Ezai 2:11 - NYANMIƐN NDƐ'N 1998

¹¹ Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:11 ပူးပေါင်းရင်းမြစ်များ

2 Samiɛl 22:28

Sran nga be kan bé wun ase'n, a de be nvle'n. Yɛ be nga be tu bé wun'n, a kan be ase.

Jue Mun 18:27

Sran ng'ɔ ti saun'n, a yi ɔ saun bɔ a ti'n i nglo kle i. Sran nga kusu b'ɔ bu i wun ngwlɛlɛfuɛ'n, a yi ɔ ngwlɛlɛ'n i nglo kle i.

Jue Mun 18:28

Sran nga be kan bé wun ase'n, a de be nvle'n. Yɛ be nga be yo bé wun dandan'n, a kan be ase.

Jue Mun 20:8

Wie'm be lafi be kakaklolo'm be su, wie'm be kusu be lafi nnɛn kpanngɔ'm bé su. E liɛ'n, Anannganman e Nyanmiɛn'n yɛ e fa e wla guɛ i su-ɔ.

Jue Mun 46:10

Kɛ ɔ fɛ i lele b'ɔ ´fa ju mɛn'n i awieliɛ lɔ'n, ɔ'a yo man alɛ kunlɛ'n ɔ'a wie, ɔ'a bubu ta'm be nun, ɔ'a bubu cua'm be nun, ɔ'a wɔ nyrɛn'm be nun.

Jue Mun 46:11

I waan: «Amun `jran, man amun si kɛ n ti Nyanmiɛn. Min yɛ n sie nvle'm be nunfuɛ mun-ɔn. Min yɛ n sie asiɛ wunmuan nin-ɔn.»

Jue Mun 94:2

Wɔ yɛ a ti asiɛ'n sufuɛ'm be jɔlɛ difuɛ nin-ɔn, jaso! A nin be bɔ be yo bé wun dandan'n be `yia nun. Fa bé sa tɛ'n i ti akatua'n man be.

Nyanndra Mun 16:5

Be nga be yo bé wun dandan'n, Anannganman i nyin ci be. Kannzɛ ɔ yo sɛ ɔ su yaci cɛ-man be.

Nyanndra Mun 30:13

Sran'n wie o lɛ'n, ɔ yo-mɛn i wun kpakpa ngowa. Sran fi ti-man sran i nyrun.

Ezai 10:12

Sɛ Anannganman ko wie i junman'n kwlakwla di Siɔn oka'n su lɔ nin Zerizalɛm lɔ'n, ɔ nin Asiri famiɛn'n be ´yia nun i wun tulɛ'n nin i wun dandan yolɛ'n ti.

Ezai 12:1

Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.

Ezai 12:4

Yɛ cɛn sɔ nun'n, amun ´se kɛ: «Amun `manman Anannganman, amun `kpan flɛ i, i sa dandan ng'ɔ yo be'n, amun `kan be nvle-nvle'm be nun. Amun `kpɛn sran'm bé wla kɛ i dunman'n ti fuwa.

Ezai 13:11

Anannganman waan: «Mɛn'n nunfuɛ'm be klunwi'n ti, m ´bu be fɔ, yɛ be bɔ be sro-man Nyanmiɛn'n, bé sa tɛ bɔ be yo'n ti, m ´bu be fɔ. N ´jran wun tufuɛ'm bé wun dandan bɔ be yo'n, yɛ be nga bɔ kɛ be ´sie sran'm be tin be su'n, bé wun ngbli-ngbli yolɛ'n, n ´kɛn i ase.

Ezai 14:15

Sanngɛ be suli ɔ bo yili i blɔlɔ lɔ, be suli ɔ bo yili kunman dan'n i bo lɔ kpa crɔcrɔcrɔ.

