Ezai 2:10 - NYANMIƐN NDƐ'N 1998

¹⁰ Anannganman i ya dan'n, nin i nyrun b'ɔ yo sran sro'n ti, amun `wlu yɛbuɛ buɛ'm be nun, amun `fia kunman'm be nun asiɛ'n i bo lɔ.

Ezai 2:10 ပူးပေါင်းရင်းမြစ်များ

Zɔb I Nyrɛnnɛn Wunlɛ 31:23

Afin Nyanmiɛn ti famiɛn. N su kwla suɛn-mɛn i fɔ b'ɔ fa tu sran'n i bo .

Zɔb I Nyrɛnnɛn Wunlɛ 40:13

Fa be kwlaa wlɛ i asiɛ'n i bo kpɛ kunngba. Sie be.

Jue Mun 145:12

Be ´kan man sran'm be ti ɔ sa dandan bɔ a yo be'n, nan be `si kɛ ɔ sielɛ'n ɔ yo nyɛnmɛn nan ɔ lɛ nyrun.

Jue Mun 90:11

?Wan yɛ ɔ kwla si kɛ ɔ ya'n i dan'n fa ti ju-ɔ? ?Wan yɛ ɔ kwla wun ɔ ya'n i wlɛ b'ɔ man i nyin yi wɔ kɛ ɔ fata'n sa-a?

Ezai 10:3

?Fɔ bulɛ cɛn nun'n, nin nyrɛnnɛn ng'ɔ fin mmua ba'n i cɛn nun'n, amun ´yo i sɛ? ?Wan yɛ amun ´wanndi ko talo i-ɔ? ?Yɛ nin yɛ amun ´yaci amun anyanbeun ninnge mun-ɔn?

Ezai 25:11

Yɛ lika kunngba sɔ'n nun lɛ'n, be ´man be sa'n su kɛ nzue wɛfuɛ'n tinngɛ i sa'n nun wɛ nzue'n sa. Sanngɛ ɔ nin bé sa bɔ be man su'n i ngba'n, Anannganman kan be wun tulɛ'n i ase.

Ezai 42:22

kpɛkuun be fɛnnin i sran'm be bo ninnge mun, yɛ be kuakuali be. Be trali be aya nun buɛ'm be nun, be wlali be bisua. Be fɛnnin bé bo ninnge mun, yɛ sran fi ɔ'a de-man be . Kɛ be fali bé bo ninnge'm be ngba'n, sran fi a se-man kɛ: «Amun `yi ninnge mun `man!»

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Zeremi 10:7

?Nvle wunmuan'n be famiɛn: wan cɛ yɛ ɔ lɛ atin se kɛ i nyin yi-man wɔ-ɔ? A nin ainyiɛ fata. Afin nvle nin famiɛn diwlɛ'm be nun ngwlɛlɛfuɛ'm be kwlaa be nun sran fi nin wɔ sɛ-man .

Zeremi 13:9

«Min Anannganman'n min wan yoo: ‹Like nga Zidafuɛ'm be fa di be nuan, like nga Zerizalɛmfuɛ'm be fa di be nuan beblebe'n, kɛ n ´saci i sa.

Ndɛ Nga Nyanmiɛn I Nuan Ijɔfuɛ Oze Kannin'n 10:8

Bɛt-Avɛn lɔ amuɛn bo nga Izraɛlfuɛ'm be yo be sa tɛtɛ nun'n, be kwlaa be ´saci. Ijre tɛtɛ mun nin owie'm b'a di sraka yiwlɛ bɔ be o kpɔlɛ lika'm be su mun. I sɔ blɛ liɛ nun'n, be wa se kɛ: «Oka mun ee! An `kata e su o! Kpɔlɛ mun ee! An `tɔ e su o !»

Naɔm 3:11

Niniv, sa kunngba sɔ'n, ɔ ´nyan wɔ wie. Sa yaya sɔ'n ɔ ´ju wɔ sɛsɛ man a ´yo kɛ ɔ ti yɛ ɔ'a saci sa. Ɔ blɛ liɛ su'n, a ´kunndɛ a wanndi ɔ kpɔfuɛ'm bé bo ´ko fia.

JÉSUS-CHRIST I DYASIN FE'N BO LUC KLELI'N 12:5

M ma kle amun sran nga bɔ yɛ an `sro i'n. An `sro Nyanmiɛn bɔ kɛ ɔ kun sran'n, ɔ kwla fɛ i yi nyrɛnnɛn lika nun'n, i yɛ an `sro i-ɔ.

JÉSUS-CHRIST I DYASIN FE'N BO LUC KLELI'N 23:30

Yɛ be ´se kɛ: ‹Oka mun ee, amun tɔ e su o! Kpɔlɛ mun ee, amun kata e su o !›

2 Tɛsalonikfuɛ Mun 1:9

Fɔ ng'ɔ ´fa tu be'n yɛlɛ kɛ be awieliɛ'n ´wie be tɛ, be ´ka nun sɔ mlɔnmlɔn, be nin e Min'n ´bu, ɔ man be su wun-man i anyrunnyan dan bɔ lɛ i'n .