔlɔ lɔ, be suli ɔ bo yili kunman dan'n i bo lɔ kpa crɔcrɔcrɔ.

Ezai 23:9

Anannganman b'ɔ sie mɛn wunmuan'n i yɛ man sa sɔ'n ɔ juli-ɔ kɛ ɔ ´yo nan be kwlaa nga be tu bé wun'n, bé wun tulɛ'n ɔ'a wie'n ti, kɛ ɔ ´yo nan ɔ'a kan be nga sran'm be bu be sran asiɛ su'n be ase'n ti.

Ezai 24:21

I cɛn sɔ nun'n, Anannganman ɔ ´tu nglo lɔ ninnge'm be fɔ nyanmiɛn su lɔ. I cɛn sɔ nun'n, ɔ ´tu asiɛ'n su famiɛn'm be fɔ .

Ezai 24:4

«Asiɛ'n sufuɛ'm be o sɛ nun, mɛn'n i nunfuɛ'm b'a fɛ, b'a yo koklo, sran dandan nga be o asiɛ'n su'n b'a yo sa kokloo.»

Ezai 40:23

I yɛ ɔ yo man wlengbi'm be nyrun'n ɔ wie nin-ɔn, i yɛ man asiɛ'n su jɔlɛ difuɛ'm bé nyin utu ase nin-ɔn.

Ezai 42:15

N ´saci oka mun nin kpɔlɛ mun, n ´yo man bé su ijre nin waka'm be kwlaa be ´wu kee. N ´yo man nzue ba'm be ´wie nun, yɛ fɛtɛ'm be ´wu kee.

Ezai 5:15

I sɔ'n ti, be wa kan sran'm be ase, yɛ be wa gua be nyin ase. Sran nga be ti wun tufuɛ'n, be ´kan be ase.

Ezai 61:2

I waan n wa kan afuɛ nga Anannganman ɔ ´yo sran'm be ye'n nin cɛn ng'ɔ ´tu i klunngbɔ i kpɔfuɛ'm be su'n, be ndɛ. I waan n wa fɔnvɔ be nga be o sɛ nun'n mun .

Zeremi 12:9

?Min nvlefuɛ mun be yɛ b'a yo kɛ anunman wie sa bɔ nnɛn wlɛfuɛ'm be sɔ i wa be sɔ i wa sɔ-ɔ? Be `yiayia bo nun nnɛn mun. Man be wa di cɛn.

Zeremi 13:9

«Min Anannganman'n min wan yoo: ‹Like nga Zidafuɛ'm be fa di be nuan, like nga Zerizalɛmfuɛ'm be fa di be nuan beblebe'n, kɛ n ´saci i sa.

Zeremi 30:7

Nguɛ nyrɛnnɛn liɛ yɛlɛ nga! Afin cɛn sɔ'n yo sro, be nian wun-mɛn i sɔ cɛn'n wie le. Ɔ ti Zakɔb osufuɛ mun be awlaboɛ blɛ. Sanngɛ be ´fin nun fite .»

Zeremi 46:10

Anannganman b'ɔ sie mɛn wunmuan'n i cɛn liɛ'n yɛ ɔ'a ju andɛ yɛ. I klunngbɔ tulɛ blɛ liɛ'n yɛ. Ɔ ´tu i klunngbɔ guɛ i kpɔfuɛ'm be su. Tokofi'n i aliɛ b'ɔ di'n yɛlɛ sran nnɛn. I nzue b'ɔ nɔn'n yɛlɛ mmoja. E min'n kun-man be blɛblɛ. Anannganman b'ɔ sie mɛn wunmuan'n ɔ nin be ɔ'a nyɛn i nglo lɔ lika'n nun Efrat nuan su lɔ.

Zeremi 50:31

«Wun tufuɛ kpli, e nin wɔ y'a nyɛn i. Ɔ fɔ tulɛ blɛ liɛ'n juli.» Anannganman b'ɔ sie mɛn wunmuan'n yɛ ɔ kan sɔ-ɔ.

Ezekiɛl 13:5

B'a ko tannin-man talɛ'n i nun toklo mun, b'a kplan-man talɛ nga be fa sisi klɔ'n wun bɔ Anannganman'n i ya blɛ'n nun kɛ alɛ'n ko tɔ'n, ɔ sasa sran mun'n.

Amɔs 5:18

Amun bɔ an wo Anannganman i cɛn'n i minndɛlɛ'n, amun yako lele! ?Amun klun lɔ'n, an bu i kɛ i sɔ cɛn'n nun'n muae yɛ amun wa nyɛn i Anannganman sa nun-ɔn? Ɔ siɛ i mlɔnmlɔn! Amún nyin yɛ ɔ ´si amun ble-ɔ.

Mise 2:3

I ti man Anannganman wan yoo: «Sran tɛtɛ kɛ amun sa'n, m'an dun mmua m'an bu amún nyrɛnnɛn klelɛ'n i akunndan m'an sie, an su fin-man nun be fite-man. Siɛn'n, sɛ amun ´nanti-ɔ, amun su kwla-man amún ti'n su man kun, afin i sɔ blɛ liɛ'n ´yo nyrɛnnɛn blɛ.»

Mise 5:11

N ´saci amun wunnzue yilɛ ninnge mun, kɔmiɛnfuɛ su tran-man amun lɔ kun.

Sofoni 1:16

Sonja nga be fin lika wie be bali kɛ be nin be kpɔfuɛ mun be ´kun alɛ'n, be ´bo awɛ yɛ be ´kpan alɛ kpanlɛ. Klɔ nga be si be wun'n, bɔ be lɛ sasawlɛ sua nglo-nglo'n be nin be nunfuɛ'm bé kun.

Sofoni 3:11

«Cɛn sɔ nun'n sa nga amun yoli min'n, fɔnlɛ nga amun fɔnnin min wun'n, amun su fɛ-mɛn i su afɛ'n kun, afin be nga be tu bé wun beblebe'n, n ´kan be bo amun wun lɛ. Kpɛkuun amun ´yaci amun wun tulɛ min Nyanmiɛn min oka'n su.

Matthieu 23:12

Sran ng'ɔ yo i wun dandan'n, Nyanmiɛn wa guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.

JÉSUS-CHRIST I DYASIN FE'N BO LUC KLELI'N 14:11

Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

1 Korɛntfuɛ Mun 5:5

an `fa sran sɔ'n wlɛ Satan sa nun man ɔ saci i wunnɛn'n nan ɔ'a fite nun e Min'n i cɛn'n nun!

1 Tɛsalonikfuɛ Mun 5:2

Afin amun bɔbɔ an si kpa kɛ e Min'n i balɛ cɛn'n ɔ ´fu ye nun kɛ awiefuɛ b'ɔ ba kɔnguɛ'n sa .

Jacques 4:6

Sanngɛ ye nga Nyanmiɛn yo ye'n ti dan, afin be klɛli i kɛ: «Nyanmiɛn nin be nga be tu be wun'n mun be lɛ i, sanngɛ ɔ yo aenvuɛfuɛ'm be ye .»