Ezai 2:17

Klɔ sran'n i wun dandan yolɛ'n ɔ ´kan ase, i wun tulɛ'n ɔ ´go nun. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 23:9

Anannganman b'ɔ sie mɛn wunmuan'n i yɛ man sa sɔ'n ɔ juli-ɔ kɛ ɔ ´yo nan be kwlaa nga be tu bé wun'n, bé wun tulɛ'n ɔ'a wie'n ti, kɛ ɔ ´yo nan ɔ'a kan be nga sran'm be bu be sran asiɛ su'n be ase'n ti.

Ezai 24:21

I cɛn sɔ nun'n, Anannganman ɔ ´tu nglo lɔ ninnge'm be fɔ nyanmiɛn su lɔ. I cɛn sɔ nun'n, ɔ ´tu asiɛ'n su famiɛn'm be fɔ .

Ezai 25:9

I cɛn sɔ nun'n, be ´se kɛ: «I yɛ ɔ ti e Nyanmiɛn nin-ɔn. E lafili i su yɛ ɔ deli ye, Anannganman yɛ e fali é wla guɛli i su-ɔ. Man é wun blibli ye. Man e klun jɔ delɛ b'ɔ deli ye'n ti.

Ezai 26:1

I cɛn sɔ nun'n, be ´to jue ng'ɔ o yɛ'n Zida mɛn'n nun. Be ´se kɛ: «E lɛ klɔ kun bɔ be sili i wun'n kpa. Anannganman i delɛ b'ɔ de ye'n, ɔ ti kɛ talɛ nnyɔn sa yɛ be si klɔ'n i wun-ɔn.

Ezai 28:5

I cɛn sɔ nun'n, Anannganman b'ɔ sie mɛn wunmuan'n, i sran nga be kali lɛ'n, ɔ ´yo kɛ be famiɛn kle nyɛnnyɛnnyɛn sa, ɔ yo kɛ be kpongbo kle klanman wie sa.

Ezai 29:18

I cɛn sɔ nun'n, sutrefuɛ'm be su'n ´ti ndɛ nga be kɛnnin i fluwa nun'n, anyansifuɛ'm be nyinma'm be ´wun ase, be ´fin aosin'n nun be ´fite.

Ezai 30:18

I sɔ'n ti, Anannganman'n sunnzun kɛ ɔ ´yo amun ye, i waan ɔ ´si amun aunnvuɛ. Afin Anannganman ti Nyanmiɛn kun b'ɔ yo sa i nuan su. Be kwlaa bɔ be fa bé wla guɛ i su'n, be liɛ su ti ye .

Ezai 30:23

Kpɛkuun Anannganman ɔ ´yo man nzue ´tɔ ninnge nga amun luali'm be su. Yɛ amun ´nyan aliɛ b'ɔ ti kpa, amun ´nyɛn i kpanngban kpa. I blɛ sɔ nun'n, lika nga amun nnɛn'm be didi nun'n, be ´yo tɛtrɛ kpa.

Ezai 37:23

?Wan li yɛ a kɛnnin i ndɛ tɛtɛ bɔ a kpɛli i nzowa nin-ɔn? ?Wan yɛ a ´kɛn i ndɛ bɔ a man ɔ nɛn'n su nin-ɔn? ?Wan yɛ a kpɛli i kannglɛ gaan nin-ɔn? ?Izraɛl Nyanmiɛn bɔ fɔ nun-mɛn i wun nin-ɔn, nɛ́n i-ɔ?

Ezai 4:1

I cɛn sɔ nun'n, bla nso be ´tra yasua kun, yɛ be se i kɛ: «E bɔbɔ e ´kunndɛ e like e ´di, e ´kunndɛ é tannin e ´kla. Ɔ dunman'n cɛ yɛ e waan a `fa sie e su nan e nyrun nyannzuɛn ɔ wie-ɔ!»

Ezai 40:23

I yɛ ɔ yo man wlengbi'm be nyrun'n ɔ wie nin-ɔn, i yɛ man asiɛ'n su jɔlɛ difuɛ'm bé nyin utu ase nin-ɔn.

Ezai 52:6

«I sɔ'n ti, cɛn kun n wa kle min nvlefuɛ mun n wafa bɔ n ti'n, be wa si kɛ min yɛ n se kɛ n su ba nin-ɔn .»

Zeremi 12:9

?Min nvlefuɛ mun be yɛ b'a yo kɛ anunman wie sa bɔ nnɛn wlɛfuɛ'm be sɔ i wa be sɔ i wa sɔ-ɔ? Be `yiayia bo nun nnɛn mun. Man be wa di cɛn.

Zeremi 9:24

Anannganman'n waan: «Cɛn wie wa ju bɔ e nin be nga be wla be klɛn liɛ'n be wunnɛn nun ngbɛn'n e ´nyɛn i,

Ezekiɛl 38:14

I sɔ'n ti'n, klɔ sran, kan mín nuan ndɛ'n kle Gɔg. Se Gɔg kɛ Anannganman Nyanmiɛn wan yoo: ‹Cɛn nga Izraɛl b'ɔ ti min nvle'n ɔ tran fɔuun'n, a wa ti.›

Ezekiɛl 38:19

«Min ya dan bɔ n fali'n ti'n, n tali nda kɛ cɛn sɔ'n asiɛ'n ɔ wa keje dan kpa Izraɛl mɛn'n nun.

Ezekiɛl 39:11

«I cɛn sɔ'n nun'n, m ´man Gɔg i lika kun Izraɛl lɔ, be ´sie sran'm be fuɛn nun. Lika sɔ'n be flɛ i wlan-wlanfuɛ'm be kongo. Ɔ o jenvie b'ɔ ti njin nzue klakla'n i bue ng'ɔ kpɛ wia afiliɛ lɔ'n su. Ɔ ´kata be nga be sin'n be atin. Lɛ yɛ be ´sie Gɔg nin i minniɛn kpanngban mun-ɔn, yɛ be wa flɛ i kɛ Gɔg I Sran Kpanngban Mun Be Kongo.

Ezekiɛl 39:22

Kɛ ɔ fin i cɛn sɔ nun'n, Izraɛlfuɛ'm be wa si jrɛiin kɛ min yɛ n ti Anannganman be Nyanmiɛn nin-ɔn.»

Daniɛl 4:34

I sɔ'n ti siɛn'n, m bɔbɔ min Nɛbikadnɛzar m ´manman Nyanmiɛn b'ɔ ti nglo lɔ famiɛn'n. N ´yi i ayɛ yɛ n ´kɛn i wun ndɛ kpa. Like ng'ɔ yo be'n be kwlaa be ti nanwlɛ. Ɔ yo sa'n kwlaa i nuan su. Ɔ kwla kan be nga be tu bé wun'n be ase bɔbɔ.»

Ndɛ Nga Nyanmiɛn I Nuan Ijɔfuɛ Oze Kannin'n 2:16

«I sɔ'n ti n wa lɛkɛ i blɛblɛ n ´fɛ i n ´kɔ aawlɛ flɛnnɛn'n nun lɔ n ´ko kɛn i anwlɛn su ndɛ.

Ndɛ Nga Nyanmiɛn I Nuan Ijɔfuɛ Oze Kannin'n 2:18

Anannganman'n waan: «I cɛn sɔ nun'n, ɔ ´flɛ min kɛ: ‹Min wun.› Ɔ su flɛ-man min kɛ: ‹Baal min Min kun.›

Ndɛ Nga Nyanmiɛn I Nuan Ijɔfuɛ Oze Kannin'n 2:21

Jalɛ nga n ´ja wɔ yɛ'n, n su yra-man wɔ le. Ɔ ´yo nanwlɛ su. N ´klo wɔ, n ´si wɔ aunnvuɛ.

Amɔs 9:11

Anannganman'n waan: «David i famiɛn klɔ'n bɔ ɔ'a bubu'n, cɛn kun n ´siesie i ye. N ´tannin tannin i toklo mun, i lika nga be bu guali'n, m ´man be su n ´sie be osu, n ´kplɛn i uflɛ, kɛ laa'n sa.

Abdias 1:8

Min Anannganman n wan yoo: Nanwlɛ, cɛn nga min ya'n ɔ ´kpɛn ase'n, n ´nunnun Edɔm mɛn'n nun ngwlɛlɛfuɛ mun. N su yaci-man ngwlɛlɛfuɛ ba kun sa Ezau oka'm be su lɔ.» Anannganman'n yɛ ɔ kan sɔ-ɔ.

Mise 2:3

I ti man Anannganman wan yoo: «Sran tɛtɛ kɛ amun sa'n, m'an dun mmua m'an bu amún nyrɛnnɛn klelɛ'n i akunndan m'an sie, an su fin-man nun be fite-man. Siɛn'n, sɛ amun ´nanti-ɔ, amun su kwla-man amún ti'n su man kun, afin i sɔ blɛ liɛ'n ´yo nyrɛnnɛn blɛ.»

Mise 4:6

«Cɛn kun ɔ wa ju bɔ bua nga bé ja buli'n, n ´fa be n ´sie-ɔ. Sran nga be mlinnin'n, be nga n yoli be tɛtɛ'n, n ´yiayia be.

Mise 5:10

N ´nunnun amun mɛn'n nun klɔ mun, m ´bubu amun klɔ nga be sili be wun mun.

Sofoni 3:11

«Cɛn sɔ nun'n sa nga amun yoli min'n, fɔnlɛ nga amun fɔnnin min wun'n, amun su fɛ-mɛn i su afɛ'n kun, afin be nga be tu bé wun beblebe'n, n ´kan be bo amun wun lɛ. Kpɛkuun amun ´yaci amun wun tulɛ min Nyanmiɛn min oka'n su.

Sofoni 3:16

Ɔ lɛ cɛn bɔ be ´se Zerizalɛmfuɛ mun kɛ yoo: «Siɔnfuɛ mun nán srɛ kun amun, nán amún sa sin bubu amun!

Zakari 9:16

Cɛn sɔ nun'n, Anannganman Nyanmiɛn ´de i sran mun kɛ nnɛn kankanfuɛ'n fa de i nnɛn mun'n sa. Be ´yo kɛ famiɛn kle'n i nun yɛbuɛ kpakpa bɔ be bo mianmian'n sa i lika'n nun.

JÉSUS-CHRIST I DYASIN FE'N BO LUC KLELI'N 18:14

Nanwlɛ, kɛ gua bo sika defuɛ sɔ'n ´kɔ i awlo'n, Nyanmiɛn nin i be afiɛn a sɛ, sanngɛ ɔ nin kun'n be afiɛn a sɛ-man. Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

2 Korɛntfuɛ Mun 10:17

Afin be klɛli i Nyanmiɛn Ndɛ'n nun kɛ: «Sran nga i waan ɔ ´di i nuan'n, man ɔ fa e Min Nyanmiɛn'n di i nuan .»

2 Korɛntfuɛ Mun 10:5

yɛ like nga b'ɔ man sran'm be si-man Nyanmiɛn'n e saci be kwlaa, yɛ e yo man sran'm be kwlaa, sɛ be akunndan'n ti sɛ ti sɛ o, be yaci be akunndan sɔ'n bé nyin yi Krist.

2 Tɛsalonikfuɛ Mun 1:10

Kɛ ɔ ´ba bɔ be nga be ti i liɛ'm be ´mɛnmɛn i'n b'ɔ be nga be ko lafi i su'n be yi i ayɛ'n, amun nga an lafili ndɛ nga e kannin'n su'n, amun ´tran be nun wie. Cɛn sɔ'n nun yɛ ɔ ´tu be fɔ sɔ nin-ɔn.

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